प्याब्सन र एनप्याब्सनले गरे संयुक्त आन्दोनलको घोषणा

ललितपुर । निजी तथा आवासीय विद्यालय अर्गनाइजेसन नेपाल (प्याब्सन) र राष्ट्रिय निजी तथा आवासीय विद्यालय एशोसिएसन नेपाल (एनप्याब्सन) आन्दोलनको घोषणा गरेका छन् । विद्यालय शिक्षा विधेयकका केही प्रावधानमा असन्तुष्टि जनाउँदै दुई संगठनले भदौं ५ गतेबाट काठमाडौंको माइतीघरमा प्रदर्शनमा उत्रने घोषणा गरेको छन् ।

आज राजधानीमा संयुक्त पत्रकार सम्मेलन गर्दै यी दुई संगठनले भदौ ८ गतेदेखि निर्णायक आन्दोलन गर्ने घोषणा गरेका छन् । विभिन्न पाँचबुँदे माग राख्दै आन्दोलनको घोषणा गरेका यी दुई संगठनले भदौ ८ गतेसम्म माग पूरा नभए ९ गतेदेखि निजी विद्यालय बन्द गरेर आन्दोलन गर्ने घोषणा उनीहरूले गरेका छन् । ८ गतेसम्म कुर्छौं । त्यो दिनसम्म माग पूरा भएन भने ९ गतेबाट विद्यालय बन्द गरेर आन्दोलनमा होमिन्छौं’ प्याब्सन अध्यक्ष कृष्णप्रसाद अधिकरीले भने ।

संगठनले विहीबार (भदौ ५ गत्) बिहान ११ बजेबाट माइतीघरमण्डलमा पुगेर प्रधानाध्यापकहरूले ब्यानरसहित प्रदर्शन गर्ने, भदौ ६ गते देशैभरका स्कूल बसहरू विद्यालय नजिकैको चोकमा उतारेर नगर परिक्रमा गर्ने लगायत आन्दोलन घोषणा गरेको हो ।

विद्यालय शिक्षा विधेयकमा समावेश पूर्ण छात्रवृत्ति, विद्यालयमा उत्पादन नहुने सामग्रीहरू उपलब्ध गराउने प्रावधान खारेज गर्नुपर्ने, विद्यालयहरूलाई ‘गैर–नाफामूलक’ बनाउँदै लगिने भन्ने प्रावधान हटाइनुपर्ने लगायतका माग राखेका छन् ।

यस्ता छन् निजी विद्यालयहरूका ५ बुँदे माग
(१) ‘पूर्ण छात्रवृत्ति’ भन्ने शब्द हटाइनुपर्ने ।
(२) विद्यालयहरूमा उत्पादन नहुने सामग्रीहरू जस्तै पोशाक, स्टेशनरी, शैक्षिक सामग्री, खाना ९खाजा उपलब्ध गराउने प्रावधान खारेज गर्नुपर्ने ।
(३) कम्पनी ऐन अनुसार दर्ता भई सञ्चालनमा रहेका विद्यालयहरूलाई ‘गैर–नाफामूलक’ बनाउँदै लगिने भन्ने प्रावधान हटाइनुपर्ने ।

(४) छात्रवृत्ति वितरणको अधिकार सम्बन्धित विद्यालयमा रहनुपर्ने, पालिका प्रतिनिधिको सहभागितामा एक पारदर्शी समिति गठन गरी वितरण गर्न सकिने व्यवस्था गरिनुपर्ने ।
(५) छात्रवृत्ति सम्बन्धी ऐन, २०२१ को दफा ३(क), नियमावली, २०६० को नियम १० (क), मा ४५प्रतिशत आरक्षण छात्रवृत्ति व्यवस्था तथा २०७७ को संशोधन ऐन अन्तर्गतको विभेदकारी प्रावधान जसअनुसार केवल कक्षा ६ देखि १० सम्म सामुदायिक विद्यालयमा अध्ययन गरेकाले मात्र उच्च शिक्षामा, सीटीईभीटी कार्यक्रम अन्तर्गत अध्ययन गर्न पाउने व्यवस्थामा भएको विभेदकारी ऐन नियमका दफाहरू खारेज गरिनुपर्ने ।

यस्तो छ कार्यक्रमको तालिका

थप समाचारहरु

हिमालयन बैंकले हविवको शेयर बेच्ने स्वीकृति पाएको छैन– राष्ट्र बैंक रानी जमरा कुलरिया आयोजना : सिँचाइसँगै बल्यो बिजुली एन आई सी एशिया बैंकद्वारा पुस्तकालय भवन निर्माण स्वास्थ्य बीमा बोर्डले स्वास्थ्य बीमा कार्यक्रममा सह-भुक्तानी लागू गर्ने यति ब्रुअरी लिमिटेडले बुक बिल्डिङ्ग विधि मार्फत शेयर निष्काशन गर्ने थप पर्यटक भित्र्याउन ‘घुमौँ सौराहा’ अभियान जलवायु परिवर्तनले वायु प्रदूषणमा पारेको असर सम्बन्धी अन्तरक्रिया कार्यक्रम फुटबल लिजेन्ड रोबर्टो कार्लोस बैसाख ६ गतेको एनएसएल क्वालिफायर खेलमा विशेष अतिथिको रूपमा सहभागी हुने फिदिममा कोशी प्रदेशस्तरीय ब्याडमिन्टन प्रतियोगिता हुने निशुल्क दन्त स्वास्थ्य शिविर सम्पन्न होटल सारथीले आईपीओ निष्काशन गर्ने, बिक्री प्रबन्धकमा सिटिजन्स क्यापिटल खुल्ला स्थानमा फोहर नबाल्न कामपाको आग्रह आँबुखैरेनीको बजार क्षेत्रलाई ‘नो हर्न’ घोषणा    पहिरोले मकालु र भोटखोला गाउँपालिकामा सडक अवरुद्ध    माओवादी सांसदद्वारा प्रधानमन्त्रीको आलोचना नबिल बैंक र अपोलो इन्फर्मेसन सेन्टरबीच समझदारी, नबिलका ग्राहकले पाउने छन् १० प्रतिशत छुट आज साउनको तेस्रो सोमबारः पशुपतिनाथलगायत देशभरका शिवालयमा भक्तजनको घुइँचो आज गाईजात्रा पर्व मनाइँदै-काठमाडौँ उपत्यकामा सार्वजनिक बिदा