बाँसबारीको जग्गा फिर्ता प्रक्रिया : चाँदबागले बुझ्यो २१ दिने म्याद

काठमाडौँ २६ माघ २०८०।

तत्कालीन बाँसबारी छालाजुत्ता उद्योगका नाममा रहेको जग्गा अनधिकृत रूपमा हाल चौधरी समूहमा रहेकामा सो जग्गा फिर्ताको पहल सुरु भएको छ। चाँदबाग रेसिडेन्सी प्रालिबाट नेपाल सरकारका नाममा जग्गा ल्याउन डिल्लीबजार मालपोत कार्यालयले पत्र पठाएको छ।
गृह मन्त्रालय र भूमि व्यवस्था, सहकारी तथा गरिबी निवारण मन्त्रालयको पहलमा चाँदबाग रेसिडेन्सी प्रालिलाई २१ दिने म्यादको पत्र बिहीबार बुझाइएको हो। तत्कालीन च्याम्पियन फुटवेयर प्रालि हाल चाँदबाग रेसिडेन्सी प्रालिको सञ्चालक समितिका अध्यक्ष सञ्जय ठाकुरले पत्र बुझेर भर्पाई गरिदिएका छन्। पत्र पठाउने आधार नेपाल प्रहरीको केन्द्रीय अनुसन्धान ब्युरो (सिआइबी) को अनुसन्धान र पत्राचारलाई बनाइएको छ।
पत्रमा जग्गाधनी च्याम्पियन फुटवेयर प्रालिका नाममा दर्ता कायम रहेको जिल्ला काठमाडौँ नगर–३ सिट नं १०२०९४७–१६ कि.नं. ५८ क्षे.फ. ०४६०७.२० ब.मी. ऐ.ऐ. नाममा दर्ता नगर–३ सिट नं. ९४७–२१ कि.नं. १६ क्षे.फ. ००४८७.०० वर्गमिटर जग्गा फिर्ता गर्ने स्रेस्ता लिएर आउन भनिएको छ।
डिल्लीबजार मालपोत कार्यालयका मालपोत अधिकृत बोगराज शर्मा कट्टेलको हस्ताक्षर रहेको पत्र टोखा नगरपालिका वडा नम्बर ६ का वडाध्यक्ष शान्ता खनाल र सिन्धुपाल्चोक बलेफी गाउँपालिका वडा नम्बर ७ बस्ने विमल भुजेलको रोहबरमा सञ्जय ठाकुरले म्याद २०८० माघ २५ गते बुझिलिएको भनी हस्ताक्षर गरिएको छ। पत्र प्राप्त भएको मितिले बाटोको म्यादबाहेक २१ दिनभित्र आफैँ वा वारेस मुकरर गरी कार्यालय समयभित्र उपस्थित हुन अन्यथा कानुनबमोजिम भई जाने बेहोराको जानकारी पत्रमा गराइएको छ।
सिआइबीले यसै प्रकरणमा चौधरी समूहका अरुण चौधरी, तत्कालीन बाँसबारी छाला जुत्ता कारखानाका कार्यकारी निर्देशक अजित नारायणसिंह थापा र चाँदबाग रेसिडेन्सीका अध्यक्ष सञ्जय ठाकुरलाई पक्राउ गरेको थियो तर काठमाडौँ जिल्ला अदालतको आदेशबाट तीनै जना हाजिरी जमानीमा छुटेका छन् । यो खबर आजको गोरखापत्र दैनिकमा प्रकाशित छ ।

थप समाचारहरु

प्रभु क्यापिटलका ग्राहकले सिद्धार्थ बिजनेश ग्रुपका होटल, रेष्टुरेन्टमा २० प्रतिशतसम्म छुट पाउने स्याङ्जा मालुङ्गामा नेपाल टेलिकमको एफटिटिएच सेवा गरिमा विकास बैंकद्वारा गरिमा सरल एसएमई कर्जा सार्वजनिक चितवनमा यस वर्ष १४० उद्योग बन्द सडक सुरक्षामा कानुनकै अभाव खनिज पदार्थ उत्खननका लागि १५६ खानीलाई अनुमति प्रदान यस्ता छन् मन्त्रिपरिषद बैठकका निर्णय छ वर्षमा थपिए ३५ हजार साना उद्योग जगदुल्ला जलविद्युत् आयोजना : यसरी बदल्नेछ कर्णाली प्रदेशको आर्थिक हैसियत आज ११४औैँ अन्तर्राष्ट्रिय महिला दिवस एनएमबि बैंकको सीईओमा गोविन्द घिमिरे आज वैशाख कृष्ण औँसी : आमाको मुख हेर्ने दिन वर्षासँगैको चट्याङले सङ्खुवासभामा सत्रवटा भैँसी मरे घट्यो सुन–चाँदीको मूल्य, कतिमा हुँदैछ कारोबार ? महानन्दका दुर्लभ पाण्डुलिपिहरूको संरक्षण गर्नुपर्नेमा साहित्यकारहरुको जोड आज विश्व रेडक्रस दिवस : विश्वका विभिन्न देशमा मनाइँदै यस वर्ष कोरियाले नेपालबाट ५ हजार ३०० कामदार लैजाने, २६ गतेबाट आवेदन खुल्ने बिमा प्राधिकरणका अध्यक्ष पदमुक्त – मन्त्रिपरिषद्का अन्य निर्णय यस्ता