बिजनेस पाटी
ललितपुर । पछिल्लो दुई दिनमा विपद्का घटनामा परी देशभर ४० जनाको मृत्यु भएको छ । बाढीपहिरो, चट्याङ तथा सवारी दुर्घटनामा परी १३ जना घाइते भएका सशस्त्र प्रहरी बल नेपालले जनाएको छ । विपद्का घटनामा परी ११ जना बेपत्ता भएका
अविरल वर्षासँगै गएको पहिरोमा परी इलाम जिल्लाका विभिन्न पालिकामा ३४ जनाको मृत्यु भएको छ । आज अपराह्न १ बजेसम्म प्राप्त विवरणअनुसार चार जना बेपत्ता भएका छन् । पहिरोमा परी मृत्यु भएका ११ जनाको शव परीक्षण भइसकेको इलामका प्रमुख जिल्ला अधिकारी सुनिता नेपालले जानकारी दिएकी छन् ।
क्षतिको विस्तृत विवरण आउनेक्रम जारी रहेको जिल्ला प्रशासन कार्यालयले जनाएको छ । पहिरोमा परी सूर्योदय नगरपालिका–१ मानेभञ्ज्याङमा पाँच, इलाम नगरपालिका–६ घोसमा छ, सन्दकपुर गाउँपालिकामा चार, माङ्सेबुङ गाउँपालिकामा तीन, देउमाई नगरपालिकामा आठ, माइजोगमाई गाउँपालिकामा सात र फाकफोकथुम गाउँपालिकामा एक गरी ३४ जनाको मृत्यु भएको प्रमुख जिल्ला अधिकारी नेपालले जानकारी दिए ।
विपद्मा परी सन्दकपुर गाउँपालिकामा दुई तथा इलाम नगरपालिका र माइजोगमाई गाउँपालिकामा एक/ एकजना बेपत्ता भएका छन् । छन् । बाढीपहिरोबाट इलाम जिल्लामा मात्रै ३४ जनाको मत्यु र दुई जना गम्भीर घाइते भएको सशस्त्र प्रहरीले जनाएको छ ।
यसैगरी बाढीपहिरोमा परी उदयपुरमा दुई, रौतहटमा तीन, रसुवामा चार र काठमाडौँमा एक जनाको मृत्यु भएको छ । खोटाङ, भोजपुर, रौटहट र मकवानपुरमा चट्याङबाट आठ जना घाइते भएका छन् । पाँचथरमा सवारी दुर्घटनामा छ जनाको मृत्यु भएको छ, भने छ जना घाइते भएका छन् ।
सुत्केरीसहित दुई जनाको उद्धार
यसैबीच इलामको माङ्सेबुङ गाउँपालिका–१ पातीगाउँमा पहिरोमा परी गम्भीर घाइते भएका सुत्केरीसहित दुई जनाको आज नेपाली सेनाले उद्धार गरेको छ ।
उनीहरुलाई सेनाको हेलिकप्टरबाट उद्धार गरी उपचारका लागि धरानस्थित बिपी कोइराला स्वास्थ्य विज्ञान प्रतिष्ठान लगिएको सैनिक जनसम्पर्क तथा सूचना निर्देशनालयले जनाएको छ । माङसेबुङ गाउँपालिका, इलाम नगरपालिका र मानेभञ्ज्याङ इलाकामा पहिरोबाट क्षति भएकाले २१ बाहिनी अड्डा र अन्तर्गतका इकाइबाट सुरक्षाकर्मी परिचालन गरिएको सेनाले जनाएको छ ।
थप समाचारहरु
ग्लोबल आइएमई बैंक र आईएफसीबिच डिजिटल ट्रान्सफरमेशन तथा एम्बेडेड फाइनान्स एडभाइजरी साझेदारी
युवालाई गाउँमै रोजगारी दिन ‘श्रम बैङ्क’
सिमेन्ट उत्पादनमा ३० देखि ३६ प्रतिशतले गिरावट
मनाङमा एक सय ३५ मेगावाटको जलविद्युत् आयोजना बन्ने
कानुनविपरीत स्वकीय सचिव र सल्लाहकार राख्दै स्थानीय तह
चिनी उद्योगलाई उखु अभाव
कफीखेतीबाट वार्षिक रु १३ लाख आम्दानी
कोका–कोलाले नेपालको लागि बनायो ’द लार्जेस्ट मोमो पार्टी’ को गिनिज वल्र्ड रेकर्ड
एसइईमा छात्रको सङ्ख्या निरन्तर बढ्दै
पाल्पामा जिप दुर्घटना हुँदा तीनको मृत्यु, दुई घाइते
आज शिक्षा समितिको बैठक बस्दै
सूचना प्रविधि सावधानीपूर्वक प्रयोग गर्नुपर्ने
गैरआवासीय नेपाली सङ्घलाई एकताबद्ध, मर्यादित र उद्देश्यकेन्द्रित बनाउन प्रधानमन्त्रीको आग्रह
छ किलो चार सय ग्राम सुनसहित ११ भारतीय नागरिक पक्राउ
नेपालबाट फेरि २०० मेगावाट बिजुली भारत निर्यात गर्ने सहमति
नेपाली सेनालाई भारतले पठायो कुकुर र घोडा उपहार
सचेत रहन टेलिकमको आग्रह
आजको मौसम : देशभर साधारणतया बदली हुने
फेसबुकबाट तपाईको प्रतिक्रिया