प्रभावकारी बन्दै सुत्केरी तथा गर्भवती पोषण प्याकेज कार्यक्रम

सिरहा । पछिल्लो तीन वर्षदेखि लहान नगरपालिकाले सञ्चालन गर्दै आएको ‘सुत्केरी तथा गर्भवती पोषण प्याकेज कार्यक्रम’ यतिबेला प्रभाव बढ्दै गएको छ ।

जिल्लाका नगरपालिकाका २४वटै वडामा ‘रोटेसन’को आधारमा प्रत्येक महिनाको २२ गते गर्भवती तथा सुत्केरीलाई पोषण प्याकेज वितरण गरिँदै आएको छ । आइतबार वडा नं २२ मा आयोजित कार्यक्रममा नगरप्रमुख महेशप्रसाद चौधरीले ४५ जनालाई पोषण प्याकेज हस्तान्तरण गरे । उनका अनुसार यो कार्यक्रम गत स्थानीय तहको निर्वाचनअघि जनतासँग गरिएको प्रतिबद्धता अनुसार सुरु गरिएको हो ।

“सुत्केरी अवस्थामा पोषिलो आहार नपाउँदा बच्चाको पोषणमा गम्भीर असर पर्छ, जुन भविष्यका लागि खतरा हुन्छ । मैले नगरप्रमुखको जिम्मेवारी सम्हालेपछि एउटा स्वस्थ पुस्ता तयार पार्न, आमाहरूको स्वास्थ्य सुधार गर्न र कुपोषणको चक्र तोड्न यो कार्यक्रम सुरु गरेको हुँ,” उनले भने,“अहिले यो कार्यक्रमले जनस्तरमा निकै राम्रो प्रभाव पारेको देखिएको छ, त्यसैले आगामी दिनमा अझ प्रभावकारी बनाउँदै लैजाने योजना छ ।”

नगरपालिकाभित्र उल्लेख्य दलित र विपन्न समुदाय रहेकोले उनीहरूलाई लक्षित गर्दै कार्यक्रम बनाइएको हो । उनका अनुसार कार्यक्रमले हाल जनस्तरमा सकारात्मक प्रभाव पारिरहेको र आगामी दिनमा अझ व्यापक बनाइनेछ । कार्यक्रमको प्रभावबारे बोल्दै वडा नं २२ का वडाध्यक्ष गडुलबहादुर जर्घामगरले पनि यस योजनाले महिलाहरूमा स्वास्थ्य सचेतना बढेको बताए।

“पहिला गर्भवती र सुत्केरीहरू स्वास्थ्य संस्थामा नियमित जाँच गर्न जाँदैनथे,” उनले भने, “अब पोषण प्याकेज पाउने प्रक्रियामा नियमित स्वास्थ्य जाँच अनिवार्य भएकाले उनीहरू स्वास्थ्य संस्थामा आउन थालेका छन्, जसले आमाको पनि स्वास्थ्य सुधार ल्याएको छ ।”

नगरपालिकाको स्वास्थ्य शाखाकी कर्मचारी रीता यादवका अनुसार यो कार्यक्रमले मातृ तथा शिशु स्वास्थ्यमा सकारात्मक असर पारेको छ ।पोषण प्याकेजमा चामल, दाल, नून, तेल, चना, मोटर, सोयाबिनलगायतका खाद्य सामग्री समावेश गरिएको छ । कार्यक्रमबाट लाभान्वित महिलाले आफूहरूले पाएको सहयोगले गर्भावस्था र सुत्केरी अवस्थाको चुनौती पार गर्न सजिलो भएको अनुभव बाँडेका छन् ।

थप समाचारहरु

पञ्चकन्या समूहको रुपन्देहीमा निःशुल्क क्यान्सर स्क्रिनिङ शिविर शुक्लागण्डकीमा स्वास्थ्य मन्त्री पौडेलद्वारा जिपीमा डायलासिस सेवा उद्घाटन स्वास्थ्य बिमा बोर्डको भुक्तानी क्षमता बढाउन अस्थायी जनशक्ति थपिने मधेस, लुम्बिनी र कोशी प्रदेशमा कुष्ठरोगको बढी असर : प्रधानमन्त्री स्वास्थ्य संस्था सञ्चालन मापदण्ड परिमार्जन गर्न समिति गठन अर्घाखाँँची  र सिराहामा  छुट्टा छुट्टै स्वास्थ्य शिविर सम्पन्न गठिया बाथमा हेलचक्राई गर्नुहुन्न जोर्नी बाङ्गिन्छ : डा कल्पना पुडासैनी (भिडियो) आई. एम. ई. लाइफ इन्स्योरेन्स कम्पनीका बीमित, अभिकर्ता तथा कर्मचारीहरुलाई आमा हस्पिटलमा ५०% सम्म छुट दाङमा चार सय शय्याको अस्पताल निर्माण सुरू गरिने चिकित्सा शिक्षा सुधारका लागि नौबुँदे अपिल उपभोक्ता अदालतको निर्णयलाई चुनौती दिँदै चिकित्सक सङ्घ आन्दोलनमा अब जनआन्दोलनका घाइतेको उपचारमा सहज हुने -कार्यविधि स्वीकृत नेपाल मेडिकल कलेजमा दक्ष जनशक्तिको आवश्यकता भरतपुर अस्पतालमा दैनिक झण्डै दर्जन सर्पदंशका बिरामी उपचार गर्न आउने अब मिर्गौलाका बिरामीले ८ लाख ५० हजारसम्मको सहुलियत पाउने एचआइभी परियोजनाको ८ करोड गायब, चञ्चलाले खोजिन् पारदर्शिता कुष्ठरोगीको आशङ्कामा छ वर्ष छाउगोठमा वृद्धावस्थामा हुने एक्लोपन र यसको जटिलता