नेपालमा आउने भयो एम्पोरियो अर्मानी

ललितपुर। इटालियन लक्जरी फेसन ब्रान्ड एम्पोरियो अर्मानी अब आधिकारिक रूपमा नेपालमा प्रवेश गर्न लागेको छ। एक रणनीतिक साझेदारीमार्फत एम्पोरियो अर्मानीले काठमाण्डौमा आफ्नो पहिलो आधिकारिक शोरूम खोल्ने तयारी गरेको हो। निकट भविष्यमा यो ब्रान्ड नेपालका प्रमुख शहरहरूमा पनि विस्तार गर्ने योजना रहेको जनाइएको छ।

जर्जियो अर्मानीद्वारा स्थापित एम्पोरियो अर्मानी कम्फरटेबल, सुरुचिपूर्ण र आधुनिक फेसनको प्रतीक मानिन्छ। यस ब्रान्डले आफ्ना उत्पादनहरूमा उच्च गुणस्तर, उत्कृष्ट डिजाइन र मिहिन कलाकौशल समावेश गर्छ। एम्पोरियो अर्मानीले विश्वका उत्कृष्ट फेसन डिजाइनरहरू र उत्तम कपडाहरू, एक्ससेसोरिज् तथा अन्य कच्चा पदार्थकोको छनोट गर्दै फेसनको दुनियाँमा नयाँ शैली स्थापना गर्दै आएको छ। यो ब्रान्डले उपभोक्ताको आत्मविश्वास बढाउनुका साथै प्रयोगकर्ताको सुविधा र आरामलाई पनि उत्तिकै महत्त्व दिन्छ।
कपडामा मात्र सीमित नभई, एम्पोरियो अर्मानीले जुत्ता, वालेट, पर्स, बेल्ट, ब्यागलगायतका सम्पूर्ण लाइफ स्टाइल उत्पादनहरू उत्पादन तथा बिक्री वितरण गर्ने गर्छ।

हालसम्म नेपाली बजारमा नक्कली र अनधिकृत एम्पोरियो अर्मानीका उत्पादनहरू पाइँदै आएका थिए। तर अब पहिलो पटक आधिकारिक लक्जरी ब्रान्ड नेपाली उपभोक्ताहरूका लागि उपलब्ध हुँदैछ। एम्पोरियो अर्मानी हालै नेपालमा शोरूम तथा फ्रेन्चाइज स्टोर खोल्न अग्रसर भएको छ, जसले उपभोक्तालाई असलीपन र भरोसाको अनुभव दिलाउनेछ।

‘एम्पोरियो अर्मानी केवल फेसन ब्रान्ड होइन, यो आत्मविश्वास, पहिचान र गुणस्तरको प्रतीक हो,’ अरमानीका नेपाल प्रतिनिधीले बताए, ‘हामी यस्तो विश्वस्तरीय ब्रान्ड नेपाल भित्र्याउन पाउँदा गर्व महसुस गरिरहेका छौं।’

यस साझेदारीसँगै नेपाल अन्तर्राष्ट्रिय लक्जरी फेसनको क्षेत्रमा समावेश हुँदैछ। एम्पोरियो अर्मानीको आगमनले नेपाली बजारमा लक्जरी फेसन र लाइफस्टाइलको नयाँ अध्याय सुरु गर्ने विश्वास गरिएको छ ।

थप समाचारहरु

आजको तरकारी र फलफुलको मूल्य भृकुटीमण्डपमा यामाहा ब्लु फेस्टको भव्य उद्घाटन उत्पादनमा जोड्न महिलालाई बाख्राका पाठी र बोका वितरण नयाँ वर्षको अवसरमा स्टाइल सुजले ल्यायो छुट र अफरका योजना दराजद्वारा फ्युचर लिडर्स प्रोग्राम २०२५ को आवेदन खुल्ला दक्षिण एशियाका उत्कृष्ट युवा प्रतिभा प्रोत्साहनको लक्ष्य ग्लोबल कन्जुमर एक्स्पो २०२५ भृकुटीमण्डपमा सुरु इन्डोनेसियामा सेरेस थ्रीले जित्यो तीनवटा उत्कृष्ट ईभी अवार्ड हेटौटा सिमेन्ट उद्योग पुनः सुचारु बजाजको नयाँ वर्षको अफर ‘खुसीको मिटर’ सार्वजनिक मुक्तिनाथ गुठीको सत्र हजार रोपनी जग्गा रैतानमा परिणत सुनको मूल्यमा अप्रत्यासित वृद्धि प्रसाईँ पक्राउ भएका छैनन् : प्रहरी आज वैशाख १, लाहानमा फूलबारी मेला राष्ट्रपतिद्वारा हल्चोक आकाश भैरवको १२ वर्षे जात्रा शुभारम्भ बहिनीको हत्या गर्ने दाजु पक्राउ ज्येष्ठ शुक्ल एकादशीः घरका मठमा तुलसीको दल राखिँदै फाप्लु विमानस्थलमा सत्र दिनपछि उडान उद्योग मन्त्रालयद्वारा तीन जना विज्ञ सदस्य नियुक्त