ट्रयाक्टरको ठक्करबाट बालिकाको मृत्यु

सर्लाही । सर्लाहीको बागमतीमा ट्रयाक्टरको ठक्करबाट एक बालिकाको ज्यान गएको छ । बागमती नगरपालिका–८ स्थित सोल्टीमा ट्रयाक्टरले ठक्कर दिँदा ४ वर्षीया बालिकाको मृत्यु भएको छ।

मंगलबार साँझ करिब ७ बजे बरहथवाबाट सोल्टीतर्फ जाँदै गरेको ना.२त२८७ नम्बरको ट्रयाक्टरले स्थानीय सागर बिष्टकी छोरी प्रनिषा बिष्टलाई ठक्कर दिएको थियो। जिल्ला प्रहरी कार्यालय सर्लाहीका अनुसार ठक्करबाट गम्भीर घाइते भएकी बालिकालाई तत्कालै उपचारका लागि दयन्ति अस्पताल नयाँरोड लगिएको थियो।

दयन्ति अस्पतालमा बाहिर लैजान सुझाव दिएसँगै बालिकालाई तत्काल थप उपचारका लागि वीरगञ्जको बयोधा अस्पतालमा लगिएको थियो। तर, बेलुकाको ककरिब साँढे ८ बजे बालिकालाई चिकित्सकले मृत घोषणा गरेका थिए ।
दुर्घटनामा संलग्न ट्रयाक्टर र चालक सोही ठाउँका १८ वर्षीय मन्जित रिजाललाई प्रहरीले नियन्त्रणमा लिएको छ।

अहिले मृतक बालिकाको शव वीरगञ्जस्थित बयोधा अस्पतालभित्रै राखिएको इलाका प्रहरी वीरगञ्जले जनाएको छ ।

थप समाचारहरु

नारायणघाट–बुटवल सडकखण्ड आजदेखि रातको समयमा बन्द हुने लालु-लैफु सडक निर्माण अन्तिम चरणमा सम्झौताको नौ वर्षपछि दोदामा पुल निर्माण दुर्घटनामा परी प्रहरी सहायक निरीक्षकको मृत्यु गौशालामा बस अनियन्त्रित भएर दुर्घटना, ७ वटा सवारी साधनलाई ठक्कर कान्तिलोकपथ सडक अवरुद्ध नारायणगढ–बुटवल सडकखण्ड अवरुद्ध डाइभर्सन मर्मतपछि कान्तिलोकपथ सञ्चालनमा एम्बुलेन्स र स्कुल भ्यान ठोकिँदा एकजनाको मृत्यु, दुई विद्यार्थीसहित ६ घाइते ग्वार्को फ्लाइओभरको काम अन्तिम चरणमा, असार पहिलो साताभित्र सञ्चालनमा आउने बाढीले दुम्किवासमा डाइभर्सन बगाउँदा पूर्वपश्चिम राजमार्ग अवरुद्ध वर्षाले राजधानी जोड्ने विभिन्न स्थानका सडक अवरुद्ध विनयी खोलामा आएको बाढीले बस बगायो, तीन शिशुसहित ३८ जना यात्रु सकुशल बुटवल–नारायणगढ सडक पूर्णरूपमा अवरुद्ध विपी राजमार्ग एक महिनाका लागि १२ घण्टा बन्द बालकुमारीमा ट्रकको ठक्करबाट पैदलयात्रीको मृत्यु नारायणघाट–बुटवल सडक आयोजनाको म्याद एक वर्ष थपियो चौध वर्षमा पनि कमलामा पुल बन्न नसक्दा डुङ्गाकै साहारा