बिजनेस पाटी
ललितपुर । नेपालले जलवायु परिवर्तनका विषयमा पर्वतीय र तटीय मुलुकले झेल्नु परेका समस्या विश्व समुदायसमक्ष प्रस्तुत गर्ने उद्देश्यले आगामी जेठ २ देखि ४ गतेसम्म ‘जलवायु परिवर्तन, पर्वतीय र मानव जीवनको भविष्य’ शीर्षकमा आयोजना हुने ‘सगरमाथा संवाद’ कार्यक्रमको तयारी तीव्र रुपमा अगाडि बढाएको छ ।
शिक्षा, विज्ञान तथा प्रविधि मन्त्रालयले सगरमाथा संवादको व्यापक प्रचार प्रसार गर्न सम्बन्धित मातहतका निकायलाई निर्देशन दिइसकेको छ । मन्त्रालयले आफू मातहतका १६ वटा निकायलाई परिपत्र गर्दै सगरमाथा संवाद कार्यक्रमको व्यापक प्रचार प्रसारका लागि लेटर हेडको दायाँ भागमा सगरमाथा संवादको लोगो अनिवार्य प्रयोग गर्न भनेको छ भने वेबसाइट लिङ्क गर्न समेत निर्देशन दिएको छ ।
यसैगरी नेपाल–भारत सहयोग कार्यक्रम अन्तर्गत भारत सरकारले १५ वटा विद्युतीय गाडीहरु उपलब्ध गराएको छ । ती उपलब्ध गराइएका गाडीहरू आइतबार परराष्ट्र मन्त्रालयमा आयोजित एक विशेष समारोहमार्फत ती गाडीहरु हस्तान्तरण गरिएको हो । कार्यक्रममा नेपालका लागि भारतीय राजदूत नवीन श्रीवास्तवले ती गाडीहरू परराष्ट्र मन्त्री डा। आरजु राणा देउवालाई हस्तान्तरण गरेका छन् ।
सो अवसरमा भारतीय राजदूत श्रीवास्तवले भारतले नेपालसँगको सम्बन्धलाई उच्च प्राथमिकतामा राखेको उल्लेख गर्दै भने “जलवायु परिवर्तनको साझा चुनौतीको सामना गर्न भारत सधैँ नेपालसँग सहकार्य गर्न तयार छ ।”
यसअघि प्रधानमन्त्री तथा मन्त्रिपरिषद्को कार्यालय सगरमाथा संवादको सचिवालयले सबै निकायलाई परिपत्र गर्दै सगरमाथा संवाद कार्यक्रमको व्यापक प्रचार प्रसारकमा लागि सबै सकारी निकायबाट हुने प्रचारमा लेटर हेडको दायाँ भागमा सचिवालयबाट उपलब्ध गराइएको सगरमाथा संवादको लोगो अनिवार्य प्रयोग गर्न तीनै तहका सरकारहरूमा अनुरोध गर्ने निर्णय गरेको थियो ।
त्यसैगरी गत माघ २७ गते प्रधानमन्त्री केपी शर्मा ओलीको उपस्थितिमा तयारी बैठक सम्पन्न भएको थियो । उक्त बैठकले संवाद कार्यक्रममा लागि छिमेकी मुलुक भारत, चीन तथा दक्षिण एसियाली मुलुकका राष्ट्रप्रमुख वा सरकार प्रमुुखसहितलाई विशेष अतिथिका रुपमा आमन्त्रण गर्नेलगायत विषयमा छलफल गरेको थियो । गत माघ ८ गते अन्तरराष्ट्रिय हिमनदी वर्ष, २०२५ को अवसर पारेर प्रधानमन्त्री ओलीले सो संवाद कार्यक्रम काठमाडौँमा गर्ने घोषणा गरेका थिए ।
नेपालले क्लाइमेट चेन्ज, माउन्टेन्स एन्ड द फ्युचर अफ ह्युमनिटी विषयमा सगरमाथा संवाद गर्न लागेको हो ।
थप समाचारहरु
मेडिकल सहायतासहित २२ सदस्यीय नेपाली टोली म्यानमार प्रस्थान
१०८ फिट अग्लो कल्पेश्वर महादेव निर्माणमा सहयोग जुटाउने उद्देश्यले सुडालको कलमसीमा हुने शिवपुराणको तयारी तीब्र
भक्तपुरमा आज सुथसिया अर्थात् बिहानीको जात्रा
बूढीगण्डकी प्रभावित करिव ८० रोपनी जग्गाको मुआब्जा निर्धारण
ब्रेनब्रिज एजुकेसनले चितवनमा सेवा सुरु गर्दै, चितवनमा अध्ययनरत विद्यार्थीलाई छात्रवृत्ति दिने
असोज बाढीपहिरो : सातमहिनापछि बल्ल काभ्रेमा निजी आवासको क्षति आकलन सुरु
बीस वर्षपछि अछेते–भिमापोखरा सडक स्तरोन्नति
पहिरोको जोखिममा भुलचौरा दलित बस्ती
समलिङ्गी जोडीको सुरक्षित पुनर्मिलन र विवाह दर्ता : न्याय र प्रेमको विजय
नेपालमा प्रि–मनसुन सक्रिय, दुई हप्तासम्म लगातार पानी पर्ने सम्भावना
गोसाइँकुण्डमा स्नान गर्न भक्तजनको आगमन सुरू
कुश्माबजारको घण्टाघर दुई वर्षदेखि प्रयोगहीन
बच्चा कोरल्दै आगन्तुक चरा
नेपाली नागरिकताले निरन्तरता पाउनुपर्छ : ब्रिटिस गोर्खा सैनिक
आज एघारौं चुरे संरक्षण दिवस मनाईंदै, राष्ट्रपति रामचन्द्र पौडेलको समुपस्थितिमा कार्यक्रमको आयोजना
आजको मौसम : चार प्रदेशमा भारी वर्षको सम्भावना
एक वर्षमा नेपालबाट भिजिट भिसामा बाहिरिनेको संख्या पौने तीन लाख, पछिल्ला वर्ष महिलाको सङ्ख्यामा उल्लेख्य वृद्धि
बोलबम लगायतका मौलिक परम्पराको जगेर्ना गर्न सरकार पूर्ण रूपमा प्रतिबद्ध छ : मन्त्री यादव
फेसबुकबाट तपाईको प्रतिक्रिया