धेरै मुद्दा फछ्र्यौट गर्ने न्यायाधीश घिमिरे सम्मानित

वीरगञ्ज (पर्सा) । पर्सा जिल्ला अदालतले गत आर्थिक वर्ष २०८१/ ८२ मा सात हजार दुई सय ४४ वटा मुद्दा फछ्र्याैट गरेको छ । अदालतले गत आवमा अघिल्लो आवको जिम्मेवारी सरेका र नयाँ दर्ता भएकामध्ये कूल १२ हजार छ सय ३५ मुद्दामध्ये ५७ दशमलव ३३ प्रतिशत मुद्दा फछ्र्याैट गरेको हो ।

न्यायाधीश दीपक खनालले अघिल्लो आर्थिक वर्षको तुलनामा गत आर्थिक वर्षमा पर्सा अदालतको मुद्दा फछ्र्याैटको प्रतिशतमा वृद्धि भएको जानकारी दिए। ‘‘पर्सा जिल्ला अदालतले अघिल्लो आवमा भने ५७ प्रतिशत मुद्दा फछ्र्याैट गरेको थियो । गत आर्थिक वर्षमा भएको मुद्दाको फछ्र्याैट प्रगति उन्मुख देखिएको छ,’’ उनले भने, ‘‘मुद्दा फछ्र्याैटमा अदालतको मात्रै एकल भूमिका नभएर अन्य सरोकारवाला निकायको पनि भूमिका महत्वपूर्ण हुने गर्छ ।’’ अघिल्लो आवबाट जिम्मेवारी सरेका छ हजार ९२ र गत आवमा नयाँ दर्ता भएका मुद्दा सङ्ख्या भने छ हजार पाँच सय ४३ छन् । त्यस्तै अदालतमा १८ महिना नाघेका मुद्दाको सङ्ख्या तीन सय ६७ र दुई वर्ष नाघेका मुद्दाको सङ्ख्या भने तीन सय ३४ रहेका छन् ।

न्यायाधीश नन्दकिशोरप्रसाद यादवले अदालतले पनि न्यायापालिकाको पञ्चवर्षीय रणनीतिक योजना अनुसार नै काम गर्दै आइरहेको जानकारी दिनुभयो । ‘‘चालु आर्थिक वर्षमा गत आर्थिक वर्षबाट सरेर आएका र नयाँ दर्ता हुने गरी करिब १३ हजार चार सय ६८ मुद्दा दर्ता हुने लक्ष्य राखेका छौँ,’’ उनले भने, ‘‘चालु आवमा लक्ष्यको ६६ प्रतिशत अर्थात आठ हजार आठ सय ३७ वटा मुद्दा फछ्र्याैट गर्ने लक्ष्य निर्धारण गरेका छौँ ।’’ अदालतका श्रेस्तेदार प्रभाकरकुमार मल्लिकले वार्षिक कार्ययोजना अनुसार नै लक्ष्य राखेर मुद्दाको फछ्र्याैट गर्ने योजना रहेको जानकारी दिए । अदालतमा ११ न्यायाधीश कार्यरतरहेका छन् । अदालतमा कार्यरत रहेका ती न्यायाधीसमध्ये न्यायाधीश माधवप्रसाद घिमिरेले गत आवभरिमा नौ सय ८३ मुद्दा फछ्र्याैट गर्न भएका छन् ।

उनलाई आइतबार एक कार्यक्रमबीच दोसल्ला ओढाएर सम्मान गरिएको छ । न्यायाधीश दीपक खनालले नौ सय ३९ मुद्दा फछ्र्याैट गरेका छन् । न्यायाधीस नन्दकिशोरप्रसाद यादवले सात सय ६२, न्यायाधीश आनन्दप्रसाद श्रेष्ठले छ सय ३०, न्यायाधीश प्रमेश पोखरेलले छ सय पाँच मुद्दा फछ्र्याैट गरेका छन् । त्यस्तै न्यायाधीश उत्तम सिलवालले काठमाडौँ र पर्सामा गरी छ सय २४, न्यायाधीश उपेन्द्रकेशर खनालले सिरहा र पर्सामा गरी छ सय ५७ मुद्दा फछ्र्याैट गर्नुभएको छ । न्यायाधीश मोहन सुवेदीले पाँच सय ८४, न्यायाधीश मुकुन्द आचार्यले पाँच सय ३८, कमलकान्त जोशीले पाँच सय ६६, न्यायाधीस रुद्रप्रसाद सुवेदीले पाँच सय एक वटा मुद्दा वर्षभरिमा फछ्र्याैट गरेका छन् । पर्सा जिल्ला अदालतले गत आव नौ सय ५६ वर्ष तीन महिना एक दिन कैद बराबरको जरिवानाको लगत फछ्र्याैट गरेको छ । जबकी गत आवसम्म तीन हजार पाँच सय ५८ वर्ष ११ महिना ६ दिन कैदको लगत रहेको थियो गत आवभरिमा प्रति न्यायाधीश आठ सय ४३ मुद्दा फछ्र्याैट गर्ने लक्ष्य तोकिएको थियो । न्यायाधीश खनालले अदालतले न्याय सम्पादन गर्दा अदालतको प्रक्रिया र कार्यविधिलाई आधार मानेर फैसला गर्ने बताए ।

थप समाचारहरु

भूमिहीन १२० परिवारको हातमा लालपुर्जा करेन्ट लागेर एक जनाको मृत्यु, दुईको अवस्था गम्भीर वीरगञ्जमा निस्शुल्क धारा जडान र धरौटी शुल्कमा छुट स् जनताको पहुँचमा सहज खानेपानी सेवा स्रोत नखुलेको १० लाख नगदसहित भारतीय नागरिक पक्राउ नेपाली सेनाद्वारा वीरगञ्जमा खानेपानी वितरण जनकपुरमा एक किशोरीको हत्या, दुई घाइते वीरगञ्ज नाकाबाट ६८ हजार ७४३ सवारीसाधन भित्रिए : १७ अर्ब ३१ करोड राजस्व सङ्कलन आकाश ताक्दै किसानः महोत्तरीमा ३५ प्रतिशतमात्र रोपाइँ मधेसमा १८ करोडको लागतमा स्यालो ट्युबवेल वितरण अनुदानको माग राख्दै उखु किसानहरु पुनः आन्दोलित पेस्तोलसहित तीन भारतीय नागरिक पक्राउ समयमै बजेट नल्याउने मधेसका स्थानीय तहसँग सङ्घीय मामिला मन्त्रालयले सहजीकरण गर्दै ‘अब हाँस्छ बर्दिवास’ : गाईजात्रा विशेष हास्यव्यङ्ग्य महोत्सव सफलतापूर्वक सम्पन्न सशस्त्र प्रहरी बल रौतहटद्वारा पाँच करोड ७४ लाख मूल्यका सामान बरामद चौध वर्षमा पनि कमलामा पुल बन्न नसक्दा डुङ्गाकै साहारा भदौं लागिसक्दा पनि महोत्तरीमा ७५ प्रतिशत मात्र रोपाइँ ३६ हजार विदेशी मुद्रासहित सप्तरीबाट एक जना पक्राउ नेपाली सेनाद्वारा उद्धार अभ्यास प्रदर्शन