बयानमा नआउने अडान लिएपछि ओली र लेखकलाई उपत्यका बाहिर जान रोक

ललितपुर । तत्कालीन प्रधानमन्त्री केपी शर्मा ओली र तत्कालीन गृहमन्त्री रमेश लेखकलाई विदेश यात्रा गर्न र अनुमतिबिना काठमाडौं उपत्यकाबाहिर जान रोक लगाइएको छ ।

गत भदौ २३ र २४ गतेको घटनाको छानबिनका लागि गठित आयोगलाई असंवैधानिक भन्दै बयान दिन नमानेपछि तत्कालीन प्रधानमन्त्री केपी शर्मा ओली र गृहमन्त्री रमेश लेखकलाई बयानमा उपस्थित गराउन सरकारले उपत्यका बाहिर जाने रोक लगाएर प्रहरी परिचालन गरी पक्राउ गर्ने तयारी गरिरहेको छ ।

जेनजी आन्दोलनका क्रममा घटेका घटना जाँचबुझ गर्न गठित आयोगले नीतिगत निर्णय गर्ने र निर्देशन दिने तहका अधिकारीहरूको बयान लिन थाले पनि ओली र लेखक बयानमा नआउने देखिएपछि आयोगले उनीहरूलाई पक्राउ गरेर बयानमा ल्याउने रणनीति बनाएको हो ।

गत असोज ५ गते गठित जाँचबुझ आयोगको म्याद ३ महिना अर्थात् आगामी पुस ५ गते सकिँदैछ । समिय सकिँनै लाग्दा पनि आयोगले बयानसम्म सकेको छैन । आयोगले फिल्डमा खटिएका र आदेश कार्यान्वयन गर्ने तहमा रहेका सुरक्षाकर्मी तथा प्रशासकको बयान भने लिइसकेको छ ।

आयोगका अनुसार अब तत्कालीन प्रधानमन्त्री ओली, गृहमन्त्री लेखक, गृह सचिव गोकर्णमणि दुवाडी, प्रधानसेनापति अशोकराज सिग्देल र नेपाल प्रहरीका आईजीपी दानबहादुर कार्कीको बयान लिन बाँकी छ ।

अन्तरिम सरकारको नेतृत्वमा बनेको जाँचबुझ आयोग संवैधानिक नहुने भन्दै सार्वजनिक रुपमा बोल्द आएका ओली र लेखकले आफू बयानमा नजाने अडान लिएका छन् । तर, आयोगले भने बयानका लागि पत्र पठाउने तयारी गरिरहेको छ । यदि पत्र काट्दा पनि बयानमा उपस्थित नभए कानुनी प्रक्रियामा जाने आयोगका प्रवक्त विज्ञानराज शर्माले बताएका छन् । उनले भने, “आयोग स्पष्ट छ, बयानका लागि सुरुमा उहाँहरूलाई जानकारी गराउँदै पत्र लेख्छौं, पत्रका आधारमा उहाँहरू बयान दिन आयोगमा आउनुहुन्छ भन्ने विश्वास छ । यदि आउनु भएन भने कानुनी प्रक्रिया सुरु हुन्छ । उहाँहरूलाई कानुनसम्मत रूपमा उपस्थित गराइदिन अनुरोध गर्दै आयोगले सरकारलाई पत्र लेख्छ ।’

गृहमन्त्री ओमप्रकाश अर्यालका अनुसार आयोगले पत्र लेखेमा प्रहरी परिचालन गरेर बयानमा उपस्थित गराउने विषयमा सरकार तयार छ । उनले भने, “आयोगले लिखित आग्रह गरे सरकारले सहयोग गर्छ ।, कानुनी शासन सबैका लागि भएकाले उहाँहरूले मान्नुहुन्छ भन्ने विश्वास छ । नमानेको अवस्थामा सरकारले आवश्यक कानुन कार्यान्वयन गर्छ ।’

थप समाचारहरु

सहज र सरल माध्यमबाट लगानी गर्ने वातावरण बनाउनुपर्छ : देउवा एमाले सचिवालय बैठक सुरु नवनियुक्त ३ मन्त्रीले बिहीबार दिउँसो १ बजे शपथ ग्रहण गर्ने नवनियुक्त तीन मन्त्रीको शपथ आज पनि नहुने आज प्रतिनिधिसभाको बैठक बस्दै काठमाडौँ उपत्यकामा लगाउँदै आएको कर्फ्युले चौथो दिन पनि निरन्तरा पायो, समय भने घटाइयो ट्राफिक प्रहरीलाई उच्च मनोबलका साथ काममा खटिन गृहमन्त्रीको निर्देशन लोडसेडिङ कसैको चमत्कारले अन्त्य भएको होइन: प्रधानमन्त्री संवैधानिक परिषद् विधेयक संसदको कार्यसूचीबाट हट्यो ‘रवीन्द्र मिश्रलाई हिरासतमा राखिरहनु न्यायसङ्गत छैन गणतन्त्र दिवसलाई उत्सवको रूपमा मनाउने एमाले सचिवालय बैठकको निर्णय-अनेरास्ववियुमा ३२ वर्षे उमेर हद आज पनि प्रतिनिधिसभाको बैठक बस्न सकेन- गृहमन्त्रीले राजीनामा दिन आवश्यक नरहेको प्रष्टीकरण संवैधानिक परिषद् विधेयक पारित प्रतिनिधिसभाको बैठक बस्दै प्रधानमन्त्री ओली बालुवाटार छाडेर अज्ञातस्थलतर्फ अज्ञातस्थलबाट प्रचण्डको अपिल: संविधान र संसदीय प्रक्रियाबाट निकास खोजौं अन्तरिम सरकार गठनबारे अबको करिव एक घन्टामा छलफलको निष्कर्ष आउन सक्ने निर्धारित समयमै निर्वाचन सम्पन्न गर्ने भूमिका खेल्न राष्ट्रपतिको आह्वान