भृकुटीमण्डप र शान्तिवाटिका क्षेत्रको सवारी डाइभर्ट

काठमाडौं । आज गणतन्त्र स्थापनाको १८ औं वर्ष पुरा भएको दिन । यस अवसरमा राजधानी लगायत देशका विभिन्न स्थानमा विभिन्न कार्यक्रम गरी मनाइँदैछ ।

राजधानी काठमाडौंमा भने गणतन्त्र दिवसको दिन नेकपा एमाले र राजावादीहरुले गर्ने छुट्टाछुट्टै प्रदर्शनको क्रममा सवारी आवागमनको व्यवस्था मिलाउन ट्राफिक प्रहरीलाई हम्मेहम्मे परेको छ । आज उपत्यकामा झण्डै ८ सयको हाराहारीमा ट्राफिक प्रहरी परिचालन गरिएको छ ।

एकातिर नेकपा एमालेलाई गणतन्त्र दिवसको उत्सव मनाउन भ्याइनभ्याइ छ भने अर्कोतिर राजावादीहरुलाई गणतन्त्र खारेज गरी राजसंस्था पुनर्स्थापनाको चटारो देखिन्छ । काठमाडौंको शान्तिबाटिकामा नेकपा एमालेले ११ बजेदेखि करिब साढे २ बजेसम्म र राजावादीहरुले त्यसलगत्तै प्रदर्शन गर्ने तयारी गरेका छन् ।

एमालेको साँस्कृतिक झाँकीसहितको प्रदर्शन भृकुटीमण्डपबाट सुरु भई शहीदगेट, बीर अस्पताल, रत्नपार्क हुँदै पुनः भृकुटीमण्डप आएर सम्पन्न हुने तालिका छ भने राप्रपा, राप्रपा नेपाल सहित राजावादी दल र संस्थाहरुले रत्नपार्क–शान्तिबाटीका क्षेत्रमा प्रदर्शन गर्दैछन् ।

यसलाई मध्यनजर राख्दै रत्नपार्क–शान्तिबाटिका र भृकुटीमण्डप, पुतलीसडक आसपासका क्षेत्रहरुमा हुने सवारी आवागमनलाई सहज बनाउनका लागि उल्लेख्य संख्यामा ट्राफिक प्रहरी परिचालन गरिएको छ । त्यसैले दुवै पक्षको प्रदर्शनलाई लक्षित गरी पर्याप्त सुरक्षा प्रबन्ध मिलाइएको र कार्यक्रम स्थलतर्फ सवारी प्रवेश गर्न नदिई डाइभर्सन गर्ने व्यवस्था मिलाइएको काठमाडौंका सहायक प्रमुख जिल्ला अधिकारी अशोक कुमार भण्डारीले जानकारी दिए ।
उनका अनुसार कुनै अप्रिय घटना नहोस् र निषेधित क्षेत्रमा प्रवेश नहोस् भनेर त्यसै अनुसारको सुरक्षा योजना बनाएर सुरक्षा जनशक्ति परिचालन गरिएको छ ।

गणतन्त्र पक्षधर र विरोधीहरुको प्रदर्शन स्थल र प्रदर्शन समय अलग अलग भए पनि काठमाडौं उपत्यकाको यातायात आवागमनमा केही प्रभाव परेको छ । त्यसैले सवारी आवागमनको प्रबन्ध मिलाउन तत्कालका लागि ७८३ जना ट्राफिक प्रहरीहरु खटाइएको काठमाडौं उपत्यका ट्राफिक प्रहरी कार्यालयले जनाएको छ ।

थप समाचारहरु

नेपाल–भारत विद्युत् व्यापारमा फड्को : तीन प्रसारण लाइन एकैपटक सञ्चालन ग्लोबल आइएमई बैंकको २ नयाँ शाखा सञ्चालनमा चलिरहेछन् बिस वर्ष पुराना गाडी हिमालयन रिन्स्योरेन्सले भारतबाट पुनर्बीमा व्यवसाय गर्न पाउने राष्ट्रिय वाणिज्य बैंकको ५९ औं वार्षिकोत्सव कार्यक्रम सम्पन्न नेपालको आर्थिक वृद्धि ५ प्रतिशत रहने महालक्ष्मी बैंकको सीईओमा दिपेश लम्साल नियुक्त ट्रम्प प्रशासनलाई शरणार्थी स्वीकार्न न्यायाधीशको आदेश प्रदर्शनमा उत्रिए लघुबित्त पीडितहरु रौतहटमा हात्ती आतंक, भत्कायो बस्तीका दर्जनौ घर गलकोटमा एकैपटक दुई स्वास्थ्य चौकी निर्माण समूह विजेताको लक्ष्य बोकेर आज नेपाल र भारतबीच भिडन्त बैंकिङ प्रणालीमा अधिक तरलता कायमै, बजारबाट ३५ अर्ब तान्दै राष्ट्र बैंक रसुवा जिल्लाको उच्च हिमाली क्षेत्रमा टेलिकमको फोरजी मोबाइल सेवा विस्तार शुक्रबारदेखि डुकाउ फिस टनेल एक्सपो एवं साँस्कृति ब्यापार महोत्सव २०८२ हुने एयर क्यानडाका उडान सहायकहरूको हडतालले सम्पूर्ण सेवा ठप्प, यात्रुहरू प्रभावित भारतका विदेश सचिव मिस्री स्वदेश फिर्ता शिक्षक महासंघले गर्यो आन्दोलनका कार्यक्रम सार्वजनिक