वैदेशिक रोजगारीमा जानेलाई विना धितो ५ लाखसम्म ऋण, कमाउँदै तिर्दै गर्न सकिने

ललितपुर । वैदेशिक रोजगारीमा जान चाहने नेपाली युवा/युवतीहरूका लागि सरकारले विना धितो ऋण उपलब्ध गराउने भएको छ । राष्ट्र बैंकले गत शुक्रबार सार्वजनिक गरेको आर्थिक वर्ष २०८२/८३ को मौद्रिक नीतिमार्फत यस किसिमको व्यवस्था गरिएको घोषणा गरेको छ ।

तर वैदेशिक रोजगारीमा जान चाहने महिला र पुरुषले पाउने धितोको रकम भने फरक कायम गरिएको छ । जस अनुसार पुरुषले ३ लाख रुपैयाँसम्म विना धितो ऋण पाउने छन् भने महिलाहरुले चाहिँ ५ लाख रुपैयाँसम्म ऋण पाउने भएका छन् । विपन्न वर्गका युवा/युवती लक्षित यो कर्जा धितोबिना प्रवाह गरिने भएको छ । जसले आर्थिक अवस्था कमजोर भएका युवा÷युवतीहरूलाई ठूलो राहत पुग्ने सरकारले विश्वास लिएको छ ।

यस किसिमको कर्जालाई भने ‘विपन्न वर्ग कर्जा’ स्वरुप प्रवाह गरिने भएको छ । श्रम, रोजगार तथा सामाजिक सुरक्षा मन्त्रालयको समन्वयमा बैंक तथा वित्तीय संस्थाबाट प्रवाह गरिने यस कर्जालाई ‘विपन्न वर्ग कर्जा’ अन्तर्गत गणना गर्न सकिने राष्ट्र बैंकले जनाएको छ । खासगरी, महिलाका लागि ऋण सीमा बढी तोकिएकोले उनीहरूलाई वैदेशिक रोजगारीमा जान अझ प्रोत्साहन मिल्ने अपेक्षा गरिएको छ ।

अब विदेशमा गएर कर्मा गर्ने चाहना भएका विपन्न वर्गका युवा/युवतीहरुले चर्को ब्याज व्यहोर्ने समस्याबाट मुक्ति पाउने भएका छन् । विगतमा धेरै युवा/युतवीहरू विदेश जानका लागि टिकट, भिसा र अन्य तयारी खर्च जुटाउन चर्को ब्याजमा साहुबाट ऋण लिन बाध्य हुने गरेका थिए । अब भने औपचारिक बैंकिङ प्रणालीमार्फत सस्तो र पहुँचयोग्य कर्जा उपलब्ध हुने श्रम मन्त्रालयको भनाइ छ ।

इच्छुक देशका युवा वर्गलाई विदेशमा गएर काम गर्नका लागि ऋण नपाइने समस्याबाट यस व्यवस्थाले हदैसम्म सजिलो बनाएको छ । यसका लागि सरकारले कार्य विधि अगाडि बढाइसकेको श्रममन्त्री शरतसिंह भण्डारीले बताएका छन् । उनले भने, “श्रमिकहरू चर्को ब्याजदरमा ऋण लिँदै आएका थिए । अब उनीहरूलाई बैंकमार्फत सहज ऋण दिने व्यवस्था गरिएको हो ।”

यसरी सरकारको योजना अन्तर्गत बैंक तथा वित्तीय संस्थाबाट सरकारको योजना अनुसार ‘विपन्न वर्ग कर्जा’ लिएर विदेश जाने युवा÷युवतीहरुले उक्त ऋण विदेशमा कमाइ गर्दै तिर्दै व्यवस्था गरिनेछ । कर्जाको कार्यान्वयनमा पारदर्शिता र निगरानी कायम गर्नेसम्बन्धी व्यवस्थाहरू पनि कार्यविधिमा समावेश गरिने नेपाल राष्ट्रबैंकको मौद्रिक नीतिमा समावेश गरिएको छ ।

थप समाचारहरु

आजका लागि विदेशी मुद्राको विनिमयदर, कुन देशको कति ? नेपालको आर्थिक वृद्धिदर ४.५ प्रतिशत पुग्ने विश्व बैंकको प्रक्षेपण नबिल बैंकलाई प्रधानमन्त्रीद्वारा नेपाल उद्योग वाणिज्य महासंघको ५९औँ वार्षिक साधारणसभा कार्यक्रममा सम्मानित एक वर्षको मुद्दती निक्षेपमा ९७ करोड लगानी गर्दै राष्ट्र बैंक आजका लागि निर्धारित विदेशी मुद्राको विनिमयदर यस्तो छ आजका लागि निर्धारित विदेशी मुद्राको विनिमयदर गभर्नर बन्ने पक्का भएपछि भट्टले दिए कार्यकारी निर्देशक पदबाट राजीनामा गभर्नरमा पहिलो नम्बरमा अर्थशास्त्री विश्व पौडेलको नाम सिफारिस ग्लोबल आइएमई क्यापिटलको १० वर्ष अवधिको बन्दमुखी योजना -‘ग्लोबल आइएमई समुन्नत योजना–२’ बैङ्क दर र नीतिगत दर घटाइयो, आवास र शेयर कर्जामा राष्ट्र बैङ्क खुकुलो सम्पत्ति शुद्धीकरण मामिलामा खैरो सूचीबाट बाहिर निस्कन अनुसन्धान र कारबाही प्रभावकारी बनाइने गर्भनर पौडेलद्वारा हस्ताक्षरित नयाँ नोट छापिँदै राष्ट्र बैंकद्वारा नयाँ व्यवस्था लागू, विदेश यात्र गर्नु अगाडि अनिवार्य बैंक खाता खोल्नुपर्ने लगानीको उचित वातावरण नहुँदा बैंकमा थुप्रियो पैसा : राष्ट्र बैंकले आज पनि ५० अर्ब निक्षेप खिच्दै आज बैंकिङ प्रणालीबाट ५० अर्ब तान्दै राष्ट्र बैंक कुमारी बैंकको नाफा २ अर्ब नाघ्यो राष्ट्र बैंकले आज फेरि ६० अर्ब रुपैयाँ निक्षेप उठाउँदै राष्ट्रिय वाणिज्य बैंक र नेपाल टेलिकमबीच सम्झौता