पुनरुत्थानवादीहरुद्वारा गरिएको अराजक क्रियाकलाप प्रति तराई-मधेश लोकतान्त्रिक पार्टीको भर्त्सना

काठमाडौं । राजावादी आन्दोलनकर्ताले हिंसा, लूटपाट, आगजनी जस्ता विभिन्न अराजक गतिविधि गरेको प्रति तराई–मधेश लोकतान्त्रिक पार्टीले भर्त्सना गरेको छ। चैत १५ गते काठमाडौको तीनकुनेमा घटेको घटनाको तीब्र आलोचना गर्दै दोषीहरूमाथि न्यायिक छानबिन गरी कारबाही गर्न पार्टीले माग गरेको छ।

पार्टीका केन्द्रीय अध्यक्ष वृषेशचन्द्र लालद्वारा एक विज्ञाप्ति जारी गर्दै जनताको सार्वभौम अधिकार र लोकतान्त्रिक प्रणालीलाई चुनौती दिने यस्ता घटनाले विधिको शासनमा देखिएका बेथिति, भ्रष्टाचार तथा नातावाद(कृपावादको अनुचित फाइदा उठाउने प्रयास भएको उल्लेख गरिएको छ।

विज्ञप्तिमा सत्तारूढ समूहलाई यस्ता प्रवृत्तिप्रति सचेत रहन आग्रह गर्दै विधिको शासन, समानुपातिक समावेशीता, र संघीय लोकतान्त्रिक गणतन्त्रको मर्म अनुरूप राज्यका अंगहरूको पुनर्संरचना नै समाधानको एक मात्र उपाय रहेको स्पष्ट गरिएको छ।

शुक्रबार पुनरुत्थानवादी अराजकतावादीहरूको आक्रमणमा परी पत्रकार सुरेश रजकको निधन भएको खबरले स्तब्ध बनाएको पार्टीले जनाएको छ। पार्टीले स्व.रजकप्रति श्रद्धाञ्जली अर्पण गर्दै परिवारजनप्रति समवेदना व्यक्त गरेको छ।

तराई–मधेश लोकतान्त्रिक पार्टीले लोकतान्त्रिक व्यवस्था र विधिको शासनलाई कमजोर पार्ने कुनै पनि कदमलाई स्वीकार नगर्ने भन्दै आगामी दिनमा राज्यका सुरक्षा संयन्त्रलाई चनाखो रहन आग्रह समेत गरेको छ।

थप समाचारहरु

लोडसेडिङ कसैको चमत्कारले अन्त्य भएको होइन: प्रधानमन्त्री संवैधानिक परिषद् विधेयक संसदको कार्यसूचीबाट हट्यो स्थानीय निकायमा खरिद प्रक्रिया थाहा नहुँदा समस्या : मुख्यमन्त्री  आज जनआन्दोलन दिवस, विभिन्न कार्यक्रमका साथ मनाइँदै भ्रष्टाचार नयुनीकरण र अन्त्य गर्नमा सरकार लागिपरेको छ : प्रधानमन्त्री राष्ट्रिय सुरक्षाका लागि सक्षम जनशक्ति आवश्यक : प्रधानमन्त्री ओली सिमाना खुम्चन र राष्ट्रिय स्वाभिमानमा आँच आउन दिनेछैनौँ  : प्रधानमन्त्री राजधानीमा आन्दोलन नै आन्दोलन, सर्वसाधारणलाई सास्ती प्रधानमन्त्रीको आव्हानमा मन्त्रिपरिषद् बैठक वैशाख महिनामा बस्ने प्रतिनिधिसभा बैठकको समयतालिका सार्वजनिक रविन्द्र मिश्र र दुर्गा प्रसाईंलाई अदालत लगिँदै ढिला नगरी शिक्षकलाई विद्यालय फर्किने वातावरण बनाउन अधिकांश सांसदहरूको माग माओवादी सांसदद्वारा प्रधानमन्त्रीको आलोचना नागरिक उन्मुक्ति पार्टीका संरक्षक चौधरी पक्राउ ‘रवीन्द्र मिश्रलाई हिरासतमा राखिरहनु न्यायसङ्गत छैन चौधरी पक्राउबारे विहीबार गृहमन्त्रीले जवाफ दिनेभएपछि हट्यो सदनको अवरोध आम नागरिकको सुरक्षाको प्रबन्ध गर्न सभामुख घिमिरेको ध्यानाकर्षण आज सङ्घीय संसद्का दुवै सदनको बैठक बस्दै