प्रि ओपन सेसन अपडेटः नेप्से परिसूचक १ अंक घट्यो

ललितपुर - ललितपुर । आज सोमबार अर्थात् साताको दोस्रो कारोबार दिन प्रि ओपन सेसनमा नेप्से परिसूचक १ अंक घटेर बन्द भएको छ।

आइतबार अर्थात् अघिल्लो कारोबार दिन २६.५१ अंक घटेर २६४९.५२ विन्दुमा बन्द भएको नेप्से, सोमबार भने सोही सेसनमा १.१८ अंक घटेर २६४८.३४ विन्दुमा झरेको छ। सो सेसनमा सेन्सेटिभ इण्डेक्स भने ०.०९ अंक बढेको छ।

सोमबार प्रि ओपन सेसनमा ५० स्टकको ९१ पटकको कारोबारमा ६८ लाख ४२ हजार ९६४ रुपैयाँ ७० पैसाबराबरको १७ हजार ९६९ कित्ता शेयर खरिदबिक्री भएको छ। जसमध्ये १६ स्टकको मूल्य बढेको छ भने २९ स्टकको मूल्य घटेको छ। बाँकी ५ स्टकको मूल्य भने सो सेसनमा स्थिर रहेको छ।