ट्रम्प प्रशासनलाई शरणार्थी स्वीकार्न न्यायाधीशको आदेश

वासिङटन । अमेरिकी राष्ट्रपति डोनाल्ड ट्रम्पको प्रशासनलाई अमेरिकी एक न्यायाधीशले संयुक्त राज्य अमेरिकामा लगभग १२ हजारको संख्यामा भएका शरणार्थीलाई प्रवेश गराउन आदेश दिएका छन् । यो अमेरिकाको आप्रवासन नीतिलाई पुनः आकार दिने सरकारको प्रयासमा एउटा धक्का हो ।

सोमबारको न्यायाधीशको आदेशले अपिल अदालतको फैसलाले लगाएको सीमाहरू स्पष्ट पारेको छ । उक्त फैसलाले ट्रम्प प्रशासनलाई शरणार्थी प्रवेश प्रणाली निलम्बन गर्न अनुमति दिएको थियो तर यसले संयुक्त राज्य अमेरिकाको यात्रा योजनाका साथ पहिले नै शरणार्थीको दर्जा प्राप्त गरेका मानिसहरूलाई स्वीकार गर्नुपर्ने बताएको छ ।

ट्रम्प प्रशासनले गत हप्ताको सुनुवाइमा जनवरीमा प्रणाली रोक्ने कार्यकारी आदेशको दुई साताभित्र यात्रा गर्न तालिका बनाइएका एक सय ६० जना शरणार्थीलाई मात्र प्रवेश गराउनुपर्ने तर्क गरेको थियो । तर, अमेरिकी जिल्ला न्यायाधीश जमाल ह्वाइटहेडले सोमबार उक्त दाबीलाई खारेज गर्दै भने, ‘सरकारको व्याख्या, यसलाई नम्रतापूर्वक भन्नुपर्दा, उच्च स्तरको ‘व्याख्यात्मक जिगरपोकरी (बेइमान व्यवहार)’ हो ।’

‘यसले केवल अपिल निर्णयको रेखाहरू बीच पढ्नुपर्ने आवश्यकता मात्र होइन, तर साँच्चै त्यहाँ नभएको नयाँ पाठ देख्नुपर्ने आवश्यकता छ’, ह्वाइटहेडले आफ्नो आदेशमा लेखेका छन् । ह्वाइटहेडले सुरुमा शरणार्थी प्रवेश रोक्ने ट्रम्पको कार्यकारी आदेशलाई अवरुद्ध गरेका थिए । फेब्रुअरीमा उनले सम्भवतः १९८० को शरणार्थी ऐन उल्लंघन गरेको फैसला गरेका थिए ।

तर, उनको निर्णय एक महिनापछि नवौं सर्किट कोर्ट अफ अपील्सद्वारा खारेज गरिएको थियो । ‘यदि नवौं सर्किटले दुई साताको सीमा लगाउने उद्देश्य राखेको भए–जसले संरक्षित जनसंख्यालाई लगभग १२ हजारबाट १ सय ६० व्यक्तिमा घटाउने थियो–यसले स्पष्ट रूपमा त्यसो गर्ने थियो’, ह्वाइटहेडले
लेखेका छन् । एजेन्सी

थप समाचारहरु

डलर अर्बपतिको सूचीमा थपिए १४१ जना विश्व शेयर बजार त्रसित भएपछि अतिरिक्त भन्सार महसुलप्रति ट्रम्पको लचकता ट्रम्पको कर नीति : नेपालसहित १०० देशमाथिको करको नयाँ दर सूची सार्वजनिक बैङ्कक सोचपत्र २०३० जारी गर्दै बिम्स्टेक शिखर सम्मेलन सम्पन्न अमेरिका सबै राज्यमा ट्रम्पविरुद्ध विरोध प्रदर्शन अमेरिकामा ट्रम्पविरुद्ध विशाल प्रदर्शन बेकोको उत्कृष्ट प्रोडक्टमा ‘अनबक्स् ह्याप्पिनेस’ नयाँ बर्ष उपहार योजना चिनियाँ बस्तुमाथि ट्रम्पले लगाए १०४ प्रतिशत आयातकर अन्तरिक्षमा डेटा सेन्टर खोल्दै अमेरिकी कम्पनी फरक विधाका ६ जना महिला अन्तरिक्ष यात्रामा जाँदै आईसीयूमा रहेकी एयरहोस्टेसमाथि यौन दुर्व्यवहार चीनको स्मलरीग अवार्डको नोमिनेशनमा नेपालको सर्टफिल्म ‘पाउलो’ ब्राजिलियन फुटबल खेलाडी कार्लोस नेपालमा    आज विश्व पुस्तक तथा प्रतिलिपि अधिकार दिवस कश्मीर आक्रमणपछि भारत कडा रुपमा प्रस्तुत : पाकिस्तानसँगको कूटनीतिक सम्बन्ध स्थगित नेपालमा एमसीसी अन्तर्गतका परियोजनाले निरन्तरता पाउने इनारमा गाडी खस्दा १२ जनाको मृत्यु भारत र पाकिस्ताबीच उत्पन्न तनावप्रति नेपाल सचेत रहनुपर्नेमा जोड