बङ्गलादेशद्वारा पाकिस्तानलाई सन् १९७१ को नरसंहारबारे माफी माग्न आग्रह

बङ्गलादेशले पाकिस्तानलाई सन् १९७१ को नरसंहारका लागि आधिकारिक माफी माग्न आग्रह गरेको छ ।

बङ्गलादेशका विदेश मामिला सल्लाहकार मोहम्मद तौहिद हुसेनले आइतबार ढाकामा भएको द्विपक्षीय बैठकमा पाकिस्तानका उपप्रधानमन्त्री तथा विदेशमन्त्री इशाक दारसँग यो विषय उठाएका थिए ।

“सन् १९७१ मा पाकिस्तानले गरेको नरसंहारबारे औपचारिक र आधिकारिक माफी माग्नु, सम्पत्तिको विभाजन, सन् १९७० को चक्रवात पीडितका लागि विदेशी सहायता हस्तान्तरण, फसेका पाकिस्तानीहरूको स्वदेश फिर्ती जस्ता लामो समयदेखि बाँकी रहेका ऐतिहासिक विषयहरूलाई समाधान गर्नु बङ्गलादेश–पाकिस्तान सम्बन्धलाई स्थायी र अग्रगामी बनाउन आवश्यक ठोस आधार हो”, बैठकपछि जारी विज्ञप्तिमा बङ्गलादेशको विदेश मन्त्रालयले उल्लेख गरेको छ ।

पाकिस्तानका उपप्रधानमन्त्री तथा विदेशमन्त्री इशाक दार आफ्ना बङ्गलादेशी समकक्षीको निमन्त्रणामा अगस्ट २३ देखि २४ सम्म बङ्गलादेशको दुई दिने आधिकारिक भ्रमणमा हुनुहुन्थ्यो । भ्रमणका क्रममा दिउँसो उहाँले बङ्गलादेशका प्रमुख सल्लाहकार मुहम्मद युनुससँग भेट गर्नुभएको थियो ।

सो अवसरमा बङ्गलादेश र पाकिस्तानबीच एउटा द्विपक्षीय सम्झौता तथा पाँचवटा समझदारीपत्र ९एमओयु० मा हस्ताक्षर गरिएको छ । आइतबार दिउँसो ढाकामा भएको हस्ताक्षर समारोहमा बङ्गलादेशका विदेश मामिला सल्लाहकार मोहम्मद तौहिद हुसेन र पाकिस्तानका विदेशमन्त्री इशाक दार उपस्थित हुनुहुन्थ्यो ।

सम्झौतामा दुवै देशका सरकारी र कूटनीतिक पासपोर्ट वाहकका लागि भिसा छुटको व्यवस्था गरिएको छ । साथै, दुवै देशबीच व्यापारसम्बन्धी संयुक्त कार्य समूहको गठन, सांस्कृतिक आदानप्रदान, विदेश सेवा एकेडेमीबीच सहकार्य, राज्य सञ्चालित समाचार एजेन्सीहरूबीच सहकार्य, बङ्गलादेश इन्स्टिच्युट अफ इन्टरनेसनल एन्ड स्ट्रेटेजिक स्टडिज र पाकिस्तान इन्स्टिच्युट अफ स्ट्रेटेजिक स्टडिज इस्लामाबाद बीच सहकार्य गर्ने विषयमा पनि समझदारीपत्रमा हस्ताक्षर गरिएको छ ।

यसअघि, पाकिस्तानका वाणिज्यमन्त्री जाम कमल खान र बङ्गलादेशका वाणिज्य सल्लाहकार एस.के. बशीर उद्दीनबीच बिहीबार ढाकामा आर्थिक सहयोग, आपसी लगानी प्रवद्र्धन तथा द्विपक्षीय व्यापार सम्बन्ध सुदृढीकरणबारे गहन छलफल भएको थियो ।

थप समाचारहरु

बेकोको उत्कृष्ट प्रोडक्टमा ‘अनबक्स् ह्याप्पिनेस’ नयाँ बर्ष उपहार योजना गूगलले एआई मोडमा नयाँ ‘क्वेरी फ्यान-आउट’ प्रविधि लागू गर्‍यो कश्मीरमा तीनवटा लडाकू विमान दुर्घटना विहारबाट दिल्लीतर्फ गएको बसमा आगलाी : पाँचजनाको घटनास्थलमै मृत्यु, केही घाइते युक्रेन नजिकै रूसी पुल भत्किँदा सात जनाको मृत्यु, दर्जनौँ घाइते साउदी अरबमा साँढे २ लाख हज यात्रीलाई मक्का प्रवेशमा रोक विमानमा सर्प : विषालु भाइपरसहित भारतीय तस्कर पक्राउ मृत्युको पोखरीमा फूलेको केश, दुर्घटनाबाट कसरी बाँचे रमेश ? एयर इन्डिया विमान दुर्घटनामा मृत्यु हुनेको संख्या २६५ पुग्यो इरानमा सैन्य दुस्साहस रोक्न इजरायललाई चीनको आग्रह इजरायली आक्रमणमा इरानी इन्टेलिजेन्स चिफको मृत्यु, युद्ध लम्बिने संकेत बालीमा डुंगा डुब्दा चारजनाको मृत्यु, दर्जनौँ बेपत्ता टिकटक खाताका कारण बुबाद्वारा छोरीको हत्या अमेरिका युनेस्कोबाट बाहिरियो, इजरायलविरुद्ध पक्षपात गरेको आरोप अमेरिकाभित्रै ट्रम्प प्रशासनको तीव्र विरोध : २१ राज्यले ट्रम्प प्रशासनमाथि हाले मुद्दा ट्रम्प–पुटिन–जेलेन्स्की बैठक तय गर्न अमेरिका लागि परेको उपराष्ट्रपति भान्सको भनाइ रुसले पूर्वी युक्रेनका दुई गाउँ नियन्त्रणमा लिएको दाबी इजरायलमा अहिलेसम्मकै ठूलो प्रदर्शन, भीडमाथि इजरायलले गर्यो हवाई आक्रमण