पाटन स्वास्थ्य विज्ञान प्रतिष्ठानका उपकुलपति र सरसफाइ सेवाका कर्मचारीबीच पहिलो पटक सामूहिक परिचयात्मक अन्तर्क्रिया  : कर्मचारीहरूले भने ‘कुशल अभिभावक पाएका छौँ’  (भिडियो)

ललितपुर । पाटन स्वास्थ्य विज्ञान प्रतिष्ठानका उपकुलपति प्राडा बुद्धि प्रसाद पौडेलले  सोमबार प्रतिष्ठानमा कार्यरत हाउस किपिङ (सरसफाई) तर्फका १६४ जना मजदुर कर्मचारी सँग सामूहिक परिचयात्मक अन्तर्क्रिया गरेका छन् । 

पदभार ग्रहण गरेको दुई हप्ता हुन लाग्दा उपकुलपति पौडेलकै चाहनामा उक्त कार्यक्रम भएको हो । अनौपचारिक कार्यक्रममा बोल्दै उपकुलपति डा पौडेलले  हाउस किपिङ तर्फका कर्मचारीहरुनै पाटन अस्पातल र पाटन स्वास्थ्य विज्ञानप्रतिष्ठानको ऐना भएको भन्दै उनीहरूले गरेको मेहनत र लगनशिलकार्य  र सेवा प्रति कृतज्ञता व्यक्त गर्दै अझै राम्रो काम गर्न ऊर्जा मिलोस् भनेर धन्यवाद सहित शुभकामना पनि दिए । 

कुनै पनि काम सानो र ठूलो नहुने भन्दै उनले आफू पनि तल्लो लेबलबाट काम गर्दै उठ्दै आजको जिम्मेवारीमा पुगेकोले कर्मचारीका मर्का आफूले बुझेको बताए । उनले आफू सबै तहका कर्मचारीहरूसँग मिलेर राम्रो काम गर्ने वचनबद्धता व्यक्त गरे । 

उक्त परिचयात्मक अन्तर्क्रियामा कर्मचारीहरूले पहिलो पटक यसरी उपकुलपतिसँग सामूहिक अन्तर्क्रिया गर्न पाएको बताउदै आफूहरूले कुशल अभिभावक पाएको भन्दै खुशी व्यक्त गरेका थिए । 

त्यस अवसरमा उनीहरूले प्रतिष्ठानको साख उँचो बनाउन अझै जोश र जाँगर साथ काम गर्ने प्रतिबद्धता व्यक्त गरेका थिए । उनीहरूले भौतिक संरचना तर्फका केही साना साना आफूहरूले भोगेका समस्या र केही सुझाव पनि खुलेर दिएका थिए । 

उपकुलपति पौडेलले तत्काल सुधार गर्न सकिने  ती स साना समस्याहरू प्रतिष्ठानले सुधार गर्ने र केही नयाँ काम छलफल पछि सुरु गरिने बताएका थिए । त्यस क्रममा तीजको शुभकामना सँगै चियापान पनि गराइएको थियो । 

थप समाचारहरु

बाथरोग र डाक्टरको सल्लाह स्वास्थ्य बीमा बोर्डको अध्यक्षमा सुर्यबहादुर थापा उपत्यकाको वायु प्रदुषणमा क्रमिक सुधार पञ्चकन्या समूहको रुपन्देहीमा निःशुल्क क्यान्सर स्क्रिनिङ शिविर प्रधानमन्त्रीद्वारा झापाको गौरादहस्थित नगर अस्पतालको शिलान्यास मातृ तथा शिशु मृत्यु दर घटाउन प्रसूति गृहमा सिमुलेसन ल्याब सञ्चालन आँखा स्वास्थ्यलाई प्रमुख मुद्दा बनाएर अघि बढेका छौँः स्वास्थ्यमन्त्री पौडेल शुक्लागण्डकीमा स्वास्थ्य मन्त्री पौडेलद्वारा जिपीमा डायलासिस सेवा उद्घाटन मधेस, लुम्बिनी र कोशी प्रदेशमा कुष्ठरोगको बढी असर : प्रधानमन्त्री स्वास्थ्य संस्था सञ्चालन मापदण्ड परिमार्जन गर्न समिति गठन स्वास्थ्य क्षेत्रलाई व्यवस्थित बनाउने प्रयत्नमा मन्त्री पौडेल स्वास्थ्य बिमाको बाँकी रकम एक वर्षभित्र भुक्तानी गरिने उपभोक्ता अदालतको निर्णयलाई चुनौती दिँदै चिकित्सक सङ्घ आन्दोलनमा ३७ प्रकारका औषधि चार अस्पतालबाट निःशुल्क रूपमा उपलब्ध हुने स्वास्थ्य मन्त्रालयको एक वर्षःसीमित स्रोतमा उल्लेखनीय सफलता हासिल गरेको दाबी अब मिर्गौलाका बिरामीले ८ लाख ५० हजारसम्मको सहुलियत पाउने चिकित्सक सङ्घले दियो पुनः आन्दोलनको चेतावनी पाटन स्वास्थ्य विज्ञान प्रतिष्ठानमा प्राडा बुद्धि पौडेल उपकुलपति नियुक्त : अन्य तिनमा खत्री, श्रेष्ठ र रोकाया