विश्व बैंकको अनुदान प्राप्त तनहुँका दुई सडकको स्तरोन्नतिमा ढिलासुस्ती

तनहुँ । चालु आर्थिक वर्षको पुष मसान्तसम्ममा सम्पन्न हुने गरी बजेट विनियोजन गरिएको तनहुँ जिल्लाका दुई सडकको स्तरोन्नतिमा ढिलासुस्ती भएको छ । उक्त सडक स्तरोन्नतिका लागि विश्व बैंकबाट अनुदान प्राप्त भएको थियो । सहरी विकास मन्त्रालयको सहरी शासकीय तथा पूर्वाधार विकास कार्यक्रममार्फत सञ्चालित व्यास र शुक्लागण्डकी नगरपालिकाका यी दुई सडक आयोजना निर्माण कार्यमा निकै ढिलासुस्ती भएको छ ।

चालु आर्थिक वर्ष २०८२/०८३ को पुस महिनाभित्र सम्पन्न हुने गरी काम गर्न बजेट विनियोजन गरिएको छ । व्यास नगरपालिकामा पराशर मार्ग र शुक्लागण्डकी नगरपालिकामा दुलेगौडा–लामागाउँ स्तरोन्नति भइरहेका छन् । ती सडक अस्फाल्ट प्रविधिबाट कालोपत्र गर्न सम्झौता भएको थियो ।

व्यासका वडा नं ७, ९, १० र ११ गरी चार वडालाई जोड्ने गरी चक्रपथ निर्माणका लागि खुलेका ती ट्रयाकमा स्तरोन्नति भइरहेको नगरपालिका प्रमुख वैकुण्ठ न्यौपानेले बताए। निर्धारित पुस महिनासम्ममा काम पूरा गर्न नगरपालिकाले सम्बन्धित निर्माण व्यवसायीलाई निर्देशन दिएको छ ।

बुल्दीखोला–बेलटारी–फराकचौर–अधेरीभञ्ज्याङ–कुमालगाउँ–समता स्कुल–कलेस्ती जोडिने सो सडक खण्डमा १०।५५ किलोमिटर दूरी कालोपत्र हुनेछ । उक्त सडकको हालसम्म १८.२९ प्रतिशत मात्र काम भएको छ ।

विसं २०८२ असारसम्म सम्पन्न गर्ने गरी काम अघि बढाइएकोमा काम पूरा नभएपछि छ महिना म्याद थप भएको व्यास नगरपालिकाका सिनियर डिभिजन इञ्जिनियर डा राजु पौडेलले जानकारी दिए।

सडक स्तरोन्नतिका लागि रु४० करोड ८३ लाख ३५ हजार ९२१ मा निर्माण कम्पनी बिकेएचटिडिसीएल एसिपिएल जेभी कालीमाटीसँग सम्झौता भएको थियो ।

त्यसैगरी दुलेगौंडा–लामागाउँ सडकखण्डमा ४५ प्रतिशत भौतिक प्रगति भएको छ । अबको ६१ दिनमा काम पूरा गर्ने प्रतिबद्धता निर्माण कम्पनीले जनाएको शुक्लागण्डकी नगरपालिकाका प्रमुख नगरप्रमुख कृष्णराज पण्डितले जानकारी दिए।

यो सडक कालोपत्रका लागि निर्माण कम्पनीसँग नगरपालिकाले विसं २०८० चैत २५ गते सम्झौता गरेको थियो । मोटरमार्ग ७।१ किलोमिटर दूरी कालोपत्र गर्न थालिएको प्रमुख प्रशासकीय अधिकृत रामचन्द्र लामगादेले जानकारी दिए। लामादेका अनुसार उक्त ठेक्काको रकम रु २७ करोड ३४ लाख ७९ हजार ८३४ रहेको छ ।

शुक्लागण्डकी–४ दुलेगौडाबाट सुरु हुने कालोपत्रले शुक्लागण्डकी ८, ९ र १२ वडालाई जोडिनेछ । दुलेगौडास्थित बिपीचोक, हेल्थपोष्टचोक, पुल्चोक, घारी, तालबेँसी, मालेबगर हुँदै लीलाचोकसम्म कालोपत्र हुनेछ ।

थप समाचारहरु

नारायणगढ–बुटवल सडक विस्तारः दाउन्ने खण्ड चार घण्टा बन्द बुटवल-नारायणगढ सडक सञ्चालन मोटरसाइकल दुर्घटनामा एकको मृत्यु मुग्लिन पोखरा सडक दोस्रो चरणको कालोपत्र सुरु कञ्चनपुर–कमला सडक विस्तारः लहानमा ‘ओभरपास’ निर्माण थालियो बसको ठक्करबाट युवतीको मृत्यु, तीन जना घाइते अबरुद्ध बीपी राजमार्ग सुचारु अझै बनेन दुई वर्षअघि भासिएको बिरिङको पुल वर्षामा समस्यारहित बनाउने प्रयासमा नारायणगढ–मुग्लिन सडकखण्ड राजविराज बसपार्क ३८ वर्षपछि सञ्चालनमा सर्लाहीमा मोटरसाइकल दुर्घटनाः चालकको मृत्यु अत्तरिया–भ्यागुतेपानी सडक स्तरोन्नति गरिँदै टेम्पोले दियो ट्राफिक प्रहरीलाई ठक्कर देशका पाँच मुख्य राजमार्ग अवरुद्ध  सिद्धबाबा सुरुङमार्गमा ‘इन्भर्ट’ निर्माणको काम सकियो बेँसीसहर-चामे सडकमा राति सवारी सञ्चालनमा रोक सिद्धबाबा सुरुङमार्गः भौतिक प्रगति ५७ प्रतिशत मध्यपहाडी लोकमार्गको सिन्धुली खण्ड अवरुद्ध