परराष्ट्रमन्त्री डा राणा हङकङबाट स्वदेश फिर्ता

ललितपुर । परराष्ट्रमन्त्री डा आरजु राणा देउवा जनवादी गणतन्त्र चीनको विशेष प्रशासकीय क्षेत्र हङकङमा चीन सरकारद्वारा यही जेठ १६ गते आयोजित अन्तरराष्ट्रिय मध्यस्थता सङ्गठन स्थापना गर्ने महासन्धिको हस्ताक्षर समारोहमा सहभागी भएर गए राति स्वदेश फर्किका हुन् ।

चिनियाँ विदेशमन्त्री वाङ यीको निमन्त्रणामा सो समारोहमा सहभागी हुन मन्त्री डा. राणा गत बुधबार हङकङ प्रस्थान गरेका थिए । नेपाल सो सङ्गठन स्थापना गर्नेसम्बन्धी महासन्धिको हस्ताक्षर कार्यक्रममा पर्यवेक्षकका रूपमा सहभागी भएको परराष्ट्र मन्त्रालयले जनाएको छ ।

उक्त महासन्धिमा ३२ मुलुकले हस्ताक्षर गरेका थिए भने हस्ताक्षर गर्ने सो समारोहमा ५० भन्दा बढी मुलुक र २० भन्दा बढी अन्तरराष्ट्रिय सङ्घसङ्गठन सहभागी भएका थिए । उक्त सङ्गठनले विभिन्न देशबीच, एक देश र अर्को देशको कम्पनी वा नागरिकबीच एवं विभिन्न मुलुकका निजी व्यवसायहरूबीचका विवादलाई मध्यस्थताद्वारा समाधान गर्ने उद्देश्य लिएको छ ।

यसै कार्यक्रमका सिलसिलामा मन्त्री डा राणाले चिनियाँ विदेशमन्त्री वाङ यीसँग द्विपक्षीय भेटवार्ता गरेका थिए । उक्त भेटका अवसरमा नेपाल र चीनबीचको मैत्रीपूर्ण सम्बन्ध अझ सुदृढ गर्दै जाने विषयमा कुराकानी भएको जानकारी मन्त्री डा. राणाले दिए ।

उनले भेटघाटमा नेपाल र चीनबीच आर्थिक, प्राविधिक तथा व्यावसायिक सम्बन्ध विस्तार गर्ने तथा चिनियाँ सहयोगमा नेपालमा निर्माणाधीन परियोजनाहरू समयमै सम्पन्न गर्ने विषयमा कुराकानी भएको बताए ।

मन्त्री डा राणाले भने, “यस वर्ष अर्थात् सन् २०२५ नेपाल र चीनबीच कूटनीतिक सम्बन्ध स्थापनाको ७०औँ वर्षगाँठ परेकाले यस अवसरलाई विशेष कार्यक्रमहरूसहित मनाउने र दुई मुलुकबीच उच्चस्तरीय भ्रमणहरू आदानप्रदान गर्ने कार्यलाई निरन्तरता दिने विषयमा पनि कुराकानी भएको छ ।”

मन्त्री डा राणाले नेतृत्व गरेको यस नेपाली प्रतिनिधिमण्डलमा परराष्ट्र मन्त्रालयको उत्तरपूर्व एसिया महाशाखाका प्रमुख भृगु ढुङ्गाना र हङकङस्थित नेपालका महावाणिज्यदूत डा विन्देश्वरप्रसाद लेखकलगायत परराष्ट्र मन्त्रालय र महावाणिज्य दूतावास हङकङका प्रतिनिधि सहभागी थिए ।

थप समाचारहरु

थप पर्यटक भित्र्याउन ‘घुमौँ सौराहा’ अभियान भिटोफ-नेपालको पर्यटन प्रवर्धनात्मक कार्यक्रम सुसम्पन्न ठमेल र दरबारमार्ग क्षेत्र चौबिसै घण्टा खुलाउने तयारी सिँचाइको व्यवस्थासँगै भरतपुरका जमिन चैते धानले हराभरा व्यावसायिक च्याउखेतीबाट मनग्य आम्दानी शुक्लाफाँटामा बाघ बढे दुग्ध विकास संस्थानद्वारा किसानलाई ४८ करोड भुक्तानी खरबुजाबाट मनग्य आम्दानी लिँदै किसान धार्मिक पर्यटकीय केन्द्र बन्दै भरतपुरको गणेशधाम यस वर्ष रासायनिक मलको अभाव नहुने पर्यटक लोभ्याउन ‘परेवा जोडी’ च्याउखेतीबाट वार्षिक १० लाख आम्दानी व्यावसायिक बाख्रापालनतर्फ किसानको आकर्षण किसानलाई बजारसँग जोड्ने नेपाली ढाँचाको ‘पैँचो पसल’ दसैँ–तिहारलाई कोसेली कर्णालीको स्याउ रामपुरका खेतबारीमा झुसिल्किराको प्रकोप पर्यटकीयस्थल दोलालघाटमा मोटरबोट परीक्षण विश्वकै एकमात्र कालाग्निरुद्र पीठ : लड्केश्वर धाममा राष्ट्रव्यापी आस्था संकल्प