जेलेन्स्कीसँग ‘कुनै पनि बैठकको योजना’ नबनेकोे रुसको भनाइ

ललितपुर - रुसी र युक्रेनका राष्ट्रपतिबीच कुनै भेटघाटको योजना नभएको रूसले जनाएको छ। रुसी विदेशमन्त्री सर्गेइ लाभरोभले अमेरिकाले शिखर सम्मेलन आयोजना गर्ने प्रयास गरे पनि रुसी र युक्रेनका राष्ट्रपतिबीच कुनै भेटघाटको योजना नभएको बताउनुभएको हो । लाभरोभले एनबिसीको ‘मिट द प्रेस विथ क्रिस्टन वेल्कर’ लाई दिएको अन्तर्वार्तामा भन्नुभयो, “कुनै बैठकको योजना छैन।” अमेरिकी राष्ट्रपति डोनाल्ड ट्रम्पले ह्वाइट हाउसमा राष्ट्रपति भोलोदिमिर जेलेन्स्कीलाई युरोपेली सहयोगीहरूसँग स्वागत गरेपछि दुवै नेताबीच छिटो शिखर वार्ता हुने अपेक्षा व्यक्त गर्नुभएको छ । लाभरोभले अमेरिकी प्रसारणकर्तासँग एनबिसीसँग भन्नुभयो, “शिखर सम्मेलनका लागि कार्यसूची तयार भएपछि रुसी राष्ट्रपति भ्लादिमिर पुटिन जेलेन्स्कीलाई भेट्न तयार हुनुहुन्छ।” लाभरोभले यसै साताको सुरुमा ह्वाइट हाउसको बैठकलाई युरोपेलीहरूले युक्रेनबारे अमेरिकी नेताको धारणा परिवर्तन गर्ने ‘मूर्ख’ प्रयास भएको भन्दै आलोचना गर्नुभएको थियो ।

शुक्रबार उहाँले युक्रेनी राष्ट्रपतिको वैधतामाथि प्रश्न उठाउँदैरुसको अधिकतमवादी दाबी दोहो¥याएर पुटिन र जेलेन्स्कीबीच चौथो वर्षमा द्वन्द्व समाधान हुने आशाप्रति तुषारापात गरेको देखिन्छ । लाभरोभका अनुसार “त्यहाँ धेरै सिद्धान्तहरू छन् जुन वासिङ्टनले स्वीकार गर्नुपर्छ भन्ने विश्वास गर्दछ र यसमा क्षेत्रीय मुद्दाहरूको छलफलसहित नेटोको सदस्यता समावेश छैन । जेलेन्स्कीले सबै कुरालाई अस्वीकार गर्नुभएको छ।”