पाँच प्रदेशका एकदुई स्थानमा भारी वर्षा हुने पूर्वानुमान

ललितपुर हाल देशभर मनसुनी वायुको प्रभाव रहेको तथा मनसुनको न्यून चापीय रेखा पूर्वमा सरदर स्थानको आसपास र पश्चिममा सरदर स्थानभन्दा केही उत्तरतिर रहेको जल तथा मौसम पूर्वानुमान महाशाखाले जनाएको छ । कोशी, मधेस, वाग्मती, गण्डकी र कर्णालीका एकदुई स्थानमा भारी वर्षा हुने महाशाखाको पूर्वानुमान छ । आज दिउँसो देशभर आंशिकदेखि साधारणतया बदली रहने तथा वाग्मती, गण्डकी र सुदूरपश्चिम प्रदेशलगायत पहाडी भागका केही स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ । महाशाखाका अनुसार कोशी, वाग्मती, गण्डकी र कर्णाली प्रदेशका एकदुई स्थानमा भारी वर्षाको सम्भावना छ । देशका उच्च पहाडी तथा हिमाली भागका केही स्थानमा हल्कादेखि मध्यम वर्षा र हिमपातको सम्भावना छ । त्यसैगरी, आज राति कोशी, मधेस, वाग्मती र गण्डकी प्रदेशलगायत पहाडी भागमा साधारणतया बदली रही बाँकी भागमा आंशिक बदली रहनेछ । कोशी, मधेस, वाग्मती र गण्डकी प्रदेशका केही स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ । मधेस, वाग्मती र गण्डकी प्रदेशका एकदुई स्थानमा भारी वर्षाको सम्भावना छ ।

देशका उच्च पहाडी तथा हिमाली भू–भागका केही स्थानमा हल्कादेखि मध्यम वर्षा र हिमपातको सम्भावना छ । सम्भावित वर्षाका कारण बाढीपहिरो तथा गेग्य्रान बहावको जोखिम रहेको बताउँदै महाशाखाले सहरी तथा तराई क्षेत्रमा डुबानको जोखिम रहेकाले सावधान रहन ती क्षेत्रका सर्वसाधारणलाई अनुरोध गरेको छ । ठूला तथा साना नदीनाला र खोलामा पानीको सतह बढ्न सक्ने, दैनिक जनजीवन, कृषि, स्वास्थ्य, पर्यटन, नदी क्षेत्र आसपासका सडक तथा हवाई यातायात प्रभावित हुनसक्ने भएकाले सतर्कता अपनाउन तथा पूर्वतयारी गर्न सर्वसाधारण तथा सरोकार भएका सबै निकायमा अनुरोध गरिएको छ । –––

थप समाचारहरु

मुक्तिनाथमा दैनिक चार हजार पर्यटकको आगमन अमेरिकामा उपचार गर्ने बसन्तका चाहना गोठाला झरे बेँसी, सुनसान ‘बुकीपाटन’ प्राकृतिक विपद्ः ११ अर्ब ८२ करोड बराबरको बिमा दाबी मार्फा घुम्न जाने पर्यटक बढे नेपाल टेलिकमको रिचार्जमा बोनस उपलब्ध एउटा नाउर/झारलको सिकार गर्न लाग्छ २० देखि ३० लाख शूल्क नेपाल बैंकर्स संघमा अध्यक्ष सन्तोष कोइरालाको नेतृत्वमा नयाँ कार्यसमिति रसुवा भ्रमण गर्ने २५ हजार नाघे, राजस्व संकलन सन्तोषजनक मुस्लिम समुदायमा इदको रौनक, सरकारले दियो सार्वजनिक बिदा गर्मी मौसममा शरीरमा पानीको मात्रा कम हुन नदिन खानुहोस् यस्ता खानेकुरा बुटवल–नारायणगढ सडक पूर्णरूपमा अवरुद्ध शिक्षा समितिको बैठक स्थगित, २ बजे पुनः बस्ने “संयुक्त राज्य अमेरिकाको वैदेशिक सहयोग कटौतीले ४० लाखभन्दा बढी मानिसको ज्यान जान सक्ने” गायिका एलिना चौहानको चरित्रहत्या गरेको आरोपमा पक्राउ परेका राई तीन दिन हिरासतमा बस्ने आज पाँच प्रदेशमा धेरै भारी वर्षाको सम्भावना वाइडवडी इन्जिन मर्मतमा चलखेल भएको भन्ने समाचारमा सत्यता नभएको निगमको दाबी यस्तो छ आजको सागसब्जी र फलफूलको थोक मूल्य