नेपाली सुपर एप ‘हेलो सर्विस नेपाल’ अब काठमाडौँ उपत्यकामा निःशुल्क डेलिभरीसहित

बिजनेस पाटी

२०८२ भाद्र १२

ललितपुर । नेपाली युवाहरूद्वारा पूर्ण रूपमा स्वदेशी प्रविधि र व्यवस्थापनमा तयार गरिएको ‘हेलो सर्विस नेपाल’ सुपर एपले उपभोक्ताको सुविधालाई ध्यानमा राख्दै काठमाडौँ उपत्यकाभित्र *निःशुल्क डेलिभरी सेवा* सुरु गरेको छ। “माध्यम एक, सुविधा अनेक” भन्ने मूल नाराका साथ सुरु भएको यो एप छोटो समयमै नेपाली उपभोक्तामाझ लोकप्रिय बनेको छ।

यो एपले एकै प्लेटफर्ममार्फत रेस्टुरेन्टबाट खाना, दैनिक ग्रोसरी सामान, र ब्लु बुक नवीकरण जस्ता विभिन्न सेवाहरू प्रदान गर्दै आएको छ। कम्पनीका अनुसार उपभोक्ताको खर्च बचत र सुविधालाई लक्षित गर्दै निःशुल्क डेलिभरीको व्यवस्था गरिएको हो।

‘हेलो सर्विस नेपाल’ केवल डिजिटल सेवा प्रदायक मात्र नभई स्वदेशी प्रविधि र रोजगारी प्रवर्द्धन गर्ने अभियान पनि हो। यस एपको सम्पूर्ण विकास, सञ्चालन र व्यवस्थापन नेपाली युवा शक्तिद्वारा गरिएको छ। कम्पनीले हाल ६० जनाभन्दा बढीलाई प्रत्यक्ष रोजगारी प्रदान गरिसकेको जनाएको छ, जसले नेपालमा स्वदेशी जनशक्तिको क्षमता र सम्भावनालाई प्रमाणित गरेको छ।

कम्पनीले भनेको छ, “हाम्रो उद्देश्य नेपालमै बनेको डिजिटल समाधानमार्फत नेपाली उपभोक्तालाई सहज जीवन दिनु हो।”

छिटो, भरपर्दो र ग्राहकमैत्री सेवामा जोड दिँदै कम्पनीले आगामी दिनमा चाडपर्वलाई लक्षित गरी थप आकर्षक योजनाहरू ल्याउने तयारी गरेको छ। साथै, कम्पनीले नयाँ व्यवसाय सुरु गर्नेहरूलाई आफ्नो प्लेटफर्ममा जोडेर हातेमालो गर्न पनि आह्वान गरेको छ।

उपभोक्ताले अहिले बजारमा उपलब्ध *Hello Service Nepal Super App* डाउनलोड गरी निःशुल्क डेलिभरीसहितको स्वदेशी सेवाको अनुभव लिन सक्नेछन्। यसले देशलाई डिजिटल युगतर्फ अघि बढाउन महत्त्वपूर्ण भूमिका खेल्ने विश्वास व्यक्त गरिएको छ।

थप समाचारहरु

फेसबुकबाट तपाईको प्रतिक्रिया