विराटनगरमा कियाको नयाँ सोरुम सञ्चालनमा

ललितपुर । विश्वविख्यात दक्षिण कोरियाली अटो ब्रान्ड कियाको नयाँ सोरुम विराटनगरमा पूर्ण रूपमा सञ्चालनमा आएको छ। नेपालका लागि कियाका अधिकृत विक्रेता कन्टिनेन्टल ट्रेडिङ इन्टरप्राइजेज प्रा।लि।ले नयाँ ‘किया सीआई २।०’ मापदण्ड अनुसार सोरुम सञ्चालनमा ल्याएको हो।

सो उद्घाटन कार्यक्रममा कम्पनीका प्रमुख पदाधिकारीहरू अटो डिभिजनका असिस्टेन्ट जनरल म्यानेजर मञ्जीत कुमार पोखरेल, काठमाडौं गैरीधाराका सेल्स म्यानेजर विनय श्रेष्ठ, मार्केटिङ अफिसर निरात न्यौपाने र विराटनगर शाखाका शोरुम इन्चार्ज कुशल लामिछाने लगायतको उपस्थिति रहेको थियो। कार्यक्रममा बोल्दै पोखरेलले पूर्वी क्षेत्रको बजारलाई लक्षित गर्दै विराटनगरमा कियाको पकड विस्तार गर्न सोरुम स्थापना गरिएको बताए।

नयाँ सोरुममार्फत नेपालमा उपलब्ध कियाका सबै प्रकारका इन्धन र विद्युतीय सवारीसाधन बिक्रीमा उपलब्ध हुने छन्। ग्राहकलाई थप आकर्षित गर्न कम्पनीले असार १४ देखि १६ सम्म “किया फ्लाश एक्सचेन्ज क्याम्प” आयोजना गर्ने भएको छ। उक्त क्याम्पमा जुनसुकै पुरानो गाडी साटेर नयाँ कियाको गाडी खरिद गर्न सकिनेछ, जहाँ पुराना गाडीको मूल्यांकनमा विशेष अफर प्रदान गरिने कम्पनीले जनाएको छ।

क्याम्प अवधिमा बुकिङ गरिने गाडीमा कम्पनीले पहिलो वर्षको सम्पूर्ण बीमा र सडक कर आफैं बेहोर्ने घोषणा गरेको छ। साथै, गाडी खरिदकर्ताका लागि बैंक तथा वित्तीय संस्थामार्फत सहज किस्ताबन्दीको व्यवस्था पनि गरिएको छ। ग्राहकहरूले क्याम्पमा कियाका चर्चित मोडेलहरू नयाँ फेसलिफ्ट ‘सेल्टोस’, ‘सोनेट’ र ‘कारेन्स’ को सन् २०२५ मोडलको टेस्ट ड्राइभ समेत गर्न सक्नेछन्।

नेपालमा ३० वर्षदेखि कियाका सवारी साधनले आफ्नो उपस्थिति जमाएका छन्। विश्वबजारमा व्यापक लोकप्रियता कमाएका कियाका इन्धन र विद्युतीय दुबै खालका गाडीहरू अब विराटनगरमा समेत सहज रूपमा उपलब्ध हुने भएकाले कम्पनीले सोरुममार्फत पूर्वी क्षेत्रका ग्राहकलाई सेवा दिन थप सजिलो हुने विश्वास व्यक्त गरेको छ।

थप समाचारहरु

‘टीभीएस ग्रेट ग्रान्ड एक्स्चेन्ज एन्ड फाइनान्स मेला’ जारी (भिडियो) भृकुटीमण्डपमा यामाहा ब्लु फेस्टको भव्य उद्घाटन होटलमैत्री मौद्रिक नीति ल्याउन हानको सुझाव सिजी मोटर्सद्धारा नेपालकै पहिलो पिकअप ‘रिड्डारा आरडी ६’ सार्वजनिक ‘किसान पलायन भए उद्योग व्यवसाय पनि सबल रहँदैन’ नेपाल लाइफले खोल्यो ५ अर्बको लगानीमा इन्भेष्टमेन्ट कम्पनी, लगानी विविधिकरणको नयाँ कोशे ढुङ्गा तय कासल एडुकेसन कन्सल्टेन्सी नयाँ व्यवस्थापनमा सिमलेस दुबई २०२५ मा नेपाल पविलियनको उद्घाटन — नेपाली फिन्टेक को ऐतिहासिक सुरुवात माग पुरा नभए साउन देखि सशक्त आन्दोलन गर्छौ – अध्यक्ष रसाइली यस्तो छ आजकोलागि सागसब्जी र फलफूलको थोक मूल्य शाओमी १४टी स्मार्टफोनको मूल्य घट्यो यस्तो छ आजको सागसब्जी र फलफूलको थोक मूल्य नेपाल टेलिकमको बिहिवारदेखि लागू हुने गरी ‘मनसुन अफर २०८२’ आजका लागि यस्तो छ विदेशी मुद्राको विनिमय दर लुम्बिनीमा बौद्ध भिक्षुको तीनमहिने धार्मिक साधना सुरु यस्तो कायम गरिएको छ आजको लागि विदेशी मुद्राको विनिमय दर सिटी एक्सप्रेस मनि ट्रान्सफरको १९औ बार्षिकोत्सवको अवसरमा रक्तदान कार्यक्रम सीजी इलेक्ट्रोनिक्समार्फत नेपालमा उपलब्ध अत्याधुनिक प्रविधियुक्त फ्रन्ट–लोड वासर ड्रायर सार्वजनिक