मधेश प्रदेशका आठ जिल्लाको खानेपानी समाधानका लागि साझा जिम्मेवारी आवश्यक छ : मन्त्री यादव

पर्सा । खानेपानीमन्त्री प्रदीप यादवले मधेश प्रदेशका आठ जिल्लाको खानेपानी सङ्कट समस्या समाधानका लागि सबै क्षेत्रको हातेमालोसँगै साझा जिम्मेवारीको आवश्यकता रहेको बताएका छन् ।

आज पर्सा स्थित ठोरी गाउँपालिका–४ मा निर्माण सम्पन्न भएको “निर्मल बस्ती खानेपानी आयोजना” उद्घाटन कार्यक्रमलाई सम्बोधन गर्दै मन्त्री यादवले तराई–मधेशका जिल्लाहरू हाल इतिहासकै एक गम्भीर जलसङ्कटको सामना गरिरहेका बताए।

“तराई–मधेशका जिल्लाहरूमा खानेपानीको गम्भीर सङ्कट उत्पन्न भएको छ । अब सहानुभूति हैन, साझा जिम्मेवारी आवश्यक छ,” उनले भने, “खानेपानी सङ्कट मधेश प्रदेशको मात्रै समस्या हैन, यो हाम्रो साझा चुनौती हो । सङ्कट समाधानका लागि सबैले हातेमालो गर्ने बेला आएको छ ।”

त्यसैगरी मन्त्री यादवले तराई–मधेशमा विकराल समयमा पनि आफु सहित सिङ्गो मन्त्रालय नागरिकका मौलिक अधिकारका रूपमा स्वच्छ र सुरक्षित खानेपानी सुनिश्चित गर्न अहोरात्र खटिएको जानकारी गराए।

“विपद्को यस घडिमा हामी नागरिकलाई स्वच्छ र सुरक्षित खानेपानी सुनिश्चित गर्न खटिएका छौँ । यहाँको खानेपानी समस्या चाडै समाधान गरिने म आम नागरिकहरुमा बिश्वास दिलाउन चाहन्छु,” उनले भने ।

मन्त्री यादवले आफुले नेतृत्व गरेको खानेपानी मन्त्रालयको विशेष पहलमा नेपाल सरकारको मन्त्रिपरिषद्बाट मधेश प्रदेशका आठ जिल्लालाई तीन महिनाका लागि विपद् सङ्कटग्रस्त क्षेत्र घोषणा गरिएको बताए।

उनले भने, “यो सङ्कटलाई केवल सहानुभूतिका रूपमा होइन, साझा जिम्मेवारीका रूपमा हेर्ने र समाधानका लागि हातेमालो गर्ने बेला आएको छ । दातृ निकाय, संघसंस्था र नागरिक समाजलाई आवश्यक सहयोग गर्न म हार्दिक आग्रह गर्दछु ।”

मन्त्री यादवले ठोरी गाउँपालिका–४ मा निर्माण सम्पन्न भएको निर्मल बस्ती खानेपानी आयोजना ठोरी क्षेत्रको दीर्घकालीन खानेपानीको सङ्कट अन्त्यको लागि मन्त्रालयले दिगो र रणनीतिक समाधानतर्फ गरेको प्रयासको प्रतिबद्धताको मुल प्रतिविम्ब भएको दाबी गरे ।

उनले भने, “यो आयोजना केवल पाइपलाइन, पम्प हाउस वा ट्याङ्कीको संरचना निर्माण मात्रै होइन, नागरिकलाई नियमित, सुरक्षित र भरपर्दो खानेपानी आपूर्ति गर्ने आयोजना हो ।”

यस आयोजना मार्फत ठोरीका कम्तिमा पनि दुई हजार १६५ जनसङ्ख्या प्रत्यक्ष रूपमा लाभान्वित हुने खानेपानी तथा ढल व्यवस्थापन विभागका महानिर्देशक ईञ्जिनियर रामकुमार श्रेष्ठले जानकारी दिए।

उनका अनुसार ओभरहेड ट्याङ्की, डीप ट्युबवेल, कार्यालय भवन, पम्प हाउस र पानी प्रशोधन केन्द्र ९ट्रीटमेन्ट प्लान्ट० लगायतका संरचना निर्माण गरिएकाले यहाँका नागरिकलाई सुरक्षित र स्वच्छ खानेपानी आपूर्ति गर्ने अपेक्षा गरिएको छ ।

आजको उक्त कार्यक्रममा ठोरी गाउँपालिका अध्यक्ष लालबहादुर श्रेष्ठ, उपाध्यक्ष गोकुलीकुमारी रेग्मी, जिल्ला भूमी आयोग पर्साका अध्यक्ष तवेरेजअहमद, आयोजना प्रमुख विपुलकुमार लाल दास, निर्माण व्यवसायी लगायतको सहभागीता रहेको थियो ।

थप समाचारहरु

राष्ट्रिय झण्डामा आन्दोलन आवश्यक : राप्रपा विद्या भट्टराईको राजीनामाप्रति एमाले दुई खेमामा भन्सार विधेयक पारित कोशी प्रदेशमा तीनदिनसम्म गणतन्त्र दिवस मनाइने साउदीमा बन्धक बनाइएका नेपालीको तत्काल उद्धार गरौं : ज्ञानबहादुर शाही कांग्रेसका महामन्त्री थापाद्वारा अदालतको अवहेलना मुद्दामा सर्वोच्च अदालतमा लिखित जवाफ पेस गृहमन्त्री लेखक र संस्कृतिमन्त्री पाण्डेलाई तत्काल बर्खास्त गर्न माग गर्दै बजगाईंले सभापतिलाई लेखे प्रश्न सत्तापक्ष र विपक्षी दलले अडान नछाडेपछि सदन सञ्चालनबारे प्रमुख सचेतकसँगको छलफल निष्कर्षविहीन मिश्र र राणाविरुद्ध पक्राउ पुर्जी जारी हुने अहिलेको आवश्यकता आधारमा सत्तापक्षसँग सहमति -प्रचण्ड धवलशमशेर राणालाई ३ लाख रुपैयाँ धरौटीमा छाड्न आदेश ‘कुलिङ पिरियड’ मा भएको बदमासीको छानबिन समितिका लागि सदस्यको नामावली माग एमाले सचिवालय बैठक सुरु एमाले केन्द्रीय कमिटी बैठक सुरु नवनियुक्त ३ मन्त्रीले बिहीबार दिउँसो १ बजे शपथ ग्रहण गर्ने शिर्षस्थ नेताहरू बालुवाटारमा, मन्त्रिपरिषद हेरफेर बारे छलफल हुँदै अर्थ मन्त्रालयद्वारा बजेट कार्यान्वयनसम्बन्धी छलफल सुरु सोमबारको मन्त्रिपरिषद् बैठकले गर्यो १८ निर्णय : एआई नीति स्वीकृत