छिमेकीको हत्या गरी नक्कली साधु बनेका लोकनाथ १७ वर्षपछि पक्राउ

काठमाडौँ, २७ चैतः जग्गासम्बन्धी विवादमा छिमेकीको हत्या गरी नक्कली साधु बनेका पर्साको विन्दवासिनी गाउँपालिका २ का ६२ वर्षीय लोकनाथ साह तेली १७ वर्षपछि पक्राउ परेका छन् । छिमेकी ढोडा मुखिया विनको विसं २०६४ वैशाख २५ गते गोली प्रहारबाट हत्या गरी फरार भएका उनलाई भारतस्थित चम्पारण पिरियामा रहेको रामजानकी मन्दिरमा पूजारीको रुपमा १० वर्षदेखि साधुको भेषधारणा गरी लुकिछिपी रहेका थिए । हत्यापश्चात फरार भएका निज लोकनाथलाई कर्तव्य ज्यानसम्बन्धी मुद्दामा सर्वोच्च अदालतले २०६९ कात्तिक २४ गते सर्वस्वसहित जन्मकैद ठहर गरेको थियो । उनलाई नेपाल आएको मौका पारी केन्द्रीय अनुसन्धान व्यूरोका टोलीले सोमबार पर्साको वीरगन्जबाट पक्राउ गरी आज सार्वजनिक गरेको हो । निजलाई फैसला कार्यान्वयनका लागि आजै जिल्ला अदालत पर्सामा पेस गरिएको व्यूरोका प्रहरी उपरीक्षक सुधिरराज शाहीले राससलाई जानकारी दिनुभयो ।

तीनकुने घटनामा संलग्न थप दुई पक्राउ यसैबीच, जिल्ला प्रहरी परिसर काठमाडौँले यही चैत १५ गते तीनकुने क्षेत्रमा अपराधिक गतिविधिमा संलग्न थप दुई जनालाई पक्राउ गरेको छ । पक्राउ पर्नेमा भोजपुरको अरुण गाउँपालिका–५ का ४५ वर्षीय दिलकुमार श्रेष्ठ र सिन्धुपाल्चोक लिसङ्खुपाखर गाउँपालिका–४ का ३० वर्षीय जितबहादुर श्रेष्ठ रहेका छन् । पक्राउ परेकालाई अपराधिक उपद्रव कसूरअन्तर्गत जिल्ला अदालत काठमाडौँबाट २० दिनको म्याद थप गरी अनुसन्धान भइरहेको काठमाडौँ परिसरका प्रहरी उपरीक्षक अपिल बोहराले जानकारी दिनुभयो ।

थप समाचारहरु

अझै भएन रानीगञ्जको खानेपानी ट्याङ्कीको जीर्णोद्धार मुटु जोगाऔ, नुनको मात्रा घटाऔं आज रामनवमी, देशभरका राम मन्दिरमा विहानैदेखि भक्तजनको भीड बारको अध्यक्षमा विजयप्रसाद मिश्र निर्वाचित ४७ वर्षपछि जग्गा प्राप्तिसम्बन्धी नयाँ कानुन बन्दै ‘पत्रकारलाई सामाजिक सुरक्षा कोषमा आबद्ध गर्न आवश्यक’ आजको मौसम : यी तीन प्रदेशको थोरै स्थानहरूमा हल्कादेखि मध्यम वर्षा कक्षा ८ को परीक्षामा बेनीका दुई विद्यालयको नतिजा शून्य घाइतेको नारायणी अस्पतालमा उपचार हुँदै उत्पादनमा जोड्न महिलालाई बाख्राका पाठी र बोका वितरण सिरहाबाट पेस्तोलसहित दुई भारतीय नागरिक पक्राउ कश्मिरमा मारिएका सुदीपको शव आजै नेपाल ल्याइने संस्कृति जोगाउन घोडा दौड इण्डियन सुपर लिग स्थगित हुने प्रवल सम्भावना बाम्का बजार आगलागी : राहत वितरण गर्न बुढीगङ्गानगर प्रमुख बानियाँको संयोजकत्वमा समिति गठन दुई भुक्तानी सेवा प्रदायकको अनुमतिपत्र खारेज पाँच महानगरले बजेट प्रस्तुत गर्दा, काठमाडौँको रोकियो देशभर मनसुनी वायुको प्रभाव