‘जारी २ः सङ अफ च्याब्रुङ’ र ‘मन बिनाको धन’ एकसाथ प्रदर्शनमा

ललितपुर । लिम्बू संस्कृति बोकेको चलचित्र ‘जारी २ : सङ अफ च्याब्रुङ’ र सामाजिक सन्देश बोकेको ‘मन बिनाको धन’ एकसाथ आजदेखि प्रदर्शनमा आएका छन् ।

यी दुवै चलचित्रले दर्शकलाई मनोरञ्जन दिने अपेक्षा गरिएको छ । उपेन्द्र सुब्बाको लेखन तथा निर्देशनमा बनेको ‘जारी २ ः सङ अफ च्याब्रुङ’ यसअघि विसं २०८० मा प्रदर्शन भएको ‘जारी’ को दोस्रो शृङ्खला हो । लिम्बू समुदायको च्याब्रुङ नृत्य र सांस्कृतिक पहिचानलाई केन्द्रित गरेको चलचित्रले माओवादी द्वन्द्वको समयमा एक दम्पतीको जीवनमा आउने उतारचढावको कथालाई चित्रण गरेको छ ।

“यस चलचित्रबाट हामीले संस्कृतिसँगै समाज र परिवेशलाई पनि जोड्ने कोसिस गरेका छौँ,” उहाँले भन्नुभयो । उक्त चलचित्रमा दयाहाङ राई, मिरुना मगर, विजय बराल, बुद्धि तामाङ, ऋचा शर्मा, पुष्कर गुरुङलगायतका कलाकारले अभिनय गरेका छन् । बाँसुरी फिल्म्स र कबड्डी फिल्म्सद्वारा निर्माण गरिएको चलचित्रले पहिलो दिन नेपालभर २६९ भन्दा बढी शो पाएको निर्माण पक्षले जानकारी दिएको छ ।

यसैगरी आजदेखि नै प्रदर्शन भएको दोस्रो चलचित्र ‘मन बिनाको धन’ बालगायक अशोक दर्जीको जीवन र सङ्घर्षलाई समेटेर तयार पारिएको छ । गायक दर्जीलाई सडकबाट उद्धार गरेर गायनसम्ममा साथ दिएका सङ्गीतकार तथा गायक टङ्क बुढाथोकीले निर्देशन गर्नुभएको उक्त चलचित्रमा वर्तमान समाजमा मन र धनबीचको टकरावलाई चित्रण गर्दै गायक दर्जीको ‘जिरोबाट हिरो’ बन्ने यात्रालाई देखाइएको छ ।

“सडकमा गीत गाउँदै हिँड्ने गायक दर्जीको जीवन परिवर्तन गरेको कथा चलचित्रमा ल्याएको छु । यो पूर्णतया उनकै जीवनी होइन, यसलाई हामीले चलचित्रकै रुपमा तयार गरेका छौँ तर मूलभूत घटनाक्रम उनकै जीवनको लिइएको छ । यो चलचित्रले गायक दर्जीको जीवनीसँग परिचित गराउँदै मनोरञ्जन पनि दिन्छ,” निर्देशक बुढाथोकीले भने । गायक दर्जी हाल कक्षा ९ मा अध्ययनरत रहेकाले चलचित्रका रुपमा यो उमेरका लागि यही पहिलो र अन्तिम हुने उनले बताए ।

उक्त चलचित्रमा गायक दर्जीसँगै  सरोज खनाल, सन्तोष पन्त, रमा थपलिया, नीता ढुङ्गाना, भोला सापकोटा, बुद्धि तामाङ, रमेश विश्वकर्मा, रवीन्द्र झा, पार्वती अधिकारी, उत्सव सापकोटा, एआर बुढाथोकी, साम्राज्ञी थापा, बिना राउत, बाबु पराजुली, रक्षा श्रेष्ठ, प्रियङ्का झालगायतका कलाकारले अभिनय गर्नुभएको छ । उक्त चलचित्रले नेपालभर पहिलो दिन ९५ बढी शो पाएको निर्माण पक्षले जानकारी दिएका छन् । 

थप समाचारहरु

तान्त्रिकका अध्ययता स्व.बलदेव जुजु एक छोटो चिनारी बुढानीलकण्ठ साहित्यिक, सांस्कृतिक महोत्सव सम्पन्न नेपालभाषा म्यूजिक भिडियो “लहिनां तयागु दुधा.”को प्रिमियर सिम्रन र हरिभक्तको नजर लाग्लानी नाकैको फुलीमा नायक पल शाह र रूबिनाको ईन्ट्री बराहक्षेत्रमा कुम्भमेला : तीस लाख पर्यटक भित्र्याउने लक्ष्य एक सटमा खिचिएको ‘घुर्रा’ले पायो उत्कृष्ट सर्टफिल्म अवार्ड, फिल्ममा ‘चिसो मान्छे’ राष्ट्रिय फोटो पत्रकारिता दिवसमा आयोजक एनएफपिजेलाई हराउँदै बङ्गलादेशको टोली विजय केबुलकारका स्रष्टा उद्यमी लक्ष्मणबाबु श्रेष्ठबारेको किताब सार्वजनिक प्रथम महिला लधुकथाकार मोतिलक्ष्मी उपासिका र साधक प्रा.डा.चुन्दा बज्राचार्य रसियाको फिल्म फेस्टिभलको फाईनलमा नेपालको लघुचलचित्र ‘द स्कुल वाल’ रितम श्रेष्ठको ‘मायालु’मा दिपिका र मुकुन्दको रोमान्स ( भिडियो ) बबिनाको’एउटा सानो घर सार्वजनिक’ मलेसियामा मिलाप अन्तक्र्रिया, सम्मान एवं सांगीतिक कार्यक्रम सम्पन्न टेलिश्रृखला ‘रहरहरु’ को प्रोमो सार्वजनिक, बैशाख ५ देखि नियमित प्रसारण हुने   दीपेन्द्र अधिकारीको  ‘तिमी नै छौ यो मनमा’ सार्वजनिक पर्न थाले गीतविरुद्ध प्रहरीको साइबर ब्युरोमा उजुरी-गायक रामजी खाँण लोक सञ्चारकर्मीहरू प्रति असन्तुष्ट कोशी प्रदेशमा बनेको थ्रिलर फिल्म “सापित”को प्रिमियर सम्पन्न महानायक राजेश हमालले भने “यती लाज महसुस कहिले गरेको थिइन्“