राष्ट्रपति पौडेलद्वारा एमएमए फाइटर रविन्द्र सम्मानित

ललितपुर । छिमेकी राष्ट्र भारतमा भएको म्याट्रिक्स फाइट नाइट टाइटल विजेता रविन्द्र ढाँटको सम्मानमा राष्ट्रपति भवन शीतल निवासमा भएको स्वागत कार्यक्रममा राष्ट्रपति रामचन्द्र पौडेलले देशलाई विश्वभर चिनाउने खेल क्षेत्रको विकास एवं खेलाडीको सम्मान गर्न सरकारले ध्यान दिनुपर्ने बताएका छन् ।

राष्ट्रपति पौडेलले खेलाडीको भविष्य खेल क्षेत्रमा नै सुरक्षित गर्नेतर्फ सरकारले विशेष ध्यान दिनुपर्ने बताएका छन् ।

राष्ट्रपति पौडेलले भने, ‘देश विदेशका प्रतियोगितामा प्रतिस्पर्धा र प्रशिक्षणको अवसरसँगै आवश्यक सुविधा दिएर खेलाडीको सम्मान गर्न सके मात्रै हाम्रा खेलाडीले कीर्तिमान र सफलता हासिल गर्न सक्दछन् ।’

राष्ट्रपति पौडेलले व्यक्तिको शारीरिक, मानसिक र समग्र व्यक्तित्व विकासमा खेलको महत्व रहेको बताउँदै थपे, ‘खेल क्षेत्रको विकासमा सरकार, खेलसँग सम्बन्धित संस्था र निकायले आगामी दिनमा अझै प्रभावकारी ढङ्गले काम गर्न क्रियाशील हुने विश्वास लिएको छु ।’

राष्ट्रपति पौडेलले बझाङको बाघ भनेर परिचित नेपाली एमएमए फाइटर रविन्द्रले आफ्नो खेल कौशल, सामर्थ्य, शक्ति र खेलप्रतिको अगाध समर्पणले यो उपाधि जित्न सफल हुनु नेपालीको लागि गौरवको विषय भएको बताए । राष्ट्रपति पौडेलले डाँटको सफलताका लागि सहयोग गर्ने सबैलाई धन्यवाद दिए ।

एमएमए फाइटर रविन्द्रले शनिवार भारतका चुङरेङ कोरेनलाई तेस्रो राउन्डमा नकआउट गरेका थिए । व्यावसायिक फाइटमा रविन्द्रको रेकर्ड ८-१ रहेको छ ।

थप समाचारहरु

विश्वकप छनोटमा इङ्ग्ल्यान्डको जित पंजाब किंग्सले गुजरात टाइटन्सलाई ११ रनले पराजित अर्जेन्टिना फिफा विश्वकप २०२६ को लागि छनोट स्पेनिस ला लिगामा बार्सिलोनाको सहज जित आइतबारका लागि आइपिएलमा दुई खेल हुँदै गण्डकीको पुरानो भलिबल एकेडेमी फर्काउने कप्तान अरुणाको योजना नेपालको लगातार दोस्रो जित, कुवेतलाई ६ विकेटले हरायो गोलन्जोरको दोस्रो अध्यक्ष कप फुटबल प्रतियोगितामा वडा नं ७ खुर्कोटको जित थकाली सेवा समितिको आयोजनामा सिड्नीमा तोरनल्ह रनिङ कप भलिबल हुने दोस्रो कोशी प्रदेश गल्फ प्रतियोगिता हुने १५ औं साफ च्याम्पियनसिप २०२५ मा नहुने कफी क्लब च्यारिटी फुटसल शनिबार    आरसी ३२ को प्रतिनिधिको रुपमा पूर्व अध्यक्ष थापाले भाग लिने प्रधानसेनापति राष्ट्रिय टेनिस प्रतियोगिता सुरु कोसी प्रोजेक्ट शो केसको उपाधि एक्मी इन्जिनियरिङलाई राष्ट्रिय क्रिकेट टोलीको कन्सल्ट्यान्टमा पोथस नियुक्त रङ्गशालाको काम नभएपछि १० करोडभन्दा बढी रकम फिर्ता टिसिएलको ग्लोबल ब्रान्ड एम्बेसडरमा ओलम्पिक स्की च्याम्पियन एइलिन गू