प्रधानमन्त्री ओली आइतबार तुर्कमेनिस्तानको औपचारिक भ्रमणमा जाँदै

ललितपुर । प्रधानमन्त्री केपी शर्मा ओली तीनदिने तुर्कमेनिस्थानको औपचारिक भ्रमणमा जान लागेको परराष्ट्र मन्त्रालयले जनाएको छ । प्रधानमन्त्री ओली तुर्कमेनिस्तानको अवाजा सहरमा आयोजना हुने भूपरिवेष्टित विकासशील राष्ट्रहरूको तेस्रो संयुक्त राष्ट्रसङ्घीय सम्मेलनमा सहभागी हुन नेपाली प्रतिनिधिमण्डलको नेतृत्व गर्दै आइतबार त्यसतर्फ जान लागेका हुन् ।

साउन २० देखि २३ गतेसम्म (५ देखि ८ अगस्ट २०२५) त्यहाँ आयोजना हुने सम्मेलनमा तुर्कमेनिस्तानका राष्ट्रपति सेरदार बेरदिमुहामेदोभ र संयुक्त राष्ट्रसङ्घका महासचिव महामहिम एन्टोनियो गुटेरेसको औपचारिक निमन्त्रणामा प्रधानमन्त्री ओली जाने कार्यक्रम तय भएको छ ।

सम्मेलनमा कम विकसित राष्ट्रहरूको विश्वव्यापी समन्वय ब्युरोको अध्यक्षका रूपमा समेत प्रधानमन्त्री ओलीले सम्बोधन गर्ने कार्यक्रम रहेको छ । उनले सम्मेलनको एक उच्चस्तरीय गोलमेच बैठकको सह–अध्यक्षता गर्नुका साथै अन्य विविध कार्यक्रममा पनि सम्बोधन गर्ने कार्यक्रम रहेको मन्त्रालयले जनाएको छ ।

उक्त अवसरमा प्रधानमन्त्री ओलीले विभिन्न देशका प्रतिनिधिमण्डल प्रमुखसँग र संयुक्त राष्ट्रसङ्घ तथा अन्य अन्तरराष्ट्रिय संस्थाका उच्चपदस्थ पदाधिकारीसँग भेटवार्ता गर्ने कार्यक्रम रहेको छ । उनको भ्रमण टोलीमा श्रीमती राधिका शाक्य, प्रमुख सल्लाहकार विष्णुप्रसाद रिमाल, सङ्घीय संसद्का सदस्य सूर्यबहादुर थापा क्षेत्री र उच्चपदस्थ सरकारी अधिकारीहरूसमेत सहभागी हुनेछन् । प्रधानमन्त्री ओली साउन २३ गते स्वदेश फर्किने कार्यक्रम रहेको छ ।

थप समाचारहरु

संसदको दुवै सदनको बैठक आज सुमना श्रेष्ठले दिइन् स्वपाको सहमहामन्त्री पदबाट राजीनामा बिजुलीबजारमा राप्रपले प्रदर्शन गर्दै मन्त्रिपरिषद् बैठक बस्दै गृहमन्त्रीको बर्खास्तीको माग गर्दै सर्वोच्च अदालतमा रिट-दर्ता हुन भने बाँकी प्रतिपक्षी दलहरूको अवरोधका कारण प्रतिनिधिसभाको बैठक भोलिसम्मका लागि स्थगित एमालेभित्रै भ्रम फिजाउनेहरु तत्त्वहरू सक्रिय छन् – ओली प्रतिनिधी सभाको बैठक अबरोध हटाई सुचारु गर्ने  बिषयमा कांग्रेस र रास्वपाबिच छलफल प्रतिनिधिसभाको बैठक आज अपराह्न १बजे बस्ने पाँचबुँदे प्रस्तावमा सत्तापक्षको धारणा माग्ने विपक्षी दलको निर्णय प्रतिनिधिसभा बैठक सोमबारसम्मका लागि स्थगित राष्ट्रियसभामा इरान–इजरायल युद्धबाट प्रभावित नेपालीको अवस्थाबारे जानकारी मागियो पहिले बहस गरेका वरिष्ठ अधिवक्ता पन्तले नेपाललाई पुर्पक्षका लागि थुनामा पठाउन गरे माग माधव कुमार नेपाललाई ३५ लाख धरौटीमा छाड्ने आदेश सत्तारुढ नेपाली कांग्रेसको केन्द्रीय समितिको बैठक आजबाट सुरु हुँदै ‘कुलिङ पिरियड’ मा भएको छेडखानी प्रकरणमा निलम्बन र राजीनामाको माग चर्कियो संवैधानिक परिषद्सम्बन्धी विधेयकमा राष्ट्रियसभाको संशोधन प्रतिनिधिसभाबाट स्वीकृत भारतीय प्रधानमन्त्री मोदीको सन्देश बोकेर आज विदेश सचिव मिस्री नेपाल आउँदै