पूर्व प्रधानमन्त्री माधवकुमार नेपालको सांसद पद निलम्बन- १८ करोड ५८ लाख रुपैयाँ बिगो माग दाबी

ललितपुर । पतञ्जलिको जग्गा सट्टापट्टा प्रकरणमा अख्तियार दुरुपयोग अनुसन्धान आयोगले विशेष अदालतमा भ्रष्टाचार मुद्दा दायर गरेसँगै एकीकृत समाजवादीका अध्यक्ष तथा पूर्व प्रधानमन्त्री माधवकुमार नेपालको सांसद पद निलम्बन भएको छ ।
आयोगले आज नेपालविरुद्ध भ्रष्टाचार मुद्दा दायर गरेको हो । भ्रष्टाचारविरूद्ध मुद्दा किनारा नलागेसम्म सांसद पद स्वतः निलम्बन हुने व्यवस्था छ ।
अख्तियार दुरुपयोग अनुसन्धान आयोगले पतञ्जली योगपीठ तथा आयुर्वेद विद्यालयको नाममा दिइएको जमिन अनियमितता प्रकरणमा विशेष अदालतमा मुद्दा दायर गरेको हो । नेपालसँग अख्तियारले केही दिनअघि बयान लिएको थियो ।

२०६६ सालमा माधव नेपाल प्रधानमन्त्री भएको बेला नेपाल नेतृत्वको सरकारले मन्त्रिपरिषदबाट निर्णय गरेर पतन्जलीलाई हदबन्दी छुटमा जग्गा खरिद गर्न स्वीकृति दिएको थियो । सोही जग्गा विक्री गर्न अनुमति दिने निर्णय पनि नेपाल नेतृत्वकै सरकारले गरेको थियो ।
तत्कालीन प्रधानमन्त्री नेपालले मन्त्रिपरिषद्मा ठाडो प्रस्तावमार्फत् कानुनी प्रक्रिया नपुगी पतञ्जलीलाई हदबन्दीभन्दा बढी जग्गा बिक्री र सट्टापट्टाको स्वीकृति दिलाएको अख्तियारको दाबी छ । अख्तियारले माधव नेपालसँग १८ करोड ५८ लाख रुपैयाँ बिगो माग दाबी गरेको छ ।
यो मुद्धामा तत्कालीन कानूनमन्त्री प्रेमबहादुर सिंह, भूमिसुधारमन्त्री स्व.डम्बर श्रेष्ठ, तत्कालीन मुख्यसचिव स्व. माधवप्रसाद घिमिरे (पछि गृह/परराष्ट्रमन्त्री, तत्कालीन भूमिसुधार सचिव छविराज पन्तलाई पनि प्रतिवादी बनाइएको छ । पूर्व प्रधानमन्त्री माथि भ्रष्टाचारको मुद्दा दायर भएको नेपालको इतिहासमा यो पहिलोपटक हो ।
नेपालमाथिको मुद्दालाई एकीकृत समाजवादीका नेता तथा पूर्व प्रधानमन्त्री झलनाथ खनालले अत्यन्त दुःखद भनेर प्रतिक्रिया दिएका छन् ।
उनले नेपालको इतिहासमै पहिलो पटक पूर्व प्रधानमन्त्रीमाथि भ्रष्टाचार मुद्दा दायर भएको घटनालाई सामान्य रूपमा लिन नहुने बताएका छन् ।

थप समाचारहरु

मदन आश्रितको स्मृति दिवस – गलत विचारका आधारमा वाम एकता हुन सक्दैन : प्रधानमन्त्री कांग्रेसका महामन्त्री थापाद्वारा अदालतको अवहेलना मुद्दामा सर्वोच्च अदालतमा लिखित जवाफ पेस रविको रिटमा आदेश आउदै- सर्वोच्च र रुपन्देही कारागार अगाडि कार्यकर्ताको भिड गृहमन्त्री लेखक र संस्कृतिमन्त्री पाण्डेलाई तत्काल बर्खास्त गर्न माग गर्दै बजगाईंले सभापतिलाई लेखे प्रश्न दुई दलका शीर्ष नेताहरुबीच गृहमन्त्री लेखकसहितको छलफल सत्तापक्ष र विपक्षी दलले अडान नछाडेपछि सदन सञ्चालनबारे प्रमुख सचेतकसँगको छलफल निष्कर्षविहीन अध्यक्ष नेपालविरुद्ध योजनाबद्ध षड्यन्त्र भएको समाजवादीको निष्कर्ष ओलीमा राजनीतिक प्रतिशोधको गन्ध आयो : प्रचण्ड प्रजातन्त्र स्थापनामा योगदान गर्ने व्यक्तिको देशव्यापी प्रचार गर्नुपर्छ : देउवा मार्गप्रशस्त गरेर छानबिनमा सहयोग गर्न गृहमन्त्रीलाई माओवादीको सुझाव प्रतिनिधि सभा बैठक शुक्रबार दिउँसो १ बजेसम्मका लागि स्थगित सत्तापक्ष र प्रमुख प्रतिपक्षीबीच २ बुँदे सहमति : सदन खुल्छ – प्रचण्ड प्रतिनिधिसभा बैठक बस्दै ‘भिजिट भिसा’ अहिलेको मात्र समस्या होइनः अध्यक्ष दाहाल भोलिको प्रतिनिधिसभा बैठकमा अनिवार्य उपस्थित हुन पार्टीका सांसदहरूलाई कांग्रेसको ह्विप संसदीय समितिमा सर्वसम्मत पारित भएका विधेयकमाथि छेडखानी नहोस : अध्यक्ष दाहाल रास्वपाको महामन्त्री पद विवादमा कारण देखाऊ आदेश -दुवै पक्षलाई छलफलका लागि १७ गते बोलाइयो प्रधानमन्त्री केपी शर्मा ओलीले आज प्रतिनिधि सभामा सम्बोधन गर्ने