ट्रम्पको ट्यारिफ नीतिले शेयर बजारसँगै अर्बपतिहरुको सम्पत्तिमा ठूलो गिरावट

अमेरिकी राष्ट्रपति डोनाल्ड ट्रम्पको ट्यारिफ नीतिका कारण विश्वभरका शेयर बजारमा ठूलो गिरावट आएको छ। गत हप्ता अमेरिकी शेयर बजार नराम्रोसँग क्र्यास भएपछि यसको असर सोमबार जापानसहितका एशियाली बजारमा समेत देखिएको छ।

एकाएक शेयर बजारको यस खालको गिरावटसँगै विश्वका शीर्ष धनाढ्यहरुको सम्पत्तिमा समेत अभूतपूर्व गिरावट आएको छ। केवल पछिल्लो २४ घन्टामै विश्वका धेरैजसो अर्बपतिको सम्पत्तिमा अर्बौँ डलरको क्षति भएको छ।

ब्लुमबर्ग बिलेनियर्स इन्डेक्सका पछिल्ला तथ्यांक अनुसार विश्वका शीर्ष १० धनाढ्य मध्ये सभीले ठूलो आर्थिक क्षति बेहोरेका छन्। सबैभन्दा बढी धक्का अमेजनका संस्थापक जेफ बेजोसलाई लागेको हो, जसको नेटवर्थ १७.२ अर्ब डलरले घटेर हाल २३७ अर्ब डलरमा झरेको छ। यससँगै उनी सूचीकृत धनाढ्यहरूमा चौथो स्थानमा पुगेका छन्।

त्यस्तै, विश्वकै सबैभन्दा धनी व्यक्तिका रूपमा सूचीकृत एलन मस्कको सम्पत्ति ४।०३ अर्ब डलरले घटेर ३५२ अर्ब डलरमा पुगेको छ। मस्कले यो वर्ष मात्रै ८० अर्ब डलरभन्दा बढी गुमाइसकेका छन्।

विश्वका दोस्रो धनीव्यक्ति बनेका ल्यारी एलिसनले पनि ठूलो घाटा व्यहोरेका छन्। उनको सम्पत्ति ९।९४ अर्ब डलरले घटेको छ। योसँगै उनी २९५ अर्ब डलरको सम्पत्तिका साथ दोस्रो स्थानमा छन्। तेस्रो स्थानमा रहेका मेटा फेसबुकका मार्क जुकरबर्गको नेटवर्थ ८।०८ अर्ब डलर २६३ अर्ब डलरमा झरेको छ।

विश्वका शीर्ष १० धनी व्यक्तिहरुको सूचीमा नम्बर १ मा रहेका एलन मस्कको कुल सम्पत्ति ४।०३ अर्ब डलरले घटेर ३५२ अर्ब डलरमा झरेको छ। यस वर्ष मस्कले ८० अर्ब डलरभन्दा बढी गुमाएका छन्।

यसबाहेक अन्य धनीव्यक्तिको कुल सम्पत्तिमा आएको परिवर्तनलाई हेर्ने हो भने स्टिभ बाल्मरको सम्पत्ति ३।०२ अर्ब डलरले घटेर १८० अर्ब डलरमा पुगेको छ। जब कि ल्यारी पेजको सम्पत्ति २।३१ अर्ब डलरले घटेर १७० अर्ब डलरमा खुम्चिएको छ।

त्यस्तै सर्गेई ब्रिनको कुल सम्पत्ति २।१८ अर्ब डलरले घटेर १५९ अर्ब डलर, बर्नार्ड अर्नाल्टको कुल सम्पत्ति ९२ करोड ८० लाख डलरले घटेर १५२ अर्ब डलर, जेन्सेन हुआङको कुल सम्पत्ति ३।६० अर्ब डलरले घटेर १५१ अर्ब डलर र वारेन बफेटको कुल सम्पत्ति ८९ करोड ६० लाख डलरले घटेर १४३ अर्ब डलरमा झरेको छ।

थप समाचारहरु

डलर अर्बपतिको सूचीमा थपिए १४१ जना कर बढाउने विधेयक पारित भएपछि केन्याको संसद्‌मा तोडफोड, पाँच जनाको मृत्यु रुस–युक्रेन वार्तामा प्रगति भएमा टर्की जान सक्ने ट्रम्पको घोषणा डब्लुएचओद्वारा ऐतिहासिक महामारी सम्झौता स्वीकृत  निःशुल्क चामलमा गल्ती भएको भन्दै जापानी कृषिमन्त्रीले दिए राजीनामा अपार्टमेन्टमा आगलागी हुँदा पाँच जनाको मृत्यु ट्रम्पद्वारा हार्वर्डमा नयाँ विदेशी विद्यार्थीका लागि भिसा प्रतिबन्ध इरानद्वारा इजरायली अस्पतालमा आक्रमण, ‘मुख्य निशाना’ सैन्य स्थल भएको इरानको दावी अमेरिकाद्वारा इरानका तीन आणविक केन्द्रमा आक्रमण, विश्वव्यापी रुपमा नयाँ तनाव सिर्जना सिरियाको एक चर्चमा आत्मघाती बम आक्रमण, २२ को मृत्यु, ६३ जना घाइते इरानद्वारा इजरायलतर्फ मिसाइल प्रहार, दक्षिण क्षेत्रको विद्युत पूर्वाधारमा क्षति इजरायली सेनाद्वारा सहायताको प्रतीक्षामा रहेका २१ जनाको हत्या : उद्धारकर्ता भन्सार शुल्कमा ट्रम्पसँग सजिलै सम्झौता नगर्ने जापानी प्रधानमन्त्रीको अडान दक्षिण कोरियामा भारी वर्षाका कारण १४ जनाको मृत्यु, १२ बेपत्ता रुसमा शक्तिशाली भूकम्प, सुनामीको चेतावनी चिनियाँ वैज्ञानिकहरूद्वारा पृथ्वीको हीराभन्दा कडा उल्कापिण्डको हीरा निर्माण ट्रम्प–पुटिन–जेलेन्स्की बैठक तय गर्न अमेरिका लागि परेको उपराष्ट्रपति भान्सको भनाइ रुसले पूर्वी युक्रेनका दुई गाउँ नियन्त्रणमा लिएको दाबी