राष्ट्रिय वाणिज्य बैंकको २९७ औं शाखा धनुषाधाममा

ललितपुुर। राष्ट्रिय वाणिज्य बैंकले धनुषा जिल्लाको धनुषाधाम न।पा।वडा न।३ स्थित २९७ औं शाखा कार्यालय धनुषाधाम विस्तार गरी कारोबार सुरु गरेको छ ।

धनुषाधाम नगरपालिकाका नगरप्रमुख वालेश्वर मण्डल र बैंक सञ्चालक समितिका अध्यक्ष दिलिपकुमार ढुङ्गानाले ताम्रपत्र अनावरण र रिबन काटेर शनिबार एक समारोहका बीच शाखाको संयुक्त रुपमा उद्घाटन गरेका छन् ।

उक्त अवसरमा नगरप्रमुख वालेश्वर मण्डलले धनुषाधाम क्षेत्र पर्यटकीय र कृषि क्षेत्रसँग जोडिएकाले यस क्षेत्रमा बैंकले प्राथमिकताका साथ लगानी गर्नुपर्ने बताए ।

बैंकमा सरकारको लगानी भएकाले यो जनताकै बैंक हो र नागरिकले यस बैंकसँग बैंकिङ्ग कारोबार गर्नुपर्ने बताए । बैंकका प्रमुख कार्यकारी अधिकृत दवेन्द्ररमण खनालले बैंकले ७७ वटै जिल्लामा प्राथमिकताका साथ शाखा स्थापना गर्ने योजना बमोजिम शाखा विस्तार गरी आम नागरिकमा वित्तीय पहुँच विस्तार गरिरहेको बताए । उनले अहिले बैंकमा भएको योग्य र दक्ष जनशक्ति नागरिकमा आधुनिक बैंकिङ्ग सेवा प्रवाह गर्न सक्षम रहेको बताए । उक्त समारोहमा प्रभातफेरी कार्यक्रम गरी नगर परिक्रमा समेत गरिएको थियो ।

बैंक सञ्चालक समितिका अध्यक्ष दिलिपकुमार ढुङ्गानाको सभापितत्वमा सम्पन्न भएको कार्यक्रममा धनुषाधाम नगरपालिकाका उपप्रमुख विद्यादेबी भुजेल, धनुषाधाम नगरपालिका ३ न। वडाका अध्यक्ष, बैंकका उपकार्यकारी अधिकृत पवन रेग्मी, विभागीय प्रमुख आनन्द सुवेदी, मधेश प्रादेशिक कार्यालयका प्रादेशिक प्रबन्धक कमलेश ठाकुर, कम्पनी सचिव प्रमोद अधिकारी, राजनीतिक दलका स्थानीय प्रतिनिधिहरु, समाजसेवीहरु, उद्योगी व्यवसायीहरु, अन्य स्थानीय संघसस्थाका प्रतिनिधिहरु, बैंकका शाखा प्रबन्धकहरु, कर्मचारीहरु लगायत सर्वसाधारणहरुको उपस्थिति रहेको थियो ।

उक्त कार्यक्रम संगम महतले सञ्चालन गरेका थिए । बैंकको हाल सातै प्रदेश, ७७ जिल्लामा २९७ वटा शाखा कार्यालय, ३१२ वटा एटिएम र ९९ वटा शाखा रहित बैंकिङ्ग सेवा रहेको छ ।

थप समाचारहरु

काँकडभिट्टाबाट १५ अर्बको चिया, अलैची र अदुवा निर्यात आय आर्जन बढाउन सामुदायिक वनभित्र उद्यान निर्माण सिमेन्ट उत्पादक संघको नेतृत्वमा शिवम् सिमेन्टका प्रबन्ध निर्देशक रघु नन्दन मारु सिटिजन्स बैंकको वित्तीय सचेतना भिडियो सार्वजनिक अझै बाढीको जोखिममा थामे क्षेत्र एन आई सी एशिया बैंकलाई ‘बैंकिङ्ग कनक्लेभ २०२४’ कार्यक्रममा अवार्ड प्रदान यो वर्ष विकास निर्माणका कामलाई गति दिन्छौँ : सञ्चारमन्त्री गुरुङ (अन्तर्वार्ता) लक्ष्मी सन्राइज बैंकले गर्यो वीरगंजमा सेवा विस्तार गरिमा विकास बैंकको नायब प्रमुख कार्यकारी अधिकृतमा अनिल रेग्मी नियुक्त ‘बानेश्वरमा चाडवाडको बहार, समान खरिदमा उपहारै उपहार’ योजना घोषणा यस्तो छ नेपाल टेलिकमको दशैं अफर मुस्ताङ यात्राको थकान मेटाउने भुरुङ तातोपानी सुनचाँदी व्यवसायीको राष्ट्रिय भेला, आन्दोलन रोक्न प्रधानमन्त्रीको आग्रह सर्पको टोकाइबाट १३ वर्षीय किशोरको मृत्यु चालु आवको एघार महिनामा वीरगञ्ज नाका भएर एक खर्ब ७४ अर्ब बराबरको पेट्रोलियम पदार्थ आयात कैलाश मानसरोवर गएका यात्रुको मृत्यु ‘समाचार लेखेकै भरमा पत्रकारलाई अदालतमा तान्न मिल्दैन’ राइटपाथको ‘युके एजुकेसन एक्स्पो २०२५’ सम्पन्न, ५०० बढी विद्यार्थीको सहभागिता