नागढुंगा–नौबिसे सडक १५ दिनसम्म दिउँसो चार घण्टा बन्द हुने

ललितपुर। राजधानी काठमाडौं भित्रिने मुख्य नाका नागढुंगा–नौबिसे सडकखण्ड अबदेखि दिनको साढे ४ घण्टा बन्द हुने भएको छ । सडक निर्माणको काम भइरहेकोले उक्त सडक ४ घण्टाका लागि बन्द गरिन लागेको हो ।

यसअघि उक्त सडक खण्ड रातिमा सवारीसाधन बन्द गरेर निर्माणको काम भइरहे पनि अब चाहिँ दिउँसोको समयमा बन्द गरेर निर्माण कार्यलाई तीव्र पार्न लागिएको हो । काठमाडौंका प्रमुख जिल्ला अधिकारी ऋषिराम तिवारीले काठमाडौं र धादिङ जिल्ला प्रशासनसँगको समन्वयमा यही जेठ १० गतेदेखि २५ गतेसम्म १५ दिनका लागि बिहान १०ः३० बजेदेखि दिउँसो ३ बजेसम्म उक्त सडकखण्ड बन्द गरेर काम गर्न लागिएको जानकारी दिएका छन् ।

आयोजनाले नागढुंगा–पिपलामोड सडक निर्माणका लागि यसरी सडक बन्द गर्नुपर्ने आवश्यकता रहेको जनाएपछि स्थानीय प्रशासनसँगको समन्वयमा यसरी काम गर्नका लागि अनुमति भएको उनले जानकारी दिए। “निर्माण आयोजनाले नागढुंगा पिपलामोड सडक निर्माणका लागि यसअघि राति भत्काउने काम भएको र अब निर्माण दिउँसो गर्नुपर्ने भनेर प्रस्ताव आएको थियो। प्राविधिक रुपमा निर्माण दिउँसो नै गर्नुपर्ने भनेपछि, त्यसका लागि अनुमति दिइएको हो”, प्रजिअ तिवारीले भने।

नारायणगढ–मुग्लिन सडक योजना (पूर्वी खण्ड)ले एक सूचना जारी गरी काठमाडौंबाट जाने सवारीसाधन नागढुंगामा र नौबिसेतर्फबाट आउने सवारीसाधन खानीखोलामा रोकिने उल्लेख गरेको छ। बन्दको समयमा धार्के(सितापाइला तथा टोखाछहरे त्रिशूली गल्छी सडक प्रयोग गर्न अनुरोध गरिएको छ।

थप समाचारहरु

दाङबाट विभिन्न गन्तव्यका लक्जरी बसका टिकट बससेवामा सडक निर्माणको माग गर्दै सडकमै रोपियो केराको बोट मुग्लिन–पोखरा सडकः धमाधम कालोपत्र हुँदै २४ घण्टामा १० ठाँउमा दुर्घटना, १० जनाको मृत्यु कृष्णभिरमा मोटरसाइकल दुर्घटना हुँदा एकको मृत्यु पानीका कारण नारायणघाट–बुटवल सडकको दाउन्ने खण्ड अवरुद्ध भुताहा–आमबास–दुम्कीबास सडक निर्माण गर्न बजेट माग  भारतको छत्तीसगढमा सडक दुर्घटना, कम्तीमा १३ जनाको मृत्यु कुलेखानी–कलङ्की–हुमाने सडक आजदेखि १९ दिन बन्द साँगामा सुख्खा पहिरो खस्दा मजदुर घाइते सुदूरपश्चिमको समृद्धिको ढोका खोल्दै महाकाली करिडोर कान्तिलोकपथ ४ दिनका लागि बन्द हुने बकर इदले आपसी भाइचारा र समानताको सन्देश प्रवाह गर्न मद्दत पुग्छ : राष्ट्रपति पौडेल छ स्थानमा राजमार्ग अवरुद्ध, चार ठाउँमा एकतर्फी यातायात सञ्चालन सात ठाउँको अवरुद्ध सडक खुलाइयो, तीन ठाउँ अझै बाँकी सडक दुर्घटनामा परी अमेरिकामा दुई नेपाली विद्यार्थीको मृत्यु वर्षाका कारण देशभरका विभिन्न सात राजमार्ग अवरुद्ध विश्व बैंकको अनुदान प्राप्त तनहुँका दुई सडकको स्तरोन्नतिमा ढिलासुस्ती