दुर्गेशलाई प्रधानमन्त्रीको बधाई : नकारात्मक प्रतिक्रियाको बाढी

ललितपुर ।  सामाजिक सञ्जालमा सक्रिय प्रधानमन्त्री केपी शर्मा ओलीले इन्टरटेनर दुर्गेश थापालाई उनको तस्बिर सहित बधाई  दिएको पोष्ट माथि नकारात्मक प्रतिक्रियाको बाढी आएको छ ।

ओलीले बधाई दिँदै लेखेका छन् आजको नयाँ पिँढीले बेग्लै स्वादका गीत÷ सङ्गीतमा रुचि देखाउन थालेको ’दुस्मन हेरेको हे¥यै’ गीतको भ्युवरबाट थाहा हुन्छ । दुर्गेश थापाको यो गीत सुन्नेको सङ्ख्या पाँच महिनामा १०० मिलियन ( १० करोड)  पुगेको छ । गीतका सर्जक दुर्गेश थापालाई बधाई ।

तर उनको यो पोष्टमा सकारात्मक भन्दा नकारात्मक प्रतिक्रियाको बाढी आएको हो । गीतको सफलतामा  अझ देशको प्रधानमन्त्रीले नै सार्वजनिक रूपमा बधाई दिए पछि  दुर्गेश थापा त खुसी हुने नै भए तर नेपाली गीत सङ्गीत क्षेत्रमा लागेका स्रष्टा सर्जक पनि यो पोष्ट प्रति असन्तुष्ट देखिएका छन् ।  ओलीको पोष्ट शेयर गर्दै दुर्गेशले लेखेका छन् नयाँ पुस्ताको सिर्जना, अभिव्यक्ति र परिश्रमप्रति देशकै सम्माननीय प्रधानमन्त्रीज्यूले देखाउनु भएको चासो, संवेदना र सम्मानले मलाई असाध्यै भावुक तुल्याएको छ।

‘दुस्मन हेरेको हे¥यै’ गीतमा १० करोड भ्युजको सफलता प्रति सार्वजनिक रूप बाटै बधाई र शुभकामना दिई हामीलाई दिनुभएको स्नेहले मेरो सिर्जनात्मक यात्रामा ऐतिहासिक प्रेरणा थपिएको छ ।

देशको प्रधानमन्त्रीज्यूले नेपाली गीत–सङ्गीतको मूल्य र सम्भावना चिन्नु भएको यो क्षण सम्पूर्ण सृजनशील पुस्ताका लागि गर्वको विषय पक्कै हो ।

उहाँको शब्द केवल एउटा बधाई मात्र थिएन, त्यो नयाँ सोच, नयाँ ऊर्जा र नयाँ आशाको सम्बोधन थियो । म प्रधानमन्त्रीज्यूप्रति हार्दिक कृतज्ञता प्रकट गर्दछु ।  यो सबै मेरो भगवान् रुपी दर्शकहरूको मायाले सम्भव भएको हो —

धन्यवाद, मेरा  दर्शक–श्रोताहरू

धन्यवाद प्रधानमन्त्री ज्यु, के पी बा

दुर्गेशको यो पोष्टमा पनि सकारात्मक भन्दा अधिकांश नकारात्मक प्रतिक्रिया आएका छन् ।

यता ख्यातिप्राप्त स्रष्टा सुरेश अधिकारीले प्रधानमन्त्रीको बधाई प्रति भद्र शब्दमा कडा असन्तुष्टि पोख्दै लेखेका छन्  आज प्रधानमन्त्रीले दिनुभएको बधाईका हकदार गायक दुर्गेश थापा मात्रै होइनन् । ती तमाम  सङ्गीतका पारखी आम नेपाली दर्शक श्रोताहरू पनि बधाईका हकदार हुनुहुन्छ,जसले “कता हिँडेको बिजुली बालेर“ गीतलाई दश करोड चोटि हेरेर नेपाली गीत सङ्गीतलाई ठूलो टेवा दिनुभएको छ । जनताको छनौटको कदर भएको छ आज ! आखिर प्रधानमन्त्री पनि हामी आम जनता कै प्रतिनिधि त हुनुहुन्छ ! अर्को साल यो कालखण्डको फाडु सिर्जना “मकै बारी द¥याम द¥याम “ले यो हैसियत बनाउन सक्ला कि नसक्ला भन्ने बारेमा प्रबुद्ध नेपाली सङ्गीतका पारखी हाम्रा अन्नदाता भगवान् जनता जनार्दन संवेदनशील र जागरूक नै त हुनुहुन्छ होला नि हैन ! लौ है होस्टेमा हैँसे जारी रहोस् ।

अधिकारीको यो पोष्टमा प्रतिक्रिया लेख्नेहरूले उनको भनाई मा सत प्रतिशत सहमति जनाएका छन् ।