टी–२० अन्तर्राष्ट्रिय क्रिकेट श्रृङ्खलामा नेपाल कुवेतसँग पराजित

काडमाडौं । हङकङमा जारी चार देश सम्मिलित टी–२० अन्तर्राष्ट्रिय क्रिकेट श्रृङ्खलामा नेपाल कुवेतसँग पराजित भएको छ । यससँगै अन्तर्राष्ट्रिय सिरिजको उपाधि उपाधि कुवेतले जितेको छ । नेपाललाई तीन रनले पछि पार्दै कुवेतले उपाधि जितेको हो ।

हङकङको मङककस्थित मिसन क्रिकेट स्टेडियममा भएको सिरिजको फाइनलमा आज नेपाल ३ रनले पराजित भएको छ । खराब ब्याटिङ प्रदर्शन नेपालको हारको प्रमुख कारण बन्यो।

नेपालको लागि बसिर अहमदले उत्कृष्ट पारी खेले। उनलाई नन्दन यादवले साथ दिए। यसबाहेक आठ खेलाडीले दोहोरो रन छुन सकेनन्। जितको लागि १ सय ७५ रनको लक्ष्य पछाएको नेपाल १९ .३ ओभरमा सबै विकेट गुमाउँदै १ सय ७१ रनमा समेटियो।

खराब सुरुवात गरेको नेपालले २८ रन बनाउँदा ४ महत्वपूर्ण विकेट गुमाइसकेको थियो। कुशल भुर्तेल ३ रनमा, आशिफ शेख २१ रनमा आउट भए । त्यसपछि पनि कुनै खेलाडीले इनिङ्स सम्हाल्न सकेनन्। निरन्तर अन्तरालमा विकेट झरि नै रहयो। कप्तान रोहित पौडेल पनि ७ रनमा आउट भए। सोमपाल कामी ४ रन, गुलशन झा ९ रनमा र करण केसी ४ रनमा आउट हुँदा नेपाल हार नजिक पुगेको थियो ।

मात्र ९२ रन बनाउँदा नेपालले ८ विकेट गुमाइसकेको थियो। त्यसपछि छैटौं क्रमका बसिर अहमद र नन्दन यादवाले नवौं विकेटको लागि ७२ रनको साझेदारी गर्दै टिमलाई जिततर्फ डोर्याए।

बिष्फोटक ब्याटिङ गर्दै नन्दन १८.२ओभरमा ३७ रन जोडेर आउट भए। यतिखेर नेपालले १ सय ६४ रन बनाएको थियो।

अन्तिम ओभरमा नेपाललाई जितको लागि ११ रन जरुरी थियो। अुनदीप चिन्थामाराको अन्तिम ओभरको पहिलो बलमा नो बल फ्याँके। बसिरले छक्का प्रहार गरे।

तर उनी यसको दुुई बलपछि आउट हुँदा नेपाल ३ रनको झिनो हार बेहोर्न बाध्य भयो। बसिरले विष्फोट ब्याटिङ गर्दै ४३ बलमा ८ चौका र ४ छक्का सहित ८० रनको पारी खेले।

बलिङमा अुनदीप चिन्थामाराले ३ विकेट लिए। यासिन पटेल र नविनराज राजेन्द्रनले समान २ विकेट झारे।

त्यसअघि नेपालले मिसन रोड मैदानमा टस जितेर पहिले कुवेतलाई ब्याटिङको लागि उतार्यो। कुवेतले २० ओभरमा ७ विकेट गुमाउँदै १ सय ७४ रन बनायो।

ओपनर राभिजा सन्दरुवान र क्लिन्टो एन्टोले पहिलो विकेटका लागि ४९ रनको साझेदारी गरे। क्लिन्टो २६ रन जोडेर नन्दन यादवको बलमा आउट भए। दोस्रो विकेट पनि नन्दनले नै लिए। मिट भावसार १६ रनमा पबिलियन फर्किए।

यसपछि २३ रन बनाएका उसमान पटेललाई कुशल भुर्तेलले आउट गरे। तेस्रो विकेट गुमाउँदा कुवेतले १२७ रन बनाएको थियो।ओपनर राभिजा क्रिजमा टिके। उनले २८ बलमा अर्धशतक बनाए। उनको विकेट करण केसीले लिए। ३६ बल खेल्दै ६ चौका र ४ छक्का प्रहार गर्दै ६३ रनको महत्वपूर्ण पारी खेले।

राभिजा आउट भएपछि बिलाल ताहिर ९ रनमा रन आउट भए। ७ रन बनाएका मोहम्मद उमर तथा २ रन बनाएका यासिन पटेलललाई सोमपालले आउट गरे। कप्तान मोहम्मद अशलाम अविजित १३ रनमा रहे।

थप समाचारहरु

मायमी पराजित आइपिएलमा आज मुम्बई इण्डियन्स र लखनउ सुपर जायन्ट्स खेल्दै मुख्यमन्त्रीकप भलिबल प्रतियोगिता आजदेखि गण्डकीको पुरानो भलिबल एकेडेमी फर्काउने कप्तान अरुणाको योजना मच्छिन्द्र क्लब जीतपुरसिमरा गोल्ड कपको सेमिफाइनलमा टी २० मा नेपालको विजयी सुरुवात नेपालको लगातार दोस्रो जित, कुवेतलाई ६ विकेटले हरायो गोलन्जोरको दोस्रो अध्यक्ष कप फुटबल प्रतियोगितामा वडा नं ७ खुर्कोटको जित टी-२० आई शृङ्खलाः नेपालले पायो एक सय ७५ रनको लक्ष्य    छ वर्षपछि बार्सिलोना च्याम्पियन्स लिगको सेमिफाइनलमा थकाली सेवा समितिको आयोजनामा सिड्नीमा तोरनल्ह रनिङ कप भलिबल हुने क्रिकेट टोलीका मुख्य प्रशिक्षक स्टुअर्ट ल नेपाल आउँदै ब्राजिलियन फुटबल खेलाडी कार्लोस नेपालमा    दोस्रो कोशी प्रदेश गल्फ प्रतियोगिता हुने १५ औं साफ च्याम्पियनसिप २०२५ मा नहुने प्रिमियर लिगको उपाधिलि लिभरपुललाई‌ आरसी ३२ को प्रतिनिधिको रुपमा पूर्व अध्यक्ष थापाले भाग लिने समूह विजेताको लक्ष्य बोकेर आज नेपाल र भारतबीच भिडन्त