महिला फुटबल प्रतियोगितामा आठ टोली

नेपालगञ्ज   नेपालगञ्जमा हुन लागेको लुम्बिनी कप अन्तरराष्ट्रिय आमन्त्रण महिला फुटबल प्रतियोगितामा नेपालका तीन विभागीय टोली, भारतको सिलगुडी फुटबल क्लबसहित आठ टोलीको सहभागिता रहने भएको छ । नेपालगञ्ज रङ्गशालामा आगामी वैशाख ५ देखि १२ गतेसम्म हुने प्रतियोगितामा आयोजक अन्तरालले आज पत्रकार भेटघाट गर्दै सहभागी टोलीको घोषणा गरेको हो । प्रतियोगितामा आयोजक बाँके–११, सशस्त्र प्रहरी बलको एपिएफ, नेपाल पुलिस क्लब, त्रिभुवन आर्मी क्लब, कर्णाली एफसी, सुदूरपश्चिम एफसी, सिलगुडी फुटबल क्लब, रौतहट जिल्ला फुटबल सङ्घले प्रतिस्पर्धा गर्ने अन्तरालका प्रमुख कार्यकारी जयनारायण शाहले जानकारी दिनुभयो । बाँके जिल्ला फुटबल सङ्घको सहकार्यमा हुन लागेको प्रतियोगिताको विजेता टोलीले रु पाँच लाख पाँच हजार ५५५ र उपविजेताले रु दुई लाख ५० हजार, ट्रफी र मेडल प्राप्त गर्नेछन् ।

हरेक खेलमा उत्कृष्ट खेलाडी र प्रतियोगितामा विधागततर्फ उत्कृष्ट हुनेलाई पुरस्कृत गरिने निर्देशक शाहको भनाइ छ । उहाँले आयोजकले यस प्रतियोगितापछि नियमित फुटबल प्रशिक्षण गराउने तथा रङ्गशालाको भौतिक पूर्वाधार मर्मत र सम्हारमा पनि ध्यान दिइने बताउनुभयो । बाँके जिल्ला फुटबल सङ्घका अध्यक्ष भोजराज शाहीले पश्चिम नेपालमा महिला फुटबल खेलाडी उत्पादनमा लुम्बिनी कप महिला फुटबलले सहयोग गर्ने बताउनुभयो ।

थप समाचारहरु

तेक्वान्दोमा तुलसी गुरुङको कीर्तिमान, बने ९ डान प्राप्त गर्ने पहिलो नेपाली पञ्जाब किंग्सको लगातार दोस्रो जीत जुम्ला–रारा अल्ट्रा म्याराथन वैशाख अन्तिम साता फुटबल लिजेन्ड रोबर्टो कार्लोस बैसाख ६ गतेको एनएसएल क्वालिफायर खेलमा विशेष अतिथिको रूपमा सहभागी हुने फिदिममा कोशी प्रदेशस्तरीय ब्याडमिन्टन प्रतियोगिता हुने ब्राजिलियन फुटबल खेलाडी कार्लोस नेपालमा    हिमालयन एभरेष्ट इन्स्योरेन्सले जित्यो, दोस्रो इन्स्योरेन्स कप फुट्सल टुर्नामेन्टको उपाधि भक्तपुरमा जारी फुल कन्ट्याक्ट किक बक्सिङमा ११ गोल्ड मेडलका लागि १३ गोल्ड मेडलिस्ट भिड्दै गण्डकी कप महिला फुटबल आगामी असारमा आइसिसी विश्वकप लिग–२ : नेपाली टोलीको बिदाइ महिला ट्वान्टी–२० विश्वकप एसिया छनोट : नेपाललाई ११५ रनको लक्ष्य नेपालमा खुला व्यायामशालाको बढ्दो लोकप्रियता : प्रचण्डदेखि सर्वसाधारणसम्मको रोजाइ आज अन्तरराष्ट्रिय खेल दिवस क्रिकेटर दीपेन्द्रले प्रहरीको पदबाट राजीनामा दिए लुम्बिनी लायन्समा भावना घिमिरे सिइओको रूपमा नियुक्त पल्सर स्पोट्र्स अवार्ड भदौको अन्तिम साता पोखरामा नेपाल र भुटानबीचको खेल बराबरीमा सकियो प्रचलित कानुनबमोजिम मात्रै विज्ञापन गर्न बोर्डद्वारा क्यानलाई सचेत