जर्मनीले नेपाललाई विद्युत् वितरण सुदृढीकरणका लागि १ अर्ब ४६ करोड अनुदान दिने

काठमाण्डौ ४ मंसिर २०८१ 

जर्मनीले नेपाललाई विद्युत् वितरण सुदृढीकरण परियोजनाका लागि १ करोड युरो (करिब १ अर्ब ४६ करोड रुपैयाँ) अनुदान सहयोग उपलब्ध गराउने भएको छ।

आज अर्थ मन्त्रालयमा आयोजित एक औपचारिक कार्यक्रममा नेपालका लागि जर्मनीका राजदूत डा. थोमस प्रिन्ज र अर्थ मन्त्रालयका अन्तर्राष्ट्रिय आर्थिक समन्वय तथा सहयोग महाशाखाका सहसचिव धनीराम शर्माबीच यस अनुदान सम्झौतामा हस्ताक्षर भएको हो।

अनुदान रकम नेपाल विद्युत् प्राधिकरणमार्फत भरतपुर (बागमती प्रदेश), बुटवल–भैरहवा (लुम्बिनी प्रदेश) र पोखरा (गण्डकी प्रदेश) लगायतका क्षेत्रमा विद्युत् वितरण संरचना सुदृढीकरणमा खर्च गरिनेछ। वातावरणमैत्री प्रविधिको प्रयोगमार्फत लक्षित क्षेत्रका जनतालाई भरपर्दो र दिगो विद्युत् आपूर्ति सुनिश्चित गर्न परियोजनाले ऊर्जा दक्षता र वितरण विश्वसनीयता सुधार्ने लक्ष्य लिएको छ।

सम्झौतामा २०२५ देखि परियोजना सुरु गरी सरकारको वार्षिक बजेट प्रणालीमा समावेश गरिने उल्लेख गरिएको छ।

कार्यक्रममा सहसचिव शर्माले लक्षित क्षेत्रमा विद्युत् आपूर्तिको विश्वसनीयता सुधार गर्न यस सहयोगले महत्वपूर्ण योगदान पुर्‍याउने विश्वास व्यक्त गर्दै जर्मनी सरकारप्रति आभार व्यक्त गरे।

त्यस्तै, जर्मन राजदूत डा. प्रिन्जले जलवायु–मैत्री प्रविधिको प्रयोग गरी नेपालमा विद्युत् वितरण प्रणालीलाई सुदृढ बनाउन सहयोग गर्न पाएकोमा सन्तोष व्यक्त गरे। उनले यस सम्झौताले नेपाल–जर्मनी सम्बन्धलाई अझ प्रगाढ बनाउने विश्वास व्यक्त गरे।

थप समाचारहरु

कोरोना कहर: विश्वभर ३० लाख बढीको मृत्यु, १४ करोड बढी संक्रमित बबिना भट्टराईको  ‘मन देखि गरेको माया कदर भएन’   (भिडियो सहित) सम्झौताको नौ वर्षपछि दोदामा पुल निर्माण गण्डकीका १२ ‘स्याटेलाइट’ अस्पतालमा विपद् पूर्वतयारी तथा प्रतिकार्य योजना विकास    मञ्जु थापा र सागर आलेकोे गीत ‘सोल्टिनी तिम्रै माया’ सार्वजनिक सुन तोलामा ७ हजार ५०० ले सस्तियो राष्ट्रियसभाको बैठक स्थगन    भक्तपुरमा पहिलो पटक राष्ट्रव्यापी फुल कन्ट्याक्ट किक बक्सिङ प्रतियोगिता हुँदै सुनको मूल्यमा सामान्य वृद्धि, चाँदी स्थिर प्रधानमन्त्रीको आह्वानमा सत्तापक्षीय राजनीतिक दलको बैठक: आगामी आर्थिक वर्षको नीति तथा कार्यक्रमबारे छलफल खुकुरी प्रहार गरी सिरहामा भाइले मारे आफ्नै दाइ बालकुमारीमा ट्रकको ठक्करबाट पैदलयात्रीको मृत्यु आजको मौसम : लुम्बिनी र सुदूरपश्चिम प्रदेशका पहाडी र तराई भेगमा भारी वर्षाको सम्भावना भोलिदेखि वर्षाको गतिविधि बढ्ने ‘जनताले तिरेको कर नै राज्यले नपाउँदा राजस्व गुमेको छ’ एनएमबि बैंकद्वारा गण्डकी प्रदेशको मानवसेवा आश्रममा सोलार सामग्री वितरण अनलाइन सञ्चारमाध्यम दर्ता, सञ्चालन र नवीकरण स्थानीय प्रशासनमा गर्ने व्यवस्था एकतन्त्रीय पंचायतकालीन प्रावधानकै निरन्तरताको रुप : पत्रकार महासंघ