बिजनेस पाटी
ललितपुर - मेरो राजधानी जलिरहेको थियो ।
टि.भी.का भित्ताहरूमा
सुदन गुरुङका टिमहरू
टीओबी ज्याकेट लगाएर
मेरा राष्ट्रका धरोहर जलाउँदै
मार्च पास्ट गरिरहेको थियो ।
टीओबी पद चिन्हका ड्रेसमा सुसज्जित भएर
मेरो देशको धरोहरहरू
जलिरहदा
न सेना देखियो
न त प्रहरीहरू नै देखियो
देश जलिरहेको थियो ।
पृथ्वीनारायण शाहले आज्र्याको मुलुक
वीर वलभद्र, अमरसिंह
वीर वीरङ्गनाले रगत बगााएर
आज्र्याको मुलुक
काठमाडौँ दनदनती बलिरहेको थियो ।
ती ऐतिहासिक धरोहर बलिरहदा
नेपाली सेनाको शून्यता
नेपाली प्रहरीको शून्यता
ती कता बाँधिएर बसेका थिए
सेना र प्रहरीका जिम्मेवारहरू हो ?
जवाफ मागिरहेको छु
तिमीहरूको उपस्थितिमा देश जलिरहदा के गरिरहेका थियौ ?
तिम्रो अनुपस्थितिको
चित्त बुझ्दो जवाफ
आम नेपालीले खोजिरहेका छन् ।
जवाफ मात्र होइन
देशप्रति घात प्रतिघात गरिँदा
कानूनले के भन्छ ?
ती घातहरूको मौनतामा
तिमीहरू माथि देशले दण्डित गरिनुपर्छ ।
असरल्ल परेर
टीओबी लेखेका तिब्बतीयनहरू
देश खोज्दै मेरो देशका मुटुमा झरेका छन् ।
मेरो देशले आश्रय दियो ।
आश्रयको बदलामा
देश जलाउने अपराधमा
तिनीहरूको संलग्नता देखियो ।
नक्कली नेपाली नागरिकता बोकेर
टीओबीका नश्लहरू
मेरो देशमाथि घात/प्रतिघात गर्दै
मेरो सांस्कृतिक धरोहरको
उच्चतम कलाकृति माथि घात/प्रतिघात गर्दै
हामीले शरण दिएका थियौँ ।
ती शरणको मरण गर्दैछन् ।
मेरो देशको ऐश्वर्यता
मेरो देशको सांस्कृतिक सम्पदालाई
तिनीहरूको नेतृत्वमा
देश खरानीमा परिणत हुँदैछ ।
देशलाई यसबेला
मृत्युघाटमा पुगेका लाशमा परिणत गराइदैछ
मेरो देशमाथि घात प्रतिघात गरिदै
ऐश्वर्यताले भरिएको
सांस्कृतिक सम्पदाको अनुपम सौन्दर्यमा
नामेट गरिदैछ
देशलाई मृत्युघाटमा पु¥याइदैछ
म मेरो देशमाथि
न्यायले पारितोषिक भएको हेर्न चाहन्छु ।
सेना र प्रहरी हो !
तिमीहरूलाई प्रश्न गरिरहेको छु ।
मेरो देशको आस्थाहरू
काठमाडौँमा निर्मित आस्थाका धरोहर
दनदनती बलिरहँदा
न त प्रहरी देखियो ।
न त सेना नै देखियो ।
किन उँघिरहेको थियो स्वप्न नगरीमा ?
यसको जवाफ तिमीहरूले दिनु पर्दैन ?
मेरो देशको वैभवता
मेरो देशको सिंहदरबार
मेरो देशको संसद भवन
ती सिंहदरबारमा
जागिर खाएका सेना र प्रहरीहरू
आगोले त खाएन होला ?
उनीहरूले भिरिएका बन्दुकहरू
देश जलिरहँदा
ती देशद्रोही आतातायी माथि
गोलीले डामिन पाएन ?
यसको जवाफ
देशभक्त नेपालीहरूलाई
प्रहरी र सेनाले दिनुपर्छ ।
देशमाथि घात प्रतिघात हुँदा
तिम्रो मैनता अब तोडिनुपर्छ ।
पत्रकार मित्रहरू !
आफ्नो कलममा मसी भर्न ढिला भैसक्यो
जो जहाँ छौ –
देशघातका विरुद्ध कलमद्वारा छादौ
देश बचाउने युद्धमा लागि परौँ ।