‘संविधानको रक्षार्थ एमालेले जागरणसभा अयोजना गरेको हो

गण्डकी  नेपाल कम्युनिष्ट पार्टी (एमाले)का वरिष्ठ उपाध्यक्ष ईश्वर पोखरेलले लोकतान्त्रिक गणतन्त्र र संविधानको रक्षार्थ पार्टीले देशव्यापी जागरणसभाको आयोजना गरेको बताउनुभएको छ । नेकपा (एमाले) कास्कीद्वारा आज पोखराको चिप्लेढुङ्गामा आयोजित जागरणसभामा उहाँले नेपाली जनताको बलमा प्राप्त उपलब्धिलाई कसैले खोस्न नसक्ने स्पष्ट पार्नुभयो । लोकतन्त्र, गणतन्त्र, संविधा, सङ्घीयता र धर्म निरपेक्षताको विरुद्धमा भइरहेका षडयन्त्रलाई परास्त पार्न गणतन्त्रवादी शक्तिहरू एकजुट हुनुपर्नेमा नेता पोखरेलले जोड दिनुभयो । यही चैतको १५ गते पूर्वराजाका समर्थकद्वारा भएको प्रदर्शनमा जनधनको क्षति भएको भन्दै प्रदर्शनकारीलाई कानुनी दायरामा ल्याएर कारबाही गर्नुपर्ने उहाँको भनाइ छ । जन्मका आधारमा शासन गर्ने कुरा आजको आधुनिक समाजमा स्वीकार्य नहुने बताउनुभयो । समाजमा विभिन्न ढङ्गले भ्रम पैदा गर्ने काम भइरहेको बताउँदै नेता पोखरेलले सञ्चार क्षेत्रले सत्यतथ्यका आधारमा त्यस्ता गतिविधिबाट जनतामा पर्ने भ्रमलाई चिर्नुपर्ने आवश्यकता औँल्याउनुभयो । मुलुकमा सङ्कट पर्दा र अधिकार प्राप्तिको आन्दोलनमा राजनीतिक पार्टीहरू एउटै मोर्चामा उभिने गरेको इतिहास रहेको स्मरण गर्दै उहाँले जनताका अधिकार र राजनैतिक स्थायित्व, विकास र सुशासनसहित समृद्धिका लागि दुई ठूला दल नेपाली कांग्रेस र एमालेको सरकार बनेको बताउनुभयो ।

नेकपा (एमाले) स्थायी कमिटी सदस्य एवं गण्डकी प्रदेशका निवर्तमान मुख्यमन्त्री खगराज अधिकारीले जनअपेक्षाअनुसार सम्पूर्ण काम एकैचोटि हुन नसके पनि साढे तीन दशकको अवधिमा मुलुकको पूर्वाधार निर्माणमा कोसेढुङ्गा साबित भएको बताउनुभयो । पार्टी स्थायी कमिटी सदस्य एवं गण्डकी इन्चार्ज किरण गुरुङले सङ्घीय लोकतान्त्रिक गणतन्त्रको विकल्प नरहेको बताउनुभयो । स्थायी कमिटी सदस्य थममाया थापाले लोकतान्त्रिक संविधानले महिला हकअधिकार सुनिश्चित गरेको बताउनुभयो । एमाले कास्कीका अध्यक्ष बैनबहादुर क्षेत्रीको अध्यक्षतामा भएको कार्यक्रममा उपाध्यक्ष भेषराज बराल, सचिव दर्शन लामालगायतले जागरणसभाको उद्देश्यमाथि प्रकाश पार्नुभएको थियो । जिल्लाका पाँचवटै पालिकाबाट लोकतान्त्रिक गणतन्त्र र संविधानको रक्षार्थ विभिन्न नारा, नेपाल र पार्टीको झन्डा र बाजागाजासहित आएको र्‍याली चिप्लेढुङ्गास्थित मानव अधिकारचोकमा आएर सभामा परिणत भएको थियो ।

थप समाचारहरु

यातायात व्यवस्था विभाग: चालकलाई १ वर्षका लागि परीक्षणकालीन लाइसेन्स दिने तयारी पाल्पाको टिपर दुर्घटनामा परी टिपर चालक सल्यानका ३७ वर्षीय भोलाराम बोहोराको मृत्यु कतारको मुद्रा नचल्ने, यथाशीघ्र सटही गर्न नेपाल राष्ट्र बैंकको नेपालीलाई आग्रह राजा महेन्द्रले तारिफ गर्दा स्वर्गै पुगेजस्तो भयो पहिलो अभिनेत्री भुवन चन्दलाई सूरिया ल्याबबाट पीसीआर रिपोर्ट लिएर विमानस्थल पुगेका १२२ जनालाई फर्काइयो भारतमा कोरोनाको संक्रमण व्यापक, अस्पतालमा शैया र औषधि नपाएर मृत्यु हुनेको संख्या बढ्दो प्रचण्डलाइ एमसीसीमा समर्थन जनाएकाे आराेप पार्टीभित्र गुटगत गतिविधिलाई मान्यता दिन नसकिने: प्रधानमन्त्री ओली स्थानीय निकायमा खरिद प्रक्रिया थाहा नहुँदा समस्या : मुख्यमन्त्री  राष्ट्रिय सुरक्षाका लागि सक्षम जनशक्ति आवश्यक : प्रधानमन्त्री ओली ‘नयाँ वर्षसँगै लोकतान्त्रिक गणतान्त्रिक शासन व्यवस्था सुदृढ हुनेछ’ कानुन समितिको वार्षिक प्रतिवेदन पारित, आगामी संसद् बैठकमा पेस हुने समाजमा अराजकता फैलाउने कुनै पनि गतिविधि सह्य हुँदैनः गृह मन्त्रालय चौधरी पक्राउबारे विहीबार गृहमन्त्रीले जवाफ दिनेभएपछि हट्यो सदनको अवरोध कांग्रेस संसदीय दलको बैठकमा आगामी बजेटबारे छलफल रास्वपाका सभापति रविको मुद्दा ‘हेर्न नमिल्ने’ मा जनकपुरधाममा पाँच दलले घोषणा गरे ‘संघीय गणतान्त्रिक गठबन्धन’ मन्त्रिपरिषद्को साउन १२ गतेको बैठकका निर्णय