बिजनेस पाटी
काठमाण्डौ १६ बैशाख २०८१
मुलुकमा प्रत्यक्ष वैदेशिक लगानी भित्र्याएर कलकारखाना, उद्योगधन्दा स्थापनालगायत आर्थिक उन्नयनका परियोजना कार्यान्वयन गर्ने लक्ष्यका साथ आज तेस्रो लगानी सम्मेलन हुँदैछ ।
प्रधानमन्त्री पुष्पकमल दाहाल ‘प्रचण्ड’ले उद्घाटन गर्नुहुने सम्मेलनमा लगानीका निम्ति रु नौ खर्ब बराबरका एक सय ५१ परियोजना प्रस्तुत गरिँदै छन् ।
नेपाल लगानी बोर्डका अनुसार सम्मेलनमा ५५ भन्दा बढी देशका एक हजार छ सय लगानीकर्ताले भाग लिने छन् । लगानीका निम्ति प्रस्तुत गरिने परियोजनासम्बन्धी विस्तृत विवरणसहितका २३ वटा प्रदर्शनी कक्ष सम्मेलनस्थलमा राखिने छन्भने १९ वटा परियोजनाका लागि आशयपत्र आह्वान गरिने छ ।
भोलि सोमबार समापन हुने सम्मेलनको पहिलो दिन उद्घाटन सत्र र दुईवटा मुख्य सत्र हुनेछन् । दोस्रो दिन ११ वटा समानान्तर सत्र सञ्चालन गरिनेछ । सम्मेलनका क्रममा लगानीकर्ताले प्रधानमन्त्री र अर्थमन्त्रीसँग साक्षात्कार गर्ने व्यवस्था मिलाइएको छ । देशको आर्थिक वृद्धिको वाहक निजी क्षेत्रलाई सहआयोजक बनाएर सरकारले सम्मेलन आयोजना गरेको हो ।
उद्घाटन सत्रमा लगानी सम्मेलन निर्देशक समिति संयोजक तथा अर्थमन्त्री वर्षमान पुन, पूर्वप्रधानमन्त्री एवं प्रमुख प्रतिपक्षी दल नेपाली कांग्रेसका सभापति शेरबहादुर देउवा, भारतको वाणिज्य एवं उद्योग मन्त्री पीयूष गोयल, संयुक्त अधिराज्यको एशिया–प्रशान्त मामिला राज्यमन्त्री आन्मुरी ट्रुभेलियन तथा अफ्रिका विकास मामिला राज्यमन्त्री एन्ड्रु मिचेलल, संयुक्त राष्ट्रसङ्घीय व्यापार तथा विकास (अङ्कट्याड)का महासचिव रेबेका ग्रेन्सपान र चिनियाँ अन्तरराष्ट्रिय विकास सहयोग नियोग अध्यक्ष लु चाउहुईले सम्बोधन गर्ने कार्यक्रम छ ।
सम्मेलनमा एसियाली विकास बैंक (एडिबी) का उपाध्यक्ष यिङमिङ याङ्, एसियाली पूर्वाधार लगानी बैंक (एआइआइबी)का कार्यवाहक उपाध्यक्ष रजत मिश्र, नेपालका लागि भारतीय राजदूत नवीन श्रीवास्तव, आइटीसी लिमिटेड इन्डियाका कार्यकारी निर्देशक तथा प्रमुख वित्त अधिकृत सुप्रतिम दत्ता र अमेरिकी उद्योग वाणिज्य सङ्घका वरिष्ठ उपाध्यक्ष अतुल केशपले पनि सम्बोधन गर्ने कार्यक्रम छ ।
थप समाचारहरु
दोब्बर बढीको आवेदन, पाँच सिफ्टमा ईपीएस परीक्षा
आगामी वर्षायामदेखि बङ्गलादेशमा विद्युत् निर्यात गर्ने गरी सहमति
स्टार्टअप र उद्यमशिलता प्रवर्धनमा राष्ट्रिय नीति संवाद २०२४ सम्पन्न
दोब्बर बढ्यो प्लाइउड निर्यात, सात महिनामा चार अर्ब २१ करोड बढीको निर्यात
सात महिनामा भित्रियो ८ खर्ब ३९ अर्ब रेमिट्यान्स
नेपाल लाइफद्वारा २०८१ सालको क्यालेन्डर सार्वजनिक
आईएमई लिमिटेड र वान प्वाइन्ट फाइनान्सियल सर्भिसेज बीच सम्झौता
आइएमई पे एपबाट अन्तर्राष्ट्रिय हवाई टिकट खरिदमा शत प्रतिशत क्यास ब्याक जित्ने मौका
सुनचाँदीको मूल्यमा नयाँ रेकर्ड
यसकारण बढेन घरजग्गा कारोबार
नौ महिनामा साढे १० खर्ब व्यापार घाटा, सवा खर्बको निर्यात
कान्ति लोकपथ जेठ १५ गतेसम्म दिनको तीन घन्टा खुल्ने
प्रधानमन्त्री ओली र थाइल्याण्डका समकक्षी पेटोङटार्न सिनावात्राबीच भेटवार्ता
कर्मचारी सञ्चय कोषले बाँड्यो पाँच अर्ब ३४ करोड मुनाफा
जनकपुरमा आज रामनवमी महोत्सव
विगतमा भएका सहमतिलाई सम्बोधन गरियोस्, नयाँ सहमतिको लागि आन्दोलन गरेका होइनौँ
निजामती विधेयक राज्य व्यवस्था समितिबाट पारित
प्रकाशचन्द्र दाहाललाई ५ हजार रुपैयाँ धरौटीमा छाड्न आदेश
फेसबुकबाट तपाईको प्रतिक्रिया