मन्त्रिपरिषद्का निर्णय सार्वजनिक

ललितपुर । सरकारले नेपाल स्वास्थ्य सेवाको अधिकृत बाह्रौँ तह, अतिरिक्त स्वास्थ्य सचिव पदमा डा केशरबहादुर ढकाल र डा श्रीकृष्ण श्रेष्ठलाई बढुवा गर्ने निर्णय गरेको छ । मन्त्रिपरिषद्को जेठ २६ गतेको बैठकले नेपाली सेनाका एकजना महासेनानीको सरूवा गर्ने, एकजना सहायक रथीको राजीनामा स्वीकृत गर्ने तथा चारजना प्रमुख सेनानीहरूको महासेनानी दर्जामा बढुवा गरी पदस्थापन गर्ने र एकजना रथीको वैदेशिक भ्रमण स्वीकृत गर्ने निर्णय गरेको सञ्चार तथा सूचना प्रविधिमन्त्री पृथ्वीसुब्बा गुरुङले पत्रकार सम्मेलनमार्फत सजानकारी दिएका छन् ।

यसैगरी सरकारले नेपाल गुणस्तर (प्रमाण चिह्न) (तेस्रो संशोधन) नियमावली, २०८२ स्वीकृत गरेको छ । कैलालीको लम्कीचुहा अस्पताललाई १५ श्ययाबाट ५० शय्यामा स्तरोन्नति गरी प्रदेश सरकारले सञ्चालन गर्ने गरी हस्तान्तरण गर्न स्वीकृति प्रदान गर्ने निर्णय पनि भएको छ ।
सरकारले २०८२ जेठ ३१ गतेदेखि असार ६ गतेसम्म इजरायलमा आयोजना हुने ‘मुनि वल्र्ड एक्स्पो–२०२५’ मा राष्ट्रिय योजना आयोगका सदस्य डा जयबहादुर टण्डनलाई सहभागी हुन स्वीकृति प्रदान गर्ने निर्णय गरेको छ । यस्तै आगामी असार १० देखि १२ सम्म चीनको बेइजिङमा आयोजना हुने एसियाली पूर्वाधार लगानी बैंकको बोर्ड अफ गभर्नर्सको वार्षिक बैठकमा उपप्रधानमन्त्री एवं अर्थमन्त्री विष्णुप्रसाद पौडेललाई सहभागी हुन स्वीकृति प्रदान गर्ने निर्णय गरेको छ ।

त्यसैगरी आगामी असार २ गतेदेखि ६ गतेसम्म ल्हासामा आयोजना हुने नेपाल–चीनको सिजाङ (तिब्बत) व्यापार सहजीकरण समितिको १३ औं बैठकको छलफलको एजेण्डा स्वीकृत गर्ने र उल्लिखित बैठकमा सहभागी हुन उद्योग, वाणिज्य तथा आपूर्ति मन्त्रालयका सहसचिवको संयोजकत्वमा वार्ता टोली गठन गर्ने मन्त्रिपरिषद्ले निर्णय गरेको मन्त्री गुरुङले जानकारी दिए ।

त्यसैगरी निर्माण व्यवसायसम्बन्धी कानुन संशोधन र एकीकरण गर्न बनेको विधेयक तर्जुमाका लागि सिद्धान्त स्वीकृत गर्ने, मन्त्रिपरिषद्कै निर्णयमा प्राचीन स्मारक संरक्षणसम्बन्धी विधेयक तर्जुमाको लागि सिद्धान्त स्वीकृत गर्ने, शान्तिनगर गाउँपालिका दाङको केन्द्र वडा नं ४ चिराघाटबाट परिवर्तन गरी वडा नं ४ जुम्लेकुला कायम गर्ने, महालक्ष्मी नगरपालिका ललितपुरको केन्द्र वडा नं ४ कमलपोखरीबाट परिवर्तन गरी वडा नं ८ लुभु देवीस्थान कायम गर्ने उल्लेख छ ।

थप समाचारहरु

लुम्बिनी र कर्णाली प्रदेशमा हावाहुरी र चट्याङको असर, बाँकेमा विद्युत् आपूर्ति अवरुद्ध संसद्मा वैकल्पिक वित्त कोष स्थापना गर्ने विधेयक दर्ता माओवादी सांसदद्वारा प्रधानमन्त्रीको आलोचना कानुन र नीतिगत सुधारलाई प्राथमिकता : गृहमन्त्री लेखक संवैधानिक निकायका ५२ पदाधिकारीविरुद्धको रिटमाथिको फैसला २८ गते डा. विश्व पौडेल गभर्नर नियुक्तिका लागि अयोग्य भनी परेको रिट दरपीठ आदेश सदर रास्वपामा नयाँ संसदीय दलकाे नेता बनाउन पार्टी निकट अधिवक्ता यज्ञमणिको सुझाव भ्रष्टाचार अन्त्य गर्न सरकार निर्मम हुन जरुरी छ : कोइराला नेपालले नेदरल्यान्ड्सलाई १६ रनले हरायो प्रतिनिधिसभा बैठक १ बजे : अबरोध हट्ने नहट्ने अन्योल कायमै धवल पछि रविन्द्र पनि ३ लाख धरौटीमा रिहा देशका पाँच मुख्य राजमार्ग अवरुद्ध  कालीगण्डकी ‘करिडोर’ अवरुद्ध, पहिरो रोकिएन द्वन्द्वरत क्षेत्रमा नेपालीको सुरक्षालाई प्राथमिकतामा राखेर कार्य गरिरहेका छौँ : परराष्ट्रमन्त्री उपलब्ध स्रोतको सीमामा रहेर बजेट विनियोजन गरिएको होः गृहमन्त्री लेखक नेपाल नागरिकता (दोस्रो संशोधन) विधेयक, २०८२ पारित आन्दोलनरत सुनचाँदी व्यवसायी र सरकारबीच अहिले वार्ता हुँदै लघुवित्तको लाभांशसम्बन्धी व्यवस्थामा पुनरावलोकन गरिने