फरार कैदीबन्दीलाई सम्पर्कमा आउन अपिल

ललितपुर । नक्खु कारागार प्रशासनले यही भदौ २४ गते कारागार परिसरबाट फरार भएका सम्पूर्ण कैदीबन्दीलाई तुरुन्त सम्पर्कमा आउन अपिल गरेको छ । फरार कैदीबन्दीलाई अविलम्ब उपस्थित भई प्रचलित कानुनी प्रक्रिया तथा विधिको पूर्ण परिपालना गर्न अपिल गरिएको छ ।

कारागार प्रशासनले आज जारी गरेको सार्वजनिक अपिलमा फरार अवस्थाको निरन्तरता रहँदा कानुनले तोकेको सजाय थप कडाइका साथ कार्यान्वयन गरिने चेतावनी दिँदै भविष्यमा प्राप्त हुन सक्ने कानुनी अधिकार, सुविधा तथा सामाजिक पुनःस्थापना प्रक्रियामा प्रतिकूल असर पर्न सक्ने उल्लेख गरेको छ । 

“विधि, कानुन र सामाजिक उत्तरदायित्वप्रति सम्मान प्रकट गर्दै तुरुन्तै यस कारागार प्रशासनसँग सम्पर्क स्थापना गरी आत्मसमर्पण गर्न र सार्वजनिक शान्ति तथा सुव्यवस्था कायम गर्न सक्रिय सहयोग पु¥याउन सम्पूर्ण फरार कैदीबन्दीलाई यसै सूचनामार्फत औपचारिक रूपमा अपिल गरिन्छ,” विज्ञप्तिमा भनिएको छ ।

प्रशासनले सम्पर्कमा आउने कैदीबन्दीको हकहितको रक्षा गर्दै कानुनी प्रावधानअनुसार पुनःस्थापना प्रक्रियामा आवश्यक सहयोग र सहजीकरण उपलब्ध गराउने प्रतिबद्धता जनाएको छ ।

यसैबीच, सम्पर्क हुन नआएका कैदीबन्दीमाथि कारागार ऐन २०७९ र अन्य प्रचलित कानुनबमोजिम कारबाही अघि बढाइने जनाइएको छ ।

थप समाचारहरु

पर्यटनमा ११ अर्ब ९१ करोड बजेट उपन्यासकार डा.डीआर उपाध्यायको नयाँ गीत ‘दुई दिनको चोला’ सार्वजनिक एन आई सी एशिया बैंकले ल्यायो कर्जा ग्राहकहरुलाई छुट योजना ग्लोबल आइएमई बैंकको “डिजिटल युनिभर्स” सञ्चालनमा बेनी–पाखापानी सडक स्तरोन्नति सुरु आन्तरिक राजश्व विभागले बढायो राजश्व संकलन, ११.३० प्रतिशतको वृद्धि एसईईको नतिजा सार्वजनिक,४७.८६ प्रतिशतमात्रै उत्तीर्ण प्रभु बैँकका ग्राहकलाई होटल हिमालयको सेवामा विशेष छुट चौथो न्युबिज बिजनेस वुमन समिट एन्ड अवार्डस् सम्पन्न बन्दिपुरहिलमा “शिव महिम्नाहा उत्सव” हुदै पर्यटकीय स्थल माइपोखरी काठमाडौँ जिल्ला अदालत : मुद्दा फर्छ्योट दरमा सुधार मन्त्रिपरिषद् बैठकले गरेका १४ निर्णय (सूचीसहित) राष्ट्रिय स्वाभिमान र समृद्धिका लागि मूलबासी अधिकार अक्षुण्ण रहनुपर्छ, परिवर्तनको रथलाई पछाडि धकेल्न सकिन्न : महर अमेरिकाले फर्कायो थप ५० नेपाली, ४ बजे काठमाडौँ आइपुग्दै बेलिब्रिज भाँचिदा ६ कामदार घाइते, चारको अवस्था गम्भीर आज एघारौं चुरे संरक्षण दिवस मनाईंदै, राष्ट्रपति रामचन्द्र पौडेलको समुपस्थितिमा कार्यक्रमको आयोजना वर्षाले राजधानी जोड्ने विभिन्न स्थानका सडक अवरुद्ध