यातायात व्यवस्था कार्यालयद्वारा ८२ करोड बढी राजस्व सङ्कलन

भद्रपुर । यातायात व्यवस्था कार्यालय झापाले चालु आव २०८१/८२ को नौ महिनामा रु ८२ करोड १६ लाख ४८ हजार चार सय दुई राजस्व सङ्कलन गरेको छ । कार्यालयले चैत महिनामा मात्रै १५ करोड ७० लाख ८२ हजार एक सय १६ राजस्व सङ्कलन गरेको हो ।

चालु आवको चैत महिनासम्म सवारी साधनको कर सङ्कलन बापत रु ६९ करोड छ लाख २२ हजार पाँच सय ४२, यातायात क्षेत्रको आम्दानी बापत रु ९६ लाख ६० हजार छ सय ६७, सवारी चालक अनुमतिपत्र सवारी दर्ता किताबसम्बन्धी दस्तुरबापत रु १२ करोड १२ लाख ८९ हजार छ सय ५१ राजस्व सङ्कलन भएको कार्यालय प्रमुख प्रेमप्रसाद सापकोटाले जानकारी दिए ।

चालु आवको नौ महिनामा जिल्लामा नौ हजार नौ सय ५४ नयाँ सवारीसाधन दर्ता भएका कार्यालय प्रमुख सापकोटाले बताए। उनका अनुसार गत आव २०८०/८१ को अन्त्यसम्ममा जिल्लामा दुई लाख छ हजार आठ सय ८४ सवारी साधन दर्ता रहेका थिए ।

कार्यालय प्रमुख सापकोटाका अनुसार चालु आवको नौ महिनामा सबैभन्दा धेरै नयाँ मोटरसाइकल तीन हजार दुई सय ३६ दर्ता भएका छन् । यसैगरी ई–रिक्सा दुई हजार पाँच सय ४९, स्कुटर दुई हजार तीन सय ४५, ई–स्कुटर पाँच सय ७९, कार एक सय ८०, ट्र्याक्टर एक सय ७६, जिप एक सय ६८, बस एक सय आठ, ई–कार ९३, ट्रक ५२, ट्रिपर २०, माइक्रो १९, एम्बुलेन्स चार वटा नयाँ दर्ता भएका छन् ।

थप समाचारहरु

‘हाइब्रिड’ मकैको बीउ पाउन कठिन अन्नपूर्ण क्षेत्रमा पदयात्री पर्यटकको चहलपहल वैदेशिक रोजगारबाट भित्रिने पुँजी र सीपको सदुपयोग गर्ने आधार बनाऔँः अर्थमन्त्री पौडेल नबिल बैंकलाई प्रधानमन्त्रीद्वारा नेपाल उद्योग वाणिज्य महासंघको ५९औँ वार्षिक साधारणसभा कार्यक्रममा सम्मानित उत्पादनमा जोड्न महिलालाई बाख्राका पाठी र बोका वितरण एक वर्षको मुद्दती निक्षेपमा ९७ करोड लगानी गर्दै राष्ट्र बैंक घट्यो सुन–चाँदीको मूल्य, कतिमा हुँदैछ कारोबार ? चौतर्फी दवावपछि आन्दोलनरत शिक्षकका माग सम्बोधन गर्न अर्थमन्त्रालयमा छलफल हुँदै आजका लागि निर्धारित विदेशी मुद्राको विनिमयदर सुनको मूल्यमा सामान्य गिरावट गभर्नर बन्ने पक्का भएपछि भट्टले दिए कार्यकारी निर्देशक पदबाट राजीनामा सुनको मूल्यमा नयाँ रेकर्ड कायम कर नबुझाउने एक सय बाइस करदातामाथि कारबाही    बागमती प्रदेश सरकारको बजेट खर्च ९ महिनामा ३२ प्रतिशत सुन तोलामा ७ हजार ५०० ले सस्तियो यस्तो रह्यो आजका लागि निर्धारित विदेशी मुद्राको विनिमयदर आजका लागि निर्धारित विदेशी मुद्राको विनिमयदर सुनको मूल्यमा सामान्य वृद्धि, चाँदी स्थिर