प्रधानमन्त्री ओलीको स्पेन भ्रमण विषयमा निष्पक्ष छानबिन गर्न निर्देशन

ललितपुर । गृहमन्त्री रमेश लेखकले प्रधानमन्त्री केपी शर्मा ओलीको स्पेन भ्रमणमा सरकारी प्रतिनिधि मण्डल बाहेक गएको भन्ने विषयमा निष्पक्ष छानबिन गर्न निर्देशन दिएका छन् । मन्त्री लेखकले सोमबार बिहान स्पेन भ्रमणबारे छानबिन गर्न गृह सचिव गोकर्णमणि दुवाडी र प्रहरी महानिरीक्षक दीपक थापालाई निर्देशन दिएका हुन् ।
उक्त विषयको गहन छानबिनका लागि प्रहरीको केन्द्रीय अनुसन्धान ब्यूरो र मानव बेचबिखन अनुसन्धान ब्यूरो खटिने जनाइएको छ ।
यता राष्ट्रिय स्वतन्त्र पार्टी (रास्वपा) ले गृहमन्त्री, संघीय मामिलामन्त्री र भूमिमन्त्रीलाई तुरुन्तै कारबाही गर्न माग गरेको छ ।
सोमबार प्रतिनिधिसभाको बैठक सुरु भएलगत्तै रास्वपाका सांसदहरूले उठेर विरोध गरेका थिए । सभामुख देवराज घिमिरेले समय दिएपछि पार्टीको तर्फबाट बोल्दै रास्वपाका सांसद अशोककुमार चौधरीले प्रश्न उठेका मन्त्रीहरूलाई कारबाही गरिनुपर्ने माग राखे ।
यसैगरी राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले प्रधानमन्त्री केपी शर्मा ओलीको नेतृत्वमा गठित सुशासन आयोगको खोजी गरे ।
प्रतिनिधिसभाको बैठकमा उनले प्रधानमन्त्रीको सुशासन आयोग कहाँ छ भन्दै जनताले खोजि रहेको बताए । मन्त्रीहरू एकपछि अर्को लेनदेन कान्डमा मुछिएको भन्दै उनले नैतिकता भए त्यस्ता मन्त्रीको राजीनामा आउनुपर्ने वा बर्खास्त गरिनुपर्ने बताए । उनले प्रतिनिधिसभामा सभामुखको भूमिकालाई लिएर विपक्षी दलहरूले प्रश्न उठाएका थिए । राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा) ले सभामुखले सदनको अवरोधलाई ख्याल नगरेर सदन चलाएको भनेर प्रश्न उठाएका हुन् ।

थप समाचारहरु

परराष्ट्रमन्त्रीसँग जापानका उपविदेशमन्त्रीको भेट कागले गरायो सिंहदरबारभित्र विद्युत् सेवा अवरुद्ध श्रमिकको न्यूनतम पारिश्रमिक कम्तीमा ४० हजार पु–याउनुपर्ने माग पुरा नभए साउन देखि सशक्त आन्दोलन गर्छौ – अध्यक्ष रसाइली बरहथवामा प्रहरी र स्थानीयबीच झडप, प्रहरीसहित १० जना घाइते दुर्गेशलाई प्रधानमन्त्रीको बधाई : नकारात्मक प्रतिक्रियाको बाढी भ्याट पुनरावलोकन गर्न अर्थमन्त्री पौडेलसमक्ष चेम्बरको ध्यानाकर्षण पशुपति क्षेत्र विकास कोषको सदस्य सचिवमा जोशी पोर्चुगलका पूर्वप्रधानमन्त्रीमाथि भ्रष्टाचारको अभियोगमा मुद्दा दर्ता एक अर्बको जैमिनी नागरिक स्वास्थ्य उपचार कोष अमेरिकाले युक्रेनमा थप हतियार पठाउने : ट्रम्प आषाढ शुक्ल पूर्णिमाः गुरु पूर्णिमा र व्यास जयन्ती मनाइँदै आव २०८१/८२ मा २१ खर्ब २४ अर्ब ९१ करोड बराबरको धितोपत्र कारोबार तेहरानमा पानी सङ्कटः खानेपानीको खपत कम गर्न राष्ट्रपतिको आग्रह मध्यकालीगण्डकी जलविद्युत् आयोजना निर्माण सुरु आज चार संसदीय समितिको बैठक बस्दै बाह्र वर्षे चण्डेश्वरी अजिमा जात्रा टोलटोल घुमाएर मनाइयो भारतका विदेश सचिव मिस्री स्वदेश फिर्ता