दक्षिण कोरियाका पूर्वगृहमन्त्री ली साङ–मिनलाई सात वर्ष जेल सजाय

ललितपुर – दक्षिण कोरियाका पूर्वगृहमन्त्री ली साङ–मिनलाई सन् २०२४ मा तत्कालीन राष्ट्रपति युन सुक योलले घोषणा गरेको मार्सल ल कार्यान्वयनमा सहयोग गरेको आरोपमा बिहीबार सात वर्षको जेल सजाय सुनाइएको छ।

सोही सियोल अदालतका फरक न्यायाधीशले फैसला सुनाएका हुन् । यो निर्णय राष्ट्रपति युनविरुद्ध दायर विद्रोहसम्बन्धी मुद्दाको निर्णय आउनुभन्दा एक साताअघि सार्वजनिक भएको हो। युनमाथि अभियोजनकर्ताहरूले मृत्युदण्डको माग गरिरहेका छन् ।

अदालतले ठहर गरेको छ कि लीले गृह मन्त्रालयको नेतृत्व सम्हाल्दै मार्सल ल कार्यान्वयनमा सहयोग गरेका, साथै सञ्चारमाध्यमहरूलाई पानी र बिजुली आपूर्ति काट्न प्रहरी र अग्नि नियन्त्रकलाई निर्देशन दिएका थिए । तर राष्ट्रिय सभाका सांसदहरूले सर्वसम्मत रूपमा मार्सल ल हटाएपछि ती निर्देशनहरू कार्यान्वयनमा जान सकेनन् ।

लीले भने कुनै निर्देशन जारी नगरेको वा प्राप्त नगरेको दाबी गर्नुभएको थियो । उहाँले पूर्वअधिकारीहरूको गवाही अस्वीकार गर्नुभएको थियो। तर न्यायाधीश रयु क्युङ–जिनले उपलब्ध प्रमाण र सुरक्षा क्यामेरा दृश्यबाट लीले युनको आदेश पालना गर्ने प्रयास गरेको देखाएको बताए ।

अदालतले पर्याप्त प्रमाण अभावका कारण शक्तिको दुरुपयोगसम्बन्धी आरोपबाट उहाँलाई मुक्त गरेको छ ।

फैसलापछि ली हल्का मुस्कानसहित मौन रहनुभएको थियो । उहाँका कानूनी टोलीले अपिल गर्ने वा नगर्नेबारे प्रतिक्रिया दिएका छैनन्। अभियोजनकर्ताहरूले उहाँका लागि १५ वर्ष जेल सजाय माग गरेका थिए ।

मार्सल ल प्रकरणमा दोषी ठहर हुने ली युनको मन्त्रिमण्डलका दोस्रो सदस्य हुन्। यसअघि पूर्वप्रधानमन्त्री हान डक–सूलाई २३ वर्ष जेल सजाय सुनाइएको थियो ।

पूर्वरूढीवादी नेता युनले मार्सल ल आफ्नो शासनको आवश्यक कदम भन्दै बचाउ गर्नुभएको थियो। पछि उहाँ पदबाट हटाइएका र जुलाईदेखि हिरासतमा विभिन्न आपराधिक मुद्दासँग सामना गरिरहनुभएको छ ।

थप समाचारहरु

डलर अर्बपतिको सूचीमा थपिए १४१ जना कर बढाउने विधेयक पारित भएपछि केन्याको संसद्‌मा तोडफोड, पाँच जनाको मृत्यु रुस–युक्रेन वार्तामा प्रगति भएमा टर्की जान सक्ने ट्रम्पको घोषणा डब्लुएचओद्वारा ऐतिहासिक महामारी सम्झौता स्वीकृत  निःशुल्क चामलमा गल्ती भएको भन्दै जापानी कृषिमन्त्रीले दिए राजीनामा अपार्टमेन्टमा आगलागी हुँदा पाँच जनाको मृत्यु अमेरिकाद्वारा इरानका तीन आणविक केन्द्रमा आक्रमण, विश्वव्यापी रुपमा नयाँ तनाव सिर्जना इरानद्वारा इजरायलतर्फ मिसाइल प्रहार, दक्षिण क्षेत्रको विद्युत पूर्वाधारमा क्षति इजरायली सेनाद्वारा सहायताको प्रतीक्षामा रहेका २१ जनाको हत्या : उद्धारकर्ता भन्सार शुल्कमा ट्रम्पसँग सजिलै सम्झौता नगर्ने जापानी प्रधानमन्त्रीको अडान दक्षिण कोरियामा भारी वर्षाका कारण १४ जनाको मृत्यु, १२ बेपत्ता रुसमा शक्तिशाली भूकम्प, सुनामीको चेतावनी चिनियाँ वैज्ञानिकहरूद्वारा पृथ्वीको हीराभन्दा कडा उल्कापिण्डको हीरा निर्माण मन्त्रिपरिषद् घोषणा गरेपछि केही घण्टामै फ्रान्सका प्रधानमन्त्रीको राजीनामा चीनद्वारा नयाँ ‘शियान–३१’ उपग्रह सफल प्रक्षेपण शेख हसिना विरुद्धको मुद्दाको फैसला आज, बङ्गलादेशको सुरक्षामा कडाइ भेनेजुएलामाथि अमेरिकी आक्रमणः १०० जनाको मृत्यु, १०० बढी घाइते चक्रवातको प्रभाव पछि आइएमएफका लक्ष्यहरू संशोधन गर्नुपर्छ : केन्द्रीय बैंक