पालमुनि नवनियुक्त तीन मन्त्रीहरूले लिए सपथ

ललितपुर । अन्तरिम सरकारका नवनियुक्त तीन मन्त्रीहरूले आज पद तथा गोपनियताको सपथ लिएका छन् ।

प्रधानमन्त्री सुशीला कार्कीको उपस्थितिमा राष्ट्रपति रामचन्द्र पौडेलले राष्ट्रपति कार्यालय शीतल निवासमा आज आयोजित विशेष समारोहमा नवनियुक्त मन्त्रीहरु रामेश्वर खनाल, कुलमान घिसिङ र ओमप्रकाश अर्याललाई सपथ गराएका हुन् ।

जेनजी आन्दोलनका क्रममा तोडफोड र आगजनीले शीतल निवास पनि बस्न नमिल्ने अवस्थामा पुगेको थियो । आज शितलनिवासको राष्ट्रपति कार्यालय बाहिर पाल टाँगेर तीन मन्त्रीले पद तथा गोपनीयताको शपथ लिएका छन् ।
यसअघि गत शुक्रबार प्रधानमन्त्री सुशीला कार्कीको शपथ भने राष्ट्रपति निवास भित्रै भएको थियो ।

नवनियुक्त मन्त्रीहरूमध्ये खनाललाई अर्थ, घिसिङलाई ऊर्जा, जलस्रोत तथा सिँचाइ, भौतिक पूर्वाधार तथा यातायात र सहरी विकास मन्त्रालयको जिम्मेवारी दिइएको छ भने अर्याललाई गृह र कानुन, न्याय तथा संसदीय मामिला मन्त्रालयको जिम्मेवारी तोकिएको छ । बाँकी मन्त्रालयको कार्यभार प्रधानमन्त्री कार्कीले नै सम्हाल्ने भनिएको छ ।

अर्थमन्त्रीको जिम्मेवारी पाएका खनाल नेपाल सरकारका पूर्वअर्थ सचिव हुन् भने घिसिङ नेपाल विद्युत् प्राधिकरणका पूर्वकार्यकारी निर्देशक हुन्। अर्याल अधिवक्ता हुन्।

अधिवक्ता अर्याल अख्तियार दुरुपयोग अनुसन्धान दुरुपयोगका तत्कालीन प्रमुख आयुक्त लोकमानसिंह कार्कीको नियुक्तिको अयोग्यतासम्बन्धी मुद्दामा पुनरावेदन हालेपछि उनी चर्चामा आएका थिए । नवनियुक्त मन्त्रीहरुले आजै सिंहदरबारमा पदबहाली गर्ने जनाइएको छ ।

सपथ ग्रहणका अवसरमा उपराष्ट्रपति रामसहायप्रसाद यादव, प्रधानमन्त्री कार्की, प्रधानन्यायाधीश प्रकाशमानसिंह राउत, राष्ट्रियसभाका अध्यक्ष नारायणप्रसाद दाहाल, पूर्वप्रधानमन्त्री डा बाबुराम भट्टराई, संवैधानिक निकायका प्रमुख तथा पदाधिकारी, नेपाल सरकारका उच्चपदस्थ अधिकृत, सुरक्षा निकायका प्रमुख तथा अधिकारीलगायतको उपस्थित थियो ।

तर सभामुख देवराज घिमिरे र उपसभामुख इन्दिरा राना दुवैजना जेन–जी आन्दोलनपछि दुई सार्वजनिक समारोहमा देखा परेनन् । दुई दिनअघिको प्रधानमन्त्रीको शपथग्रहण र सोमबारको मन्त्रीहरूको शपथमा उनीहरू दुवैजना अनुपस्थित रहे ।

थप समाचारहरु

लोडसेडिङ कसैको चमत्कारले अन्त्य भएको होइन: प्रधानमन्त्री संवैधानिक परिषद् विधेयक संसदको कार्यसूचीबाट हट्यो ‘रवीन्द्र मिश्रलाई हिरासतमा राखिरहनु न्यायसङ्गत छैन गणतन्त्र दिवसलाई उत्सवको रूपमा मनाउने एमाले सचिवालय बैठकको निर्णय-अनेरास्ववियुमा ३२ वर्षे उमेर हद आज पनि प्रतिनिधिसभाको बैठक बस्न सकेन- गृहमन्त्रीले राजीनामा दिन आवश्यक नरहेको प्रष्टीकरण प्रसाईंसहित ७ लाई थुना पठाउने आदेश संवैधानिक परिषद् विधेयक पारित उपसभामुख राना दक्षिण अफ्रिका प्रस्थान ओली र देउवा बालुवाटारमा छलफलमा : प्रचण्ड उपत्यका बाहिर कुलिङ पिरियडसम्बन्धी व्यवस्थामा भएको गडबडीबारे छानबिन गर्न गठित ७ समितिलाई ४ बुँदे कार्यादेश र ३ बुँदे कार्यविधि रवि लामिछानेले रिहाइको माग गर्दै रुपन्देही जिल्ला अदालतमा दिए निवेदन प्रतिनिधिसभाको बैठक बस्दै प्रधानमन्त्री ओली बालुवाटार छाडेर अज्ञातस्थलतर्फ अज्ञातस्थलबाट प्रचण्डको अपिल: संविधान र संसदीय प्रक्रियाबाट निकास खोजौं पाँचखाल तालिम केन्द्रबाट नेपाली सेनाका थप टोली काठमाडौं झिकाइयो अन्तरिम सरकार गठनबारे अबको करिव एक घन्टामा छलफलको निष्कर्ष आउन सक्ने फागुन २१ गतेका लागि तोकिएको प्रतिनिधिसभाको निर्वाचन सम्पन्न गराउने काममा सहयोग गर्न सबै पक्षलाई राष्ट्रपतिको अपिल अन्तरिम सरकारका तीन मन्त्रीले शपथ लिँदै