मेला उद्घाटन गर्ने विषयमा विवाद हुँदा झडप, नगरप्रमुखको टाउकोमा १७ वटा टाँका

चन्द्रपुर (रौतहट) रौतहटको देवाहीगोनाही नगरपालिकामा मेला उद्घाटन गर्ने विषयलाई लिएर दोहोरो झडप हुँदा नगरप्रमुख प्रेमलाल साह कानुसहित पाँचजना घाइते भएका छन् । आज दिउँसो देवाहीगोनाही–९ धरहरीटोलस्थित कृष्ण मन्दिरमा लाग्ने श्रीकृष्ण जन्माष्टमी मेलाको उद्घाटनको विषयलाई लिएर दुई पक्षबीच झडप हुँदा नगरप्रमुख कानुसहित पाँचजना घाइते भएका हुन । झडपमा नगरप्रमुख कानु, देवाहीगोनाही–९ का रामविकाश साह, सोहीटोलका श्यामविनय साह, इलाका प्रहरी कार्यालय देवाहीगुनाहीमा कार्यरत प्रहरी वरिष्ठ हबलदारद्धय जगदीशराय यादव र धनसुन्दर ठाकुर घाइते भएका इलाका प्रहरी कार्यालय गरुडाका प्रहरी नायब उपरीक्षक राजन कार्कीले जानकारी दिनुभयो ।

उहाँका अनुसार घाइते नगरप्रमुखको टाउकोमा १७ वटा टाँका लगाएको छ । प्रहरी नायब उपरीक्षक कार्कीले हबलदार यादवको टाउकोमा पाँचवटा र हबलदार ठाकुरको टाउकोमा चार वटा टाँका लगाइएको जानकारी दिनुभयो । उहाँका अनुसार अन्य घाइतेहरूको गरुडास्थित बेटर नेपाल अस्पतालमा उपचार भइरहेको छ । उक्त घटनामा संलग्न रहेको आरोपमा प्रहरीले तीन जनालाई पक्राउ गरेको छ । पक्राउ पर्नेमा देवाहीगोनाही–९ का अन्दाजी ३५–४० वर्षीय राधामोहन साह, अन्दाजी ३५–४० वर्षीय विनोद साह र अन्दाजी २१–२२ वर्षीय रीतिक साहलाई पक्राउ गरिएको उपरीक्षक कार्कीले उल्लेख गर्नुभयो । नगरप्रमुख कानु पक्षले उहाँबाट रिवन काटी मेलाको उद्घाटन गर्ने भनिरहँदा अर्को पक्षले औपचारिक उद्घाटन नगरी मेला सञ्चालन गर्ने भनेपछि विवाद भएको थियो । उक्त विवाद बढेपछि दुवै पक्षबीच झडप भएको उहाँले जानकारी दिनुभयो ।

थप समाचारहरु

दुर्गा प्रसाईसँगै उनका अंगरक्षक दीपक पक्राउ, राज्यविरुद्ध र संगठित अपराधसम्बन्धी कसुरमा अनुसन्धान गरिने द्वन्द्वपीडितलाई न्याय सुनिश्चित हुने विश्वास दिलाउनु आवश्यक छ- मानव अधिकार आयोग रवि र छवि बिरुद्धको मुद्धामा आदेश लेखिदै चक्रपथ र चक्रपथभित्रका धेरै ठाउँमा दुई महिनासम्मका लागि प्रदर्शन गर्न रोक क्रिकेटर दीपेन्द्रले प्रहरीको पदबाट राजीनामा दिए चार वटा संसदीय समितिको बैठक बस्दै यस वर्ष सिरहामा आँप उत्पादनमा कमी आज तीनवटा संसदीय समितिका बैठक बस्दै कांग्रेस बैठक सोमबारसम्म चल्ने कलाकार स्वतन्त्र संसार महर्जनको निधन  पोखरा विमाननस्थलबाट अन्तरराष्ट्रिय उडान विस्तार गर्न निरन्तर छलफलमा छौँः पर्यटनमन्त्री पाण्डे चीनको औद्योगिक उत्पादनमा तीव्र वृद्धि रसुवा बाढी : २८ करोड ९२ लाख बराबरको बिमा दाबी देशभर करिब ७२ प्रतिशत धान रोपाइँ सम्पन्न सामान्य प्रशासन मन्त्रालयमा गुनासो व्यवस्थापन इकाइ स्थापना गरिने आज पाँच संसदीय समितिका बैठक बस्दै देश बनाउन सबैले असल काम गर्नुपर्छः अध्यक्ष बिजुक्छेँ कोशी प्रदेशको पहाडी भागमा भारी वर्षाको पूर्वानुमान