माबिलुङ इनर्जी आइपीओ बिक्री खुला गर्दै

ललितपुर । माबिलुङ्ग इनर्जी लिमिटेडले आईपीओ बिक्री खुल्ला गर्ने भएको छ । इनर्जीले यही असार २२ गतेदेखि आईपीओ निष्काशन गर्ने भएको हो।

यसपटक कम्पनीले आयोजना प्रभावित क्षेत्रका स्थानिय बासिन्दा तथा वैदेशिक रोजगारीमा रहेका नेपालीहरुका लागि आईपीओ निष्काशन गर्न लागेको हो।

कम्पनीले जारी पूँजी ३८ करोड ५८ लाख २४ हजार रुपैयाँको ४८.९९९८ प्रतिशत अर्थात् १८ करोड ९० लाख ५३ हजार रुपैयाँ बराबरको १८ लाख ९० हजार ५३० कित्ता शेयर निष्काशन गर्ने अनुमति पाएको थियो। जसमध्ये ३ करोड ८५ लाख ८२ हजार ४०० रुपैयाँ बराबरको प्रतिशेयर १०० रुपैयाँ दरका ३ लाख ८५ हजार ८२४ कित्ता साधारण शेयर आयोजना प्रभावित क्षेत्रका स्थानिय बासिन्दाहरुका लागि निष्काशन गर्न लागेको हो। सो शेयर खरिदका लागि संखुवासभा जिल्लाको मादि नगरपालिका वडा नं. ७, ८, ९ र चैनपुर नगरपालिका वडा नं. २, ३, ७, ८, ९ मा स्थायी बसोबास गर्ने स्थानिय बासिन्दाहरुले आवेदन दिन सक्नेछन्।

साथै कमपनीले यसपटक सर्वसाधारण लगानीकर्ताहरुका लागि छुट्याइएको १ करोड ५० लाख ४७ हजार १०० रुपैयाँ बराबरको प्रतिशेयर १०० रुपैयाँ अंकित दरका १ लाख ५० हजार ४७१ कित्ता साधारण शेयर नेपाल सरकारको सम्बन्धित निकायबाट श्रम स्वीकृती प्राप्त गरी विदेशमा रोजगार गरी रहेका नेपालीहरुका लागि निष्काशन गर्न लागेको हो।

उक्त आईपीओमा न्यूनतम १० कित्तादेखि अधिकतममा ५० हजार कित्ताका लागि आवेदन दिन सकिनेछ।

त्यसैगरी आयोजना प्रभावित क्षेत्रका स्थानिय बासिन्दाहरुका लागि निष्काशन बन्द छिटोमा साउन ४ गते हुनेछ भने ढिलोमा साउन १९ गते हुनेछ र वैदेशिक रोजगारीमा रहेका नेपालीहरुले भने साउन ४ गतेभित्र आवेदन दिनु पर्नेछ।

कम्पनीको शेयर निष्काशन तथा बिक्री प्रबन्धक लक्ष्मी सनराइज क्यापिटल लिमिटेड रहेको छ। स्थानिय बासिन्दाले ग्लोबल आइएमई बैंक, चैनपुर, हिमालयन बैंक मादि नगरपालिका, लक्ष्मी सनराइज बैंक, खाँदबारी र आयोजनाको पावरहाउस रहेको संखुवासभा जिल्ला, मादि नगरपालिका वडा नं. ७ बाट आवेदन दिन सक्नेछन्। आयोजना प्रभावित क्षेत्रका बासिन्दाहरुले शेयर खरिद आवेदन प्राप्त गर्नका लागि दरखास्त फाराम बापत २ रुपैयाँ शुल्क बुझाउनु पर्नेछ।

वैदेशिक रोजगारीमा रहेका नेपालीहरुले नेपाल धितोपत्र बोर्डबाट स्वीकृति प्राप्त गरेका सम्पूर्ण सि आस्बा सदस्य बैंक तथा वित्तीय संस्थाहरु र तिनका तोकिएका शाखा कार्यालयहरुबाट सि आस्बा प्रणाली मार्फत आवेदन दिन सक्नेछन्।

थप समाचारहरु

बुटवल पावर एफपिओ रद्द गर्दै ४० प्रतिशत हकप्रद सेयर निष्कासनको तयारीमा  सान्भी इनर्जी लिमिटेड आइपीओ निष्काशन गर्दै नेपाल इन्स्योरेन्सलाई हकप्रद शेयर जारी गर्न बोर्डको स्वीकृती सान्भि इनर्जीको आईपीओमा आजदेखि आवेदन खुला ट्रेड टावर कम्पनीको आइपीओ निष्काशन, आजबाट आवेदन सकिने हिमालयन लाइफ इन्स्योरेन्सले गर्यो लाभांश घोषणा ट्रेड टावरको आईपीओमा आवेदन दिने म्याद आज सकिँदै आईपीओ निष्काशन गर्दै हिम स्टार उर्जा कम्पनी छ्याङ्दी हाइड्रोपावरको हकप्रद शेयर निष्काशन नेप्से ११ दशमलव शून्य छ अङ्कले घट्यो हिम स्टार उर्जा कम्पनी आजदेखि आईपीओ निष्काशन गर्दैै नेप्से परिसूचकमा सामान्य सुधार एशियन लाइफ इन्स्योरेन्स हकप्रद शेयर निष्काशन गर्दै दरमखोला हाइड्रो इनर्जीकोे आईपीओ निष्काशन सिटिजन्स सदाबहार योजनाको इकाई खरिदका लागि आवेदन खुला बुंगल हाइड्रो लिमिटेडले पायो आइपीओ निष्काशन गर्न अनुमति स्वस्तिक लघुवित्त वित्तीय संस्थाले आईपीओ निष्काशन गर्दै हिम स्टार उर्जा कम्पनीको आईपीओ निष्काशन