छ्याङ्दी हाइड्रोपावरको हकप्रद शेयरमा आवेदन दिने अवधि थपियो

ललितपुर । छ्याङ्दी हाइड्रोपावर लिमिटेड (CHL)ले जेठ २३ गतेदेखि निष्काशन तथा बिक्री खुला गरेको शतप्रतिशत हकप्रद शेयरमा आवेदन दिने अवधि थपिएको छ। कम्पनीले निष्काशन गरेको शतप्रतिशत हकप्रद शेयरमा अब असार २७ गतेसम्म आवेदन दिन मिल्ने गरी समय थप गरिएको हो ।

यस हाइड्रोपावर कम्पनीले हाल कायम १ कित्ता शेयर बराबर नयाँ १ कित्ता अनुपातमा हकप्रद शेयर निष्काशन गरेको हो। यस अनुसार कम्पनीले ३८ करोड ६९ लाख ७७ हजार ५०० रुपैयाँबराबरको प्रतिशेयर १०० रुपैयाँ अंकित मूल्यका ३८ लाख ६९ हजार ७७५ कित्ता हकप्रद शेयर निष्काशनमा ल्याएको छ।

यसअघि हकप्रद शेयर निष्काशन प्रयोजनार्थ कम्पनीले जेठ २ गते बुकक्लोज गरिसकेको थियो । जसअनुसार जेठ १ गतेसम्म नेप्सेमा कारोबार भइ कायम शेयरधनीहरुले सो हकप्रद शेयरका लागि आवेदन दिन सक्नेछन्।

त्यसैगरी कम्पनीको शेयर निष्काशन तथा बिक्री प्रबन्धक ग्लोबल आइएमई क्यापिटल लिमिटेड रहेको छ। लगानीकर्ताले बिक्री प्रबन्धकका साथै ग्लोबल आइएमई बैंकको बेसीशहर, सुन्दरबजार –६ मिलनचोक, भोर्लेटार–८ बसपार्क, सिउँडीबार सुन्दरबजार–९, उदिपुर र दोर्दी शाखा कार्यालयबाट आवेदन दिन सक्नेछन्।

लगानीकर्ताले नेपाल धितोपत्र बोर्डबाट इजाजत प्राप्त सि आस्बा सेवामा सहभागी बैंक तथा वित्तीय संस्थाबाट सि आस्बा प्रणालीमार्फत तथा सिडिएस एण्ड क्लियरिङ्ग लिमिटेडबाट निर्माण गरिएको सफ्टवेयर ‘मेरो शेयर’ अनलाइन प्रयोग गरी अनलाइनमार्फत पनि आवेदन दिन सक्नेछन्।

हाल कम्पनीको चुक्ता पूँजी ३८ करोड ६९ लाख ७७ हजार ५०० रुपैयाँ रहेको छ। हकप्रद निष्काशन तथा बाँडफाँटपश्चात कम्पनीको चुक्ता पूँजी ७७ करोड ३९ लाख ५५ हजार रुपैयाँ पुग्नेछ भने हकप्रद शेयर निष्काशन गरी संकलन भएको रकममध्ये ४ करोड रुपैयाँ ४ मेगावाटको माथिल्लो छन्दी खोला साना जलविद्युत आयोजना निर्माणको बखत भुक्तानी गर्न बाँकी बक्यौता तिर्न, सो आयोजनाको दीर्घकालीन ऋण रकम बैंकको आग्रहअनुसार सावा रकम घटाउन तथा अन्य अल्पकालिन ऋणको साँवा र ब्याज भुक्तानी गर्नका लागि १९ करोड ६९ लाख ७७ हजार ५०० रुपैयाँ प्रयोग गर्नेछ।

त्यस्तै, कम्पनीले बाँकी रहेको १५ करोड रुपैयाँ भिजन इनर्जी एण्ड पावर लिमिटेडद्वारा प्रबद्र्धित ५७.५ मेगावाटको नुप्चे लिखु जलविद्युत आयोजनामा लगानी गर्न लिइएको रकम भुक्तानी गर्न प्रयोग गर्नेछ।

थप समाचारहरु

हिमालयन बैंकले हविवको शेयर बेच्ने स्वीकृति पाएको छैन– राष्ट्र बैंक प्रभु महालक्ष्मी लाइफको लाभांश घोषणा नेप्से परिसूचकमा लगातार गिरावट पिपुल्स पावर कम्पनीले पायो शेयर निष्काशनको स्वीकृति नेपाल इन्स्योरेन्सलाई हकप्रद शेयर जारी गर्न बोर्डको स्वीकृती नेपाल इन्फ्रास्ट्रक्चर बैंकको ऋणपत्र निष्काशन नेप्से परिसूचकमा सामान्य अङ्कको वृद्धि छ्याङ्दी हाइड्रोपावरको हकप्रद शेयर निष्काशन २३ दशमलव १९ अङ्कले बढ्यो नेप्से परिसूचक प्रि ओपन सेसन अपडेटः नेप्सेमा झिनो अंकको गिरावट आईपीओ निष्काशन गर्दै हिम स्टार उर्जा कम्पनी नेपाल इन्स्योरेन्सले हकप्रद शेयर निष्काशन गर्दै प्रि ओपन सेसन अपडेटः नेप्से परिसूचकमा ३ अंकको वृद्धि मौद्रिक नीतिपछिको पुँजी बजारः नेप्से परिसूचकमा २९ अङ्कको सुधार प्रि ओपन सेसन अपडेटः सामान्य अंकले बढ्यो नेप्से प्रि ओपन सेसन अपडेटः ३ अंकले बढ्यो नेप्से परिसूचक सारथी केवल इन्डष्ट्रीज लिमिटेडको आईपीओ निष्काशनका लागि सिटिजन्स क्यापिटलसँग सम्झौता प्रि ओपन सेसन अपडेटः नेप्से परिसूचक ४ अंले बढ्यो