बिपी राजमार्गमा राति सवारीसाधन गुडाउन रोक

काभ्रेपलाञ्चोक बिपी राजमार्गमा यही भदौ १६ गतेदेखि थप १५ दिन सवारीसाधन गुडाउन रोक लगाइएको छ । जोखिमका कारण गत असार ७ गतेदेखि राति सवारीसाधन सञ्चालनमा रोक लगाइँदै आएकामा भदौ मसान्तसम्म राति १२ घण्टा सो कार्यमा रोक लगाइएको हो । जिल्ला सुरक्षा समितिको आज सम्पन्न बैठकले उक्त राजमार्गमा प्रत्येक दिन साँझ ५ बनेदेखि बिहान ५ बजेसम्म यात्रुवाहक तथा निजी सवारीसाधन सञ्चालनमा रोक लगाउने निर्णय गरेको सहायक प्रमुख जिल्ला अधिकारी सुदर्शन श्रेष्ठले जानकारी दिनुभयो । कार्यालयले सो राजमार्गअन्तर्गत जिल्लाको काभ्रेभञ्ज्याङदेखि सिन्धुली–सीमा नेपालथोकसम्म थप १५ दिन रोक लगाउने निर्णय गरेको हो ।

कार्यालयले उक्त निर्णय गर्दै सूचनामार्फत मनसुन सक्रिय रहेको अवस्थामा बिपी राजमार्गमा बाढीपहिरोको सम्भावित जोखिम रहेकाले विपद्जन्य घटना हुनसक्ने भएकाले जोखिम न्यूनीकरणका लागि राजमार्गको उल्लिखित क्षेत्रमा सवारी सञ्चालनमा रोक लगाइएकाले सतर्कता अपनाउन सार्वजनिक अपिलसमेत गरेको छ । काभ्रेभञ्ज्याङदेखि सिन्धुलीको खुर्कोट खण्डका विभिन्न स्थानमा जोखिम भएकाले यातायात सञ्चालनमा रोक लगाइएको हो । यस्तै काठमाडौँबाट जाने सवारीसाधनलाई काभ्रेभञ्ज्याङ र काठमाडाँैतर्फ आउनेलाई सिन्धुलीको सिमाना नेपालथोकमै रोकिने छ । गत साल असोजको बाढीपहिरोले बिपी राजमार्गअन्तर्गत काभ्रेपलाञ्चोकको चौकीडाँडादेखि सिन्धुलीको वर्षेखोलासम्मको आठ किलोमिटर सडकखण्डमा सडक नै बगाएका कारण खोलामा कतै एकतर्फ, कतै दुईतर्फी यातायात सञ्चालन हुनेगरी अस्थायी सडक सञ्चालनमा ल्याइएको छ । बाढीपहिरोले राजमार्गको कुल १६० किलो मिटरमध्ये तेस्रो खण्डअन्तर्गत सिन्धुलीको खुर्कोटदेखि नेपालथोकसम्म ३४ किमी र चौथोखण्ड नेपालथोकदेखि काभ्रेपलाञ्चोकको धुलिखेलसम्म ५० किमी गरी ८४ किमी सडकको विभिन्न स्थानमा बढी क्षति पु¥याएको थियो । कार्यालयले क्षतिग्रस्त राजमार्ग स्थायी निर्माणका लागि चार खण्डमा ठेक्का प्रक्रिया अघि बढाएको छ ।

थप समाचारहरु

डाइभर्सन मर्मतपछि कान्तिलोकपथ सञ्चालनमा देशका पाँच मुख्य राजमार्ग अवरुद्ध  सात ठाउँको अवरुद्ध सडक खुलाइयो, तीन ठाउँ अझै बाँकी सिद्धबाबा सुरुङमार्गमा ‘इन्भर्ट’ निर्माणको काम सकियो बेँसीसहर-चामे सडकमा राति सवारी सञ्चालनमा रोक सिद्धबाबा सुरुङमार्गः भौतिक प्रगति ५७ प्रतिशत रसुवागढी नाका दसैँअघि नै सञ्चालन हुने मध्यपहाडी लोकमार्गको सिन्धुली खण्ड अवरुद्ध भटौली खोलामा बाढीः पक्की पुलमा क्षति, सवारी आवगमन बन्द बाढीपहिरोका कारण गुल्मीका तीनवटा मुख्य सडकहरु अवरुद्ध बिचौलियाका कारण गभर्नर नियुक्तिमा ढिलाई : प्रचण्ड पहिरोले कालीगण्डकी कोरिडोर अवरुद्ध सहमति पश्चात पनि चलेनन् सार्वजनिक यातायात, बन्दको मारमा सर्वसाधारण बेपत्ता भएका प्रहरी सहायक निरीक्षकको शव चितवनमा भेटियो कोशी,वाग्मती, लुम्बिनी र सुदूरपश्चिममा भारी वर्षा हुने पूर्वानुमान कामपाको आगामी आवको बजेट सीमा २५ अर्ब ११ करोड बैतडीमा दुर्घटना हुँदा दुई जनाको मृत्यु भक्तपुरमा बसले ठक्कर दिँदा एकजनाको मृत्यु