बकर इदले आपसी भाइचारा र समानताको सन्देश प्रवाह गर्न मद्दत पुग्छ : राष्ट्रपति पौडेल

ललितपुर राष्ट्रपति रामचन्द्र पौडेलले इद उल अज्हा (बकर इद)ले आपसी विविधताबीचको एकताले नै राष्ट्रिय भावनालाई प्रगाढ बनाउँदै आपसी भाइचारा र समानताको सन्देश प्रवाह गर्न मद्दत गर्ने विश्वास व्यक्त गर्नुभएको छ । मुस्लिम समुदायको महान् पर्व इद दल अज्हा (बकर इद) को पावन अवसरमा आज स्वदेश तथा विदेशमा रहनुभएका सम्पूर्ण नेपाली दिदीबहिनी तथा दाजुभाइहरूमा सुख, शान्ति तथा समृद्धिको लागि हार्दिक शुभकामना व्यक्त गर्दै सो विश्वास व्यक्त गर्नुभएको हो । मुस्लिम समुदायबाट यस पर्वको अवसरमा आपसी रिस, राग र द्वेषलाई बिर्सेर एक आपसमा खुसी, सद्भाव तथा शुभकामना आदानप्रदान गर्ने र खुलास्थान, इदगाह वा मस्जिदहरूमा गई इद उल अज्हाको नमाज पढ्नुका साथै अङ्गालोमा बाँधिएर एकापसमा शुभकामना साटासाट गर्दै हर्षोल्लासका साथ यो पर्व मनाउने गरिन्छ ।

उहाँले भन्नुभएको छ, “विश्वास, समर्पण र समाज सेवाको सन्देश बोक्ने यस्ता चाडपर्वले विश्वको विभिन्न स्थानमा छरिएर रहेका नेपालीको धार्मिक तथा सांस्कृतिक विविधताबीच आपसी सद्भाव, सहिष्णुता, मेलमिलाप, एकता, भ्रातृत्व एवं सहअस्तित्वका आधारमा आ–आफ्नो मौलिक संस्कृति र परम्पराको संरक्षण, संवद्र्धन र विकासमा टेवा पुग्ने अपेक्षा गरेको छु ।” उहाँले इद उल अज्हा (बकर इद) को माध्यमबाट सबै नेपालीबीच राष्ट्रिय एकता, सहिष्णुता र सद्भाव कायम गरी समृद्ध र समुन्नत समाज निर्माण गर्न प्रेरणा मिलोस् भनी शुभकामना व्यक्त गर्नुभएको छ ।

थप समाचारहरु

कान्ति लोकपथ जेठ १५ गतेसम्म दिनको तीन घन्टा खुल्ने टर्च बालेर अधिकार खोज्दै शिक्षकहरु फोक्सिङटार पुल पुनःनिर्माणका लागि बजेट सुनिश्चित लालु-लैफु सडक निर्माण अन्तिम चरणमा शिक्षकहरू चढेको रात्रिबस दुर्घटना, १६ जना घाइते कञ्चनपुर–कमला सडक विस्तारः लहानको सहिद स्मारक स्थानान्तरण गरिने स्मार्ट बसपार्क चाँडै सञ्चालनमा आउने हात्तीवनमा भयानक कार दुर्घटना, कारमा सवार तीनजना सख्त घाइते कुलेखानी–कलङ्की–हुमाने सडक आजदेखि १९ दिन बन्द एम्बुलेन्स र स्कुल भ्यान ठोकिँदा एकजनाको मृत्यु, दुई विद्यार्थीसहित ६ घाइते ट्रयाक्टरको ठक्करबाट बालिकाको मृत्यु वर्षाले राजधानी जोड्ने विभिन्न स्थानका सडक अवरुद्ध दव्ल्याङमा पहिरोले कालीगण्डकी करिडोर ठप्प बुटवल–नारायणगढ सडक पूर्णरूपमा अवरुद्ध विपी राजमार्ग एक महिनाका लागि १२ घण्टा बन्द भक्तपुरमा बसले ठक्कर दिँदा एकजनाको मृत्यु रसुवागढी नाका दसैँअघि नै सञ्चालन हुने भटौली खोलामा बाढीः पक्की पुलमा क्षति, सवारी आवगमन बन्द