राष्ट्रियसभा बैठकः सांसदद्वारा समसामयिक विषयमा सरकारको ध्यानाकर्षण

ललितपुर । राष्ट्रियसभाका सांसदहरुले बाढीपहिरो, महँगी, भ्रष्टाचारलगायत देशको समसामयिक विषयमा सरकारको ध्यानाकर्षण गराएका छन् ।

आजको बैठकको विशेष समयमा नेपाली कांग्रेसका सांसद किरणबाबु श्रेष्ठले पछिल्लो समयमा सञ्चार तथा प्रविधिको विकाससँगै विकृति र विसङ्गति पनि बढ्दै गएकाले त्यसको व्यवस्थापन गर्न सरकारसँग आग्रह गरे ।
राजनीतिक रुपमा व्यवस्था परिवर्तन भए पनि जनताको अवस्थामा परिवर्तन नभएको भन्दै उनले देशको आर्थिक विकाससँगै जनताको अवस्थामा परिवर्तन ल्याउन सबै राजनीतिक दल एकै ठाउँमा उभिनुपर्नेमा जोड दिए ।
नेपाल कम्युनिष्ट पार्टी (माओवादी केन्द्र) का सांसद जगप्रसाद शर्माले भने, “सङ्घीयता भनेको समाजवाद निर्माण गर्ने एउटा बाटो र आधार हो, तर सङ्घीयता विखण्डन होइन, त्यसैले हामीले सङ्घीयतालाई बलियो बनाउनेतर्फ नै ध्यान दिनुपर्छ ।”

नेकपा (एकीकृत समाजवादी) का सांसद राजेन्द्रलक्ष्मी गैरेले पछिल्लो चार महिनामा विपत्बाट एक सय २२ जनाको मृत्यु तथा २२ जना बेपत्ता भएको तथ्याङ्क उल्लेख गर्दै विपत्बारे पूर्वतयारी गर्न सरकारसँग माग गरे ।
नेपाली कांग्रेसका सांसद पदमबहादुर परियारले राजनीतिक परिवर्तनका लागि सङ्घर्ष गरेका राजनीतिक दल र नेतृत्व मुलुकमा कानुनी शासनको पालना गराउन इमान्दार हुनुपर्नेमा जोड दिए ।

नेपाल कम्युनिष्ट पार्टी (माओवादी केन्द्र) का सांसद श्रीकृष्णप्रसाद अधिकारी पहिरोबाट अवरुद्ध भइरहेको अरनिको राजमार्ग सञ्चालनमा ल्याउन ध्यानदिन सरकारसँग आग्रह गर्दै चाडपर्वको मुखमा दैनिक उपभोग्य वस्तुको मूल्य बढ्नसक्ने भन्दै त्यसतर्फ सचेत रहन आग्रह गरे ।

नेपाल कम्युनिष्ट पार्टी (एमाले) का सांसद रुक्मिणी कोइरालाले जनअपेक्षाअनुसारका काम हुन नसकेकामा आम नागरिकमा असन्तुष्टि बढ्दै गएकोतर्फ सरकारको ध्यानाकर्षण गराउँदै प्रदेश र स्थानीय सरकारलाई सक्षम बनाएर सङ्घीयतालाई बलियो बनाउनुपर्ने बताउइन् । 

थप समाचारहरु

स्थानीय निकायमा खरिद प्रक्रिया थाहा नहुँदा समस्या : मुख्यमन्त्री  राष्ट्रिय सुरक्षाका लागि सक्षम जनशक्ति आवश्यक : प्रधानमन्त्री ओली माओवादी सांसदद्वारा प्रधानमन्त्रीको आलोचना कानुन र नीतिगत सुधारलाई प्राथमिकता : गृहमन्त्री लेखक संवैधानिक निकायका ५२ पदाधिकारीविरुद्धको रिटमाथिको फैसला २८ गते रास्वपामा नयाँ संसदीय दलकाे नेता बनाउन पार्टी निकट अधिवक्ता यज्ञमणिको सुझाव प्रतिनिधिसभाको बैठकमा आज चालु आर्थिक वर्षको आर्थिक सर्वेक्षण पेस हुँदै अग्निप्रसाद सापकोटाविरुद्ध अपहरण र हत्या प्रकरणमा अनुसन्धान गर्न प्रहरीलाई बाटो खुल्यो भ्रष्टाचार अन्त्य गर्न सरकार निर्मम हुन जरुरी छ : कोइराला कार्यसूचीमा नै प्रवेश नगरी प्रतिनिधिसभा बैठक भोलि तीन बजेसम्मका लागि स्थगित प्रतिनिधिसभाको बैठक बिहीबार बिहान ११ बजेसम्मका लागि स्थगित हेटौंडा उपमहानगरपालिका वडा नम्बर १ का अध्यक्षमाथि सांघातिक हमला उच्चस्तरीय अध्ययन एवं छानबिन समितिलाई नौ बुँदे कार्यादेश गिरिजाप्रसाद कोइराला क्रान्ति र शान्तिको नेता : राष्ट्रपति पौडेल चिकित्सकका माग सम्बोधन गर्न सांसदको माग सरकारलाई महरको खबरदारी, राष्ट्रपतिको कदमको सराहना तुर्कमेनिस्तान भ्रमणबारे प्रधानमन्त्रीले गराए संसद्लाई जानकारी आज हुने भनिएको प्रधानमन्त्रीसँगको प्रश्नोत्तर कार्यक्रम स्थगित